უახლესი ამბები
- 24.04.2024 15:01სასამართლომ ირაკლი კუპრაძეს 2 500-ლარიანი ჯარიმა დააკისრა
- 24.04.2024 14:53სამედიცინო დაწესებულებების მონიტორინგის დროს გამოვლინდა ინფექციის პრევენციისა და კონტროლისთვის საჭირო ინფრასტრუქტურის ფუნქციონირების და პროცესის დარღვევების შემთხვევები - ომბუდსმენი
- 24.04.2024 14:41დღეს რუსთაველებმა ნათლად დაინახეს „ქართული ოცნების“ და „ნაციონალური მოძრაობის“ ღია თანამშრომლობის თვალსაჩინო მაგალითი - პარტია „გახარია საქართველოსთვის“
- 24.04.2024 14:16იდენტიფიცირებული იქნებიან ის პირები, რომლებიც, ხალხის რაოდენობის სიმცირის მიუხედავად, აქციის მონაწილეებს გზების პარალიზებისკენ მოუწოდებენ - შსს
- 24.04.2024 13:01საქართველოს ბანკის მხარდაჭერით გლდანი მოლი ფართოვდება
- 24.04.2024 12:38მესტიის მერი მეორე წელია დეკლარაციაში არ უთითებს ხელფასსა და 7 უძრავ ქონებას - `საერთაშორისო გამჭვირვალობა-საქართველოს`
- 24.04.2024 11:57ახალგაზრდების სოციალური მეწარმეობის პროექტების ხელშეწყობის პროგრამაზე რეგისტრაცია განახლებული პირობებით დღეს დაიწყება
- 24.04.2024 11:30შურისძიების მოტივით ჩადენილი მკვლელობის ფაქტზე ბრალდებულს 12 წლით თავისუფლების აღკვეთა მიესაჯა
- 24.04.2024 11:19პარტია „საქართველოსთვის“ წევრი ნოდარ შეროზია რუსთავის საკრებულოს თავმჯდომარეობიდან გადააყენეს
არქივი
პოლიტიკა
კანონით დაშვებულ პროტესტს აქვს ათასგვარი ფორმა, ძალიან საინტერესო სიურპრიზებს მოვუმზადებთ ამ ე.წ. ხელისუფლებას - გრიგოლ ვაშაძე
„ნაციონალური მოძრაობის“ ერთ-ერთი ლიდერის, გრიგოლ ვაშაძის განცხადებით, ოპოზიციის პროტესტი არ გაცდება კონსტიტუციურ ჩარჩოებს. ამის შესახებ მან ჟურნალისტებს რუსთავში საკუთარ მხარდამჭერებთან შეხვედრის შემდეგ განუცხადა.
ვაშაძის თქმით, მათი მოთხოვნები ხელისუფლების მიმართ უცვლელია.
„ესაა: ვადამდელი საპარლამენტო არჩევნები, საარჩევნო ადმინისტრაციის ტოტალური შეცვლა და ახალი წესით დაკომპლექტება, რომელშიც პარიტეტულ საწყისებზე იქნებიან ჩართული ისინი, ვინც დღეს ხელისუფლებაში იმყოფებიან, პოლიტიკური პარტიები და სამოქალაქო საზოგადოება. ასევე, ვითხოვთ საოლქო კომისიების გაუქმებასა და პროპორციულ, ან პროპორციულ-რეგიონალურ სისტემაზე გადასვლას.
მაჟორიტარი, როგორც წესი, მოდის თავისი ფულით და საკუთარი ბიზნეს-ინტერესების დასაცავად. ეს საბოლოოდ ყალიბდება ადგილობრივ ბელადად. ყველაფერი ეს გადადის უკანონობაში.
რაც შეეხება ბერკეტებს, ჩვენ გვაქვს 800 ათასზე მეტი საქართველოს მოქალაქის ხმა. ამაზე დიდი ქმედითი ბერკეტი ბუნებაში არ არსებობს. ამ ხელისუფლებას, უპირველეს ყოვლისა, ეშინია და უფრთხის საქართველოს მოქალაქის ხმას.
ხელისუფლება, თუ გნებავთ ე.წ. ხელისუფლება, რომელიც მთელი ოთხთვიანი პროპაგანდის განმავლობაში, გაერთიანებულ ოპოზიციას ჯიუტად მოიხსენიებს როგორც „ნაციონალური მოძრაობას“, რომელიც მოვა და იქნება არეულობა, ასე არ იქნება. არავითარი სისხლისღვრა არ იქნება. ჩვენ ვაპირებთ კონსტიტუციის ფარგლებში დარჩენას მუდამ.
პროტესტს, რომელიც კანონით არის დაშვებული, აქვს ათასგვარი ფორმა. ძალიან საინტერესო სიურპრიზებს მოვუმზადებთ ამ ე.წ. ხელისუფლებას“, - განაცხადა გაერთიანებული ოპოზიციის ყოფილმა საპრეზიდენტო კანდიდატმა.