პოლიტიკა

კარასინი საქართველოსთვის უვიზო რეჟიმის ხელისშემშლელ პირობად რეგიონში უსაფრთხოების არარსებობას ასახელებს

რუსეთის საგარეო საქმეთა მინისტრის მოადგილის გრიგორი კარასინის თქმით, საქართველოსთვის სავიზო რეჟიმის გაუქმებას ხელს, მათ შორის, სამხედრო კონფლიქტის ზონასთან რესპუბლიკის სიახლოვე უშლის.

ამის შესახებ კარასინმა პრაღაში გამართული შეხვედრის შემდეგ განაცხადა.

„საქართველოს მოქალაქეებისთვის სავიზო რეჟიმის გაუქმებას ხელს არამარტო ის უშლის, რომ ჩვენს ქვეყნებს შორის დიპლომატიური ურთიერთობა არ არსებობს, არამედ, აღნიშნული საკითხის მოგვარებაში დიდ როლს რეგიონში უსაფრთხოება წარმოადგენს.

საქართველოსთან ახლოს სამხედრო კონფლიქტებია, დაფიქსირებულია ტერორისტების რუსეთში შეღწევის მცდელობა. ამიტომ, ამგვარი ვითარება ექსპერტების სერიოზული მსჯელობის და ანალიზის საგანს წარმოადგენს“,-განმარტა კარასინმა.

მონიკა დავლიანიძე