მსოფლიო

კანადის პარლამენტში აღმოსავლეთ პარტნიორობის შესახებ სემინარი გაიმართა

კანადაში საქართველოს საგანგებო და სრულუფლებიანმა ელჩმა კონსტანტინე ქავთარაძემ მონაწილეობა მიიღო კანადის პარლამენტის საგარეო კომიტეტში აღმოსავლეთ პარტნიორობის თემაზე გამართლ სემინარში.

ღონისძიებაზე განხილულ იქნა აღმოსავლეთ პარტნიორობის ბრიუსელის სამიტის შედეგები, ევროკავშირსა და სამ ასოცირებულ ქვეყანას შორის მიმდინარე თანამშრომლობა, ასევე აღმოსავლეთ პარტნიორობის ქვეყნების წინაშე არსებული გამოწვევები.

ღონისძიება საქართველოს, უკრაინისა და მოლდოვის ელჩების ინიციატივით მოეწყო. მასში მონაწილეობდნენ პარლამენტის საგარეო კომიტეტის თავმჯდომარემ ბობ ნოლტი, კანადის საგარეო საქმეთა სამინისტროს აღმოსავლეთ ევროპისა და ევრაზიის დირექტორატის გენ.დირექტორი ელისონ ლეკლერი, ესტონეთის, როგორც ევროკავშირის თავმჯდომარეობის, წარმომადგენელი და ევროკავშირის ელჩი კანადაში.

სემინარს ასევე დაესწრნენ კანადის თემთა პალატისა და სენატის წევრები, ასევე კანადური კვლევითი ცენტრების ექსპერტები. ღნისძიების შემდეგ მოეწყო მიღება ქართული ღვინით.