უახლესი ამბები
არქივი
პოლიტიკა
კარგად ფუნქციონირებადი დემოკრატია გულისხმობს გარემოს ოპოზიცისთვისაც - ჯეიმს აპატურაი
პოლიტიკა, ჯეიმს აპატურაი, ნატო
ნატო-ს გენერალური მდივნის სპეციალური წარმომადგენლის სამხრეთ კავკასიასა და ცენტრალურ აზიაში ჯეიმს აპატურაის განცხადებით, საქართველოში ჩატარებული არჩევნები საერთაშორისო საზოგადოებამ შეაფასა და „განაცხადა, რომ ისინი კარგად ორგანიზებულად ჩატარდა“.
ამის შესახებ აპატურაიმ საზოგადოებრივი მაუწყებლისთვის მიცემულ ინტერვიუში განაცხადა.
„მიხარია, რომ ეს ტრადიციად იქცა საქართველოში. ეს შესანიშნავი ახალი ამბავია. იყო ინციდენტები, მაგრამ მნიშვნელოვანია მათი გამოძიება საქართველოს კანონმდებლობის სრული დაცვით და პატივისცემით. საქართველოს და ქართველი ხალხის გადასაწყვეტია როგორი მთავრობა ეყოლება ქვეყანას. საუბარია, რომ შესაძლოა საარჩევნო პროცესის დასრულების შემდეგ „ქართული ოცნება“ საკმაოდ ძლიერად იყოს წარმოდგენილი პარლამენტში. მინდა ხაზგასმით აღვნიშნო, რომ კარგად ფუნქციონირებადი დემოკრატია გულისხმობს გარემოს ოპოზიცისთვისაც, პატივისცემაზე დაფუძნებული დიალოგის გამართვას ხელისუფლებასა და ოპოზიციას შორის. დიახ, საქართელო ახალგაზრდა დემოკრატიაა, მაგრამ იყო ახალგაზრდა არ ნიშნავს, რომ რაღაცეების კარგად კეთება არ შეგეძლოს. არიან ნატოს წევრი-ქვეყნები რომლებსაც ახალგაზრდა დემოკრატიებად მივიჩნევთ და მათ აქვთ საარჩევნო პროცესში უმაღლესი სტანდარტები“,-აღნიშნა აპატურაიმ.
მისი თქმით, საქართველო დემოკრატიული პროგრესის გამოკვეთილი მაგალითია.
„კარგად გვესმის საქართველოს კონტექსტი, გვესმის რეგიონალური კონტექსტიც. თავისუფლად შეგვიძლია ვთქვათ, რომ საქართველო გამოკვეთილი მაგალითია დემოკრატიული პროგრესის, დემოკრატიის მაღალი სტანდარტების და ისიც უნდა აღინიშნოს, რომ ამის გაკეთება მარტივი არ არის. საქართველოს პროგრესს ვაღიარებთ. ნატო-ს ყველა წევრი აღიშნავს,რომ ჩატარებული არჩევნები, საერთო ჯამში, იყო საქართველოს წარმატება“,-განაცხადა ჯეიმს აპატურაიმ.
მონიკა დვალიანიძე