უახლესი ამბები
- 25.04.2024 14:27ბოლო ბრალდებების კონტექსტის გათვალისწინებით, ევროპარლამენტის წევრები არ კოორდინირებენ თავიანთი წარმოშობის ქვეყნებთან და არ წარმოადგენენ მათ პოზიციებს - ლიეტუვის საელჩო
- 25.04.2024 13:51უკონტროლო მიგრაცია უდიდეს საფრთხეს უქმნის ევროპული ქვეყნების ეროვნულ იდენტობას - ირაკლი კობახიძე
- 25.04.2024 13:43საქართველოს ბანკის მხარდაჭერით აჭარა კოლექტივი რადიო ქალაქის პროექტს ახორციელებს
- 25.04.2024 13:33პიჯაკების საქმის პროცესებზე, დარბაზში დამსწრეთა რაოდენობა შეიზღუდება - მოსამართლის გადაწყვეტილება
- 25.04.2024 13:21ეს არ არის ჩვეულებრივი არჩევნები და არ შეიძლება მოვიქცეთ ჩვეულებრივად, ჩვენ გვჭირდება ერთიანი სია - მიხეილ სააკაშვილი
- 25.04.2024 12:59საქართველოს პროკურატურამ საფრანგეთის, შვეიცარიის და ლიეტუვის უწყებების წარმომადგენლების ჩართულობით, ფართომასშტაბიანი ტრანსნაციონალური დანაშაული გახსნა
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
პოლიტიკა
კანონპროექტზე გადაწყვეტილებებს მხოლოდ პარლამენტი უნდა იღებდეს, ცუდია, თუკი მთავარ როლს ეკლესიის პოზიცია თამაშობს - სულხან სალაძე
საქართველოს ახალგაზრდა იურისტთა ასოციაციის თავმჯდომარის, სულხან სალაძის განცხადებით, ცუდი იქნება, თუკი კანაფის კულტივაცია-წარმოებასთან დაკავშირებულ კანონპროექტს პარლამენტიდან გაიწვევენ ეკლესიის პოზიციის გამო. მისი თქმით, ეს მხოლოდ პარლამენტის გადასაწყვეტია.
სალაძის შეფასებით, კანონპროექტს აქვს რიგი პრობლემები, მაგალითად, ლიცენზიების ნაწილთან და ლიცენზიის შესაძლო მიმღებთა ნაწილთან დაკავშირებით. სალაძის თქმით, თუკი კანონპროექტი დარჩება პარლამენტში, საია მზადაა, თავისი მოსაზრებები წარადგინოს ამ საკანონმდებლო ცვლილებებზე.
„მიუხედავად იმისა, რომ ეს კანონპროექტი, რომელიც ექსპორტთან არის დაკავშირებული, საკმაოდ მოულოდნელად და სწრაფად შემოვიდა პარლამენტში, ამ კანონპროექტის განმარტებითი ბარათის გაცნობაც საკმარისია იმის გასაგებად, რომ ის არ დაწერილა ორ დღეში. როგორც ჩანს, საკმაოდ დიდი კვლევა აქვთ ჩატარებული ინფორმაციის მოსაძიებლად. შესაბამისად, თუ საუბარია გარკვეულ ჯგუფებთან კონსულტაციებზე, ვფიქრობ, ეს პროცესი ადრეც შეიძლებოდა ყოფილიყო ჩატარებული.
არ ვსაუბრობ იმაზე, ეს კანონპროექტი უნდა იყოს მიღებული თუ არა, მე ვსაუბრობ, მიზეზებზე, რის გამოც შეიძლება ეს კანონი გაიწვიოს წარმომადგენელმა მხარემ. თუ მთავარ როლს თამაშობს ეკლესიის პოზიცია, ასეთ შემთხვევაში, რა თქმა უნდა, ეს არის ცუდი, რადგან ერთადერთი ინსტიტუცია, რომელიც უნდა იღებდეს გადაწყვეტილებებს კანონპროექტებთან დაკავშირებით, არის მხოლოდ პარლამენტი. ამასთან, ამ კანონპროექტს, მიუხედავად იმისა, რომ გარკვეული სამუშაოები შესრულებული იყო, მაინც აქვს ბევრი პრობლემა, მათ შორის ლიცენზიების ნაწილთან და ლიცენზიის შესაძლო მიმღებთა ნაწილთან, ამიტომ თუკი ეს კანონპროექტი დარჩება პარლამენტში, მზად ვართ, წარმოვადგინოთ ჩვენი მოსაზრებები. თუ კანონპროექტის გაწვევა მოხდება პარლამენტიდან, ცხადია, ამ დისკუსიებს აზრი არ ექნება“, - განაცხადა სულხან სალაძემ.
კანაფის კულტივაცია-წარმოებასთან დაკავშირებული კანონპროექტი შესაძლოა, პარლამენტიდან გაიწვიონ.