უკან

უახლესი ამბები

დღის კალენდარი

ანონსები

არქივი

საზოგადოება

20 სექტემბერი, 2020 11:23
font-size

„კანონში კომუნიკაციების შესახებ“ დაჩქარებულად მიღებული ცვლილებები დემოკრატიის განვითარებისთვის ცუდი ნიშანია - დანილ მიტოვი

საქართველოს პარლამენტის მიერ მიღებულ ცვლილებებს შორის „ელექტრონული კომუნიკაციების შესახებ“ კანონი ერთ-ერთი ყველაზე სკანდალური აღმოჩნდა. საქართველოს კომუნიკაციების კომისიის სახელი ფართო საერთაშორისო აუდიტორიისთვის გახდა ცნობილი. ამ, საკმაოდ ოდიოზური კანონის გამო, რომელსაც კონსტიტუციონალისტები ანტიკონსტიტუციურად მიიჩნევენ, ქვეყნის დემოკრატიული კურსი არაერთმა მაღალი რანგის დიპლომატმა გააკრიტიკა. მათ პირდაპირ მოიხსენიეს ხელისუფლების გადაწყვეტილება კერძო ბიზნესში ჩარევის მცდელობად.

საერთაშორისო გამოცემა emerging-europe რუმინეთის ყოფილი საგარეო საქმეთა მინისტრის, დანი ლმიტოვის წერილს აქვეყნებს, რომელიც საქართველოში საინვესტიციოს გარემოს გაუარესებაზე წერს და მაგალითად, ხელისუფლების მხრიდან სატელეკომუნიკაციო კომპანია „კავკასუს ონლაინის“ მიმართ განხორციელებული ქმედება მოჰყავს.

მიტოვი საუბრობს „საქართველოს კანონში ტელეკომუნიკაციების შესახებ“ პარლამენტში დაჩქარებული წესით განხილვაზე: „ცვლილებების მიხედვით, კომუნიკაციების კომისიას უფლება მიენიჭა აკონტროლოს ნებისმიერი ტელესაკომუნიკაციო და საკომუნიკაციო კომპანია ქვეყანაში და დაუნიშნოს მაკონტროლებელი, რაც სიტყვის თავისუფლებისთვის და გამჭვირვალობისთვის სერიოზულ საფრთხეს წარმოადგენს“, - წერს ევროპელი დიპლომატი.

„2003 წელს ედუარდ შევარდნაძის მმართველობის დასრულებისა და 2008 წლის რუსული აგრესიის შემდეგ საქართველომ გრძელი გზა განვლო ევროპასთან უფრო მჭიდრო ეკონომიკური, სოციალური და პოლიტიკური ინტეგრაციისკენ. ძალიან თვალსაჩინო პროგრესის მიუხედავად, ბოლო წლებში უკან დახევის ტენდენცია შეინიშნება.

საქართველოს ხელისუფლება გაურბის გამჭვირვალობას, რაც ძალიან აწუხებთ ინვესტორებს და უგულებელყოფს სამოქალაქო საზოგადოების პროტესტს. ქართველი ხალხი უკვე უნდა ამჩნევდეს, რომ საკუთარმა მთავრობამ ევროპული ინტეგრაციის გზას ისევ ააცილა.

როგორც რუმინეთის ყოფილ საგარეო საქმეთა მინისტრს, კარგად მახსოვს 2016 წლის ხელმოწერა საქართველოს და ევროკავშირს შორის ასოცირების ხელშეკრულებაზე, რამაც ოფიციალურად გაამყარა ქვეყნის მრავალწლიანი ლტოლვა ევროკავშირის სრულუფლებიანი წევრობისთვის , გზა რომელიც ჩემმა ქვეყანამ 9-10 წლის წინ გაიარა.

ევროკავშირი ყოველთვის მიესალმება თანამშრომლობას ქვეყნებთან, რომლებიც ახორციელებენ რეფორმებს კანონის უზენაესობის, გადაწყვეტილების მიმღები პირების ანგარიშვალდებულებისა და გამჭვირვალობის მიმართულებით. საქართველო პოსტსაბჭოთა სივრცეში ყველაზე წარმატებული აღმოჩნდა ევროკავშირისა და ნატოსკენ სწრაფვის გზაზე, მაგრამ მტკივნეულია იმაზე საუბარი, რომ უმნიშვნელოვანესი რეფორმები დღეს შეფერხებულია.

ბოლოს მომხდარი რამდენიმე მოვლენა ცხადყოფს ქართული ადმინისტრაციის ნაკლოვანებებს, რასაც თან ახლავს ეკონომიკური მდგომარეობის და ქვეყნის საერთაშორისო რეპუტაციის გაუარესება. ყველაზე ცნობილი ამ მოვლენებიდან ანაკლიის ღრმაწყლოვანი პორტის პროექტის შეჩრებაა. საქართველოს ხელისუფლებას დღემდე არ განუმარტავს, რატომ გაწყდა ხელშეკრულებები კონტრაქტორებთან. მიუხედავად ნამდვილი მიზეზებისა, ფაქტია რომ საქართველოს ხელისუფლებამ ინვესტორებს ნეგატიური მესიჯი გაუგზავნა, მათი შეთანხმებების ხელშეუხებლობის თაობაზე.

მეორე მაგალითი NEQSOL Holding-ს ახალი პროექტი ციფრული აბრეშუმის გზაა, რომლის საშუალებითაც ევროპა და აზია ერთმანეთს შავ ზღვაში გაყვანილი ოპტიკურ-ბოჭკოვანი კაბელით, საქართველოსა და აზერბაიჯანის გავლით დაუკავშირდება. 2018 წელს NEQSOL-მა გადაწყვიტა ქართული სატელეკომუნიკაციო კომპანია „კავკასუს ონლაინის“ წილის შეძენა, რომელიც შავ ზღვაში ოპტიკურ-ბოჭკოვან კაბელს ფლობს და ქვეყნისთვის და რეგიონისთვის ინტერნეტის უმსხვილეს საბითუმო მიმწოდებელს წარმოადგენს.

ამ ტრანზაქციის განსახორციელებლად კომპანიის წარმომადგენლები საქართველოს ხელისუფლებას და ოფიციალურ პირებს შეხვდნენ და მომავალ ურთიერთობებზე მოილაპარაკეს. მას შემდეგ რაც გარიგება შედგა, საქართველოს კომუნიკაციების კომისიამ გადაწყვეტილება შეცვალა და დღეს ამტკიცებს, რომ მანამდე გამართული შეხვედრები ტრანზაქციის განხორციელებისთვის საკმარისი არიყო.

კომისია ზეწოლას ახორციელებს NEQSOL Holding-ზე და თუ კომპანია შესყიდვაზე უარს არ განაცხადებს, ექსპროპრიაციის უფლების გამოყენებით ემუქრება.

ამ ყველაფრის მერე, საქართველოს პარლამენტმა მიიღო ცვლილებები კანონში, რომელიც დაჩქარებული წესით განხილვის შემდეგ უკვე ძალაში შევიდა. ცვლილებების მიხედვით, კომუნიკაციების კომისიას უფლება მიენიჭა აკონტროლოს ნებისმიერი ტელესაკომუნიკაციო და საკომუნიკაციო კომპანია ქვეყანაში და დაუნიშნოს მაკონტროლებელი, რაც სიტყვის თავისუფლებისთვის და გამჭვირვალობისთვის სერიოზულ საფრთხეს წარმოადგენს.

ძნელად ასახსნელია რატომ ჩაერია ხელისუფლება ბიზნესში ამ ფორმით, როცა ამ პროექტებს ახალი სამუშაო ადგილების შექმნა და რეგიონში საქართველოს, როგორც ევროპის და აზიის დამაკავშირებლის როლის კიდევ უფრო გაძლიერება შეეძლო. კიდევ უფრო აუხსნელია მთავრობის მხრიდან ამ ინიციატივებისთვის ხელის შეშლა, როდესაც ეს ყველაფერი აზიანებს ქვეყნის რეპუტაციას უცხოელი ინვესტორების თვალში და აუარესებს მოსახლეობის ცხოვრების პირობებს.

იმის მიუხედავად, აცნობიერებს თუ არა ხელისუფლება, რომ მისი ქმედება ხელს უშლის უცხოურ ინვესტიციებს და ახალ საერთაშორისო პროექტებს, შედეგი უკვე მძიმეა. უცხოელი ინვესტორები აღარ ენდობიან კანონის უზენაესობას, რაც მათი ინვესტიციების დაცვის გარანტი უნდა გახდეს და მათი ბუნებრივი რეაქცია გაქცევაა. ამ ყველაფერს ციფრებიც ადასტურებს - პირდაპირი უცხოური ინვესტიციების მოცულობა მკვეთრად შემცირებულია.

„კომუნიკაციების შესახებ კანონში“ შეტანილი ცვლილებები სამოქალაქო საზოგადოებამაც გააპროტესტა. მოახლოვებული საპარლამენტო არჩევნების წინ, დაჩქარებული წესით მიღებული ცვლილებები და მთავრობის მხრიდან საკომუნიკაციო კომპანიებზე განუსაზღვრელი კონტროლის მოპოვება, დემოკრატიის განვითარებისთვის ცუდი ნიშანია.

ევროპის კავშირი სულ უფრო დიდ მნიშვნელობას ანიჭებს და ზრუნავს კანონის უზენაესობის დამკვიდრებაზე არა მხოლოდ წევრ სახელმწიფოებში, არამედ იმ ქვეყნებშიც, რომლებიც წევრობის მაძიებლები არიან. თუ საქართველო კვლავ არ შეასრულებს მოთხოვნებს კანონის უზენაესობის და თავისუფალი საბაზრო ეკონომიკის განვითარების მიმართულებით, თბილი ურთიერთობა ბრუსელსა და თბილისს შორის შესაძლოა გაცივდეს“.

წინასაარჩევნოდ ყველაზე მეტი შემოწირულობა “ქართულმა ოცნებამ” მიიღო

24 ოქტომბერი, 2020 , 16:15

სახელმწიფო აუდიტის სამსახურის 2020 წლის 31 ოქტომბრის არჩევნების ფინანსური მონიტორინგის შუალედური ანგარიშის მიხედვით, ყველა საარჩევნო პარტიამ ერთად შემოსავლის სახით 23 846 652 ლარი მიიღო. აქედან 22 602 245 ლარი

სისტემური შეზღუდვები არ იგეგმება, იქნება წერტილოვანი ღონისძიებები, ამის ფასი მარტივია - პირბადე უნდა ვატაროთ და ელემენტარული წესები დავიცვათ - გიორგი გახარია

24 ოქტომბერი, 2020 , 15:45

სახელმწიფოს რესურსი, ბიზნესის, ისევე როგორც ცალკე აღებული მოქალაქეების მხარდაჭერის ნაწილში არის საკმაოდ შეზღუდული, ეს ყველას კარგად გვესმის; შესაბამისად, მიზნობრიობას ექნება უკიდურესად დიდი მნიშვნელობა მეორე ტალღის პერიო

ოთო კახიძეს და მის ცოლს კორონავირუსი დაუდასტურდათ

24 ოქტომბერი, 2020 , 15:20

"ევროპული საქართველოს" დეპუტატს, ოთო კახიძეს და მის ცოლს კორონავირუსი დაუდასტურდათ. ამის შესახებ ინფორმაცია პოლიტიკოსმა საკუთარ Facebook გვერდზე გაავრცელა. "მოკლედ, კოვიდინფიცირებულებს მე და ნანუკაც შევუერთდით. თავს ვირუ

“არა ეპიდემიურ ბიუროკრატიას” - ჯანდაცვის სამინისტროსთან აქცია მიმდინარეობს

24 ოქტომბერი, 2020 , 15:20

არა ეპიდემიურ ბიუროკრატიას, - ამ სლოგანით ჯანდაცვის სამინისტროსთან "ლეიბოროსტული პარტიის" ერთ-ერთი ლიდერი ლაშა ჩხარტიშვილი მხარდამჭერებთან ერთად აქცია მართავს. ისინი ისინი ითხოვენ, პანდემიის დროს მოქალაქეებს პირბადეები დ

რას მალავს ივანიშვილი - ნიკა გვარამიას ინტერვიუ `ქართუ ჯგუფის` ყოფილ ვიცე-პრეიზდენტთან

24 ოქტომბერი, 2020 , 15:20

"მთავარი არხის" გენერალურმა დირექტორმა, არჩევნებამდე ერთი კვირით ადრე, "ქართუ ჯგუფის" ყოფილ ვიცე-პრეიზდენტთან და ივანიშვილის უსაფრთხოების სამსახურის უფროსთან, ელდარ გოგოლაძესთან, სკანდალური ინტერვიუ ჩაწერა. ეს ელდარ გოგო

მთავრობის მხრიდან მკაცრად რეკომენდებულია პირბადის ტარება გარე სივრცეებშიც - ნათია მეზვრიშვილი

24 ოქტომბერი, 2020 , 14:45

გარე სივრცეში, იქ, სადაც თავშეყრას აქვს ადგილი, სადაც დისტანციის დაცვა შეუძლებელია, მაგალითად რიგებში, გაჩერებებზე და ა.შ, პირბადის ტარება და დისტანციის დაცვა არის მკაცრად რეკომენდირებული მთავრობის მხრიდან, - ამის შესახე