რეგიონები

კახეთში ხანძარს ერთი ადამიანი ემსხვერპლა

საგარეჯოს რაიონის სოფელ პატარა ჩაილურში გაჩენილ ხანძარს მამაკაცის სიცოცხლე ემსხვერპლა.

დამწვრობა მიიღო 11 წლის გოგომ, 8 წლის ბიჭმა და მათმა დედამ. ბავშვები თბილისში, დამწვრობის ცენტრში არიან მოთავსებული. ბავშვების დედა კი საგარეჯოს რაიონულ საავადმყოფოში მკურნალობს.

სოფლის გამგეობის წარმომადგენლის, სოლომონ გრძელიშვილის ინფორმაციით, სახლს გვიან ღამით ცეცხლი ამავე სოფელში მცხოვრებმა მამაკაცმა წაუკიდა.

მოხუცმა მამაკაცმა ამ ინცინდენტის შემდეგ, თივის ზვინს ცეცხლი წაუკიდა და თავის მოკვლა სცადა, თუმცა, იგი მძიმე დამწვრობით რეანიმაციაში გადაიყვანეს.

როგორც გრძელიშვილი ამბობს, ოჯახი ამ კაცთან მას შემდეგ ცხოვრობდა, რაც მას შვილი გარდაეცვალა.

,,შვილი დაეღუპა და ეს ოჯახი თავისთან წაიყვანა, მომხედეთ და სახლს დაგიმტკიცებთო. უკვე 7 წელია ერთად ცხოვრობდნენ. რა გახდა ამის მიზეზი უცნობია. ბავშვების მამა ხანძრის შედეგად გარდაიცვალა," - ამბობს სოლომონ გრძელიშვილი.

საგამოძიებო უწყებებმა მომხდარ ფაქტთან დაკავშირებით გამოძიება დაიწყეს.

ნინო ექვთიმიშვილი