მოზაიკა

კანის 71-ე კინოფესტივალს ჟიურის თავმჯდომარე კეიტ ბლანშეტი იქნება

კანის 71-ე კინოფესტივალის ჟიურის თავმჯდომარე ავსტრალიელი მსახიობი, 2-გზის ოსკარის მფლობელი კეიტ ბლანშეტი იქნება. ის ამ პოსტზე არჩეული მე-12 ქალი იქნება.

ბლანშეტი თავისი კინოკარიერის გარდა აქტიურადაა ჩართული კინოინდუსტრიაში სექსუალური ძალადობის და შევიწროების წინააღმდეგ ბრძოლაში.

ფესტივალი 8 მაისს გაიხსნება და 19 მაისამდე გაგრძელდება.

ოსკარის გარდა ბლანშეტს აქვს მოგებული 3 ბაფტა, 3 ოქროს გლობუსი, 2 აშშ-ის კინომსახიობთა გილდიის პრემია და ვენეციის ფესტივალის ჯილდო მუსიკოსი ბობ დილანის განსახიერებისთვის, ფილმში “მე აქ არ ვარ”.

ანა მებურიშვილი