უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
არქივი
მოზაიკა
კანადის დოკუმენტური ფილმების საერთაშორისო ფესტივალზე Hotdocs ფილმმა „სოვდაგარი“ გამარჯვება მოიპოვა
კანადის დოკუმენტური ფილმების საერთაშორისო ფესტივალზე HOTDOCS CANADIAN INTERNATIONAL DOCUMENTARY FESTIVAL რეჟისორ თამთა გაბრიჩიძის დოკუმენტურმა ფილმმა „სოვდაგარი“, მოკლემეტრაჟიანი დოკუმენტური ფილმების ნომინაციაში გამარჯვება მოიპოვა. „სოვდაგარი“ რეჟისორმა საზოგადოებრივი მაუწყებლის პროექტის „ტელებლოგის“ ფარგლებში გადაიღო და პირველი არხის ეთერში მისი პრემიერა 2016 წელს შედგა. ფილმზე საზოგადოებრივი მაუწყებლის გადამღები ჯგუფი მუშაობდა (ოპერატორი ივანე ანდიაშვილი, ხმის რეჟისორი ილია მაღრაძე, მონტაჟის რეჟისორი ნონა გოგოძე, პროდიუსერი ილია თავბერიძე). ფილმისთვის სპეციალურად დაიწერა მუსიკა, რომელიც გიგი (PianoMan) ჭიპაშვილს ეკუთვნის.
საზოგადოებრივი მაუწყებლის ინფორმაციით, Hotdocs ოსკარის საკვალიფიკაციო ფესტივალია, აღნიშნულ ნომინაციაში გამარჯვებით ფილმმა ოსკარის მონაწილეობის კვალიფიკაცია მოიპოვა და 2018 წლის საუკეთესო მოკლემეტრაჟიანი დოკუმენტური ფილმების ნომინაციისთვის იბრძოლებს. ფესტივალი 27 აპრილიდან 7 მაისის ჩათვლით ტორონტოში მიმდინარეობდა. ეს ერთ-ერთი ყველაზე მნიშვნელოვანი და მასშტაბური დოკუმენტური ფილმების ფესტივალია მთელს მსოფლიოში, რომელიც ყოველწლიურად ორასამდე ფილმს მასპინძლობს.
ფილმის სამცხე-ჯავახეთშია გადაღებული და მოგვითხრობს მოხეტიალე ვაჭრის ცხოვრებაზე, რომელიც კარტოფილის ძიებაში შემხვედრი ადამიანების ისტორიებს გვიამბობს. ისტორია ქალაქში იწყება და სამცხე-ჯავახეთის სოფლებამდე ჩადის, სადაც ფული - კარტოფილია, მასზე ცვლიან მეორად ტანსაცმელსა და საყოფაცხოვრებო ნივთებს.
თამთა გაბრიჩიძე რამდენიმე მოკლემეტრაჟიანი და დოკუმენტური ფილმის ავტორია. საზოგადოებრივი მაუწყებლის პროექტში „ტელებლოგი“, მან ასევე გადაიღო ფილმი „გუგულის გადაფრენა“, ბორჯომ-ბაკურიანის სარკინიგზო მატარებლის შესახებ.