უახლესი ამბები
- 29.03.2024 11:41თებერვალში საქართველოს ეკონომიკა 9.5 პროცენტით გაიზარდა - საქსტატი
- 29.03.2024 11:41თებერვალში საქართველოს ეკონომიკა 9.5 პროცენტით გაიზარდა - საქსტატი
არქივი
საზოგადოება
კარგი და დროული ინიციატივაა - დავით ნარმანია კახა კალაძის ინიციატივაზე
თბილისის მერის, დავით ნარმანიას განცხადებით, მას მოეწონა მმართველი გუნდის თბილისის მერობის კანდიდატის, კახა კალაძის ინიციატივა „ხრუშოვკების“ ახალი სახლებით ჩანაცვლების შესახებ. ნარმანიას თქმით, იმავეს ითვალისწინებს ქალაქის გენერალური გეგმაც.
„ხრუშჩოკების“ ჩანაცვლება ეტაპობრივად მიმდინარეობდა, თუმცა ერთიანი კომპლექსური მიდგომა და ხედვა, რომელიც არის „ქართული ოცნების“ მერობის კანდიდატის მხრიდან წარმოდგენილი, ძალიან მნიშვნელოვანია. გენერალური გეგმის მიხედვითაც, უბან-უბან უნდა მოხდეს ჩანაცვლება ერთიანი განაშენიანების რეგულირების მიხედვით, ასე რომ ინიციატივა კარგია, დროული და ვფიქრობ ძალიან საინტერესო", -აღნიშნა ნარმანიამ.
შეგახსენებთ, 30 ივლისს კახა კალაძემ ფეისბუკის საკუთარ გვერდზე ვიდეომიმართვა გაავრცელა, სადაც ე.წ. „ხრუშოვკების“ პრობლემაზე ისაუბრა. მმართველი გუნდის მერობის კანდიდატის განცხადებით, მას აქვს მომზადებული პროექტი, რომელიც გულისხმობს თბილისის გათავისუფლებას „ამ საბჭოთა იდეოლოგიის გადმონაშთებისგან“ და „ხრუშოვკების“ ჩანაცვლებას „თანამედროვე, მყარი, კომფორტული საცხოვრისით“. კალაძემ აღნიშნა, რომ „ხრუშოვკის“ მაცხოვრებლები ჩანაცვლების პროცესში უზრუნველყოფილნი იქნებიან ბინით ან შესაბამისი კომპენსაციით (ისინი თვითონ აარჩევენ).
ანა მებურიშვილი