კომენტარი

კალაძე იქნება უფრო ეფექტური მერი ვიდრე ნარმანია – გიგი უგულავა

თბილისის ყოფილი მერის გიგი უგულავას აზრით, ახლადარჩეული მერი კახა კალაძე, უფრო ეფექტური დედაქალაქის მერი იქნება, ვიდრე დავით ნარმანია.

ამის შესახებ უგულავამ „ტვ პირველის“ ეთერში განაცხადა.

„კალაძე იქნება უფრო ეფექტური მერი, ვიდრე ნარმანია, რადგან ნარმანია გადაწყვეტილებებს ვერ იღებდა, კალაძე მიიღებს. წარმატებებს ვუსურვებდი თბილისელებს მისი ადმინისტრაციის პირობებში,მაგრამ ამის არმჯერა.

მე არასდროს ვყოფილვარ დაუნახავი. თვითონ ვიყავი დიდი ხანი ამ თანამდებობაზე და რაც კარგი გაკეთდება, მხოლოდ გამიხარდება. ჯიბრში ჩადგომას არ ვაპირებ, თან ისიც ვიცი რა სირთულეებთან არის დაკავშირებული ეს თანამდებობა. პრემიერ–მინისტრზე რთული თანამდებობაა, მაგრამ ამ ადამიანის არ მჯერა, მისი მსოფლმხედველობის, პატიოსნების და გულწრფელობის არ მჯერა. მისი ხედვა არის მოძველებული. არის საკითხები, რომელიც კალაძემ აიღო და „კოპი–პეისტით“ გადმოიტანა ის, რაც მე ვერ მოვასწარი გამეკეთებინა“, – განაცხადა გიგი უგულავამ.

მონიკა დავლიანიძე