საზოგადოება
კარგი იქნება დაცვის მყარი მექანიზმის შემუშავება- ეკა მიშველაძე
საქართველოს პრეზიდენტის პრესსპიკერის, ეკა მიშველაძის განცხადებით, გიორგი მარგველაშვილი უჭერს მხარს მედიაომბუდსმენის ინსტიტუცის შექმნის ინიციატივას, თუმცა ორი ფაქტორის გათვალისწინებით.
„როდესაც ასე აქტიურად გვიწევს საუბარი მედიისა და ჟურნალისტების უფლებებზე, კარგი იქნება დაცვის მყარი მექანიზმის შემუშავება, თუნდაც მედიაომბუდსმენის სახით. თუმცა გასათვალისწინებელია ორი ფაქტორი - მედიაომბუდსმენის შერჩევისა და დანიშვნის პროცესში მთლიანად უნდა გამოირიცხოს ხელისუფლების ნებისმიერი შტოს მონაწილეობა და მნიშვნელოვანია, რომ პროცესი იყოს კოორდინაციაში სახალხო დამცველთან“, - განაცხადა მიშველაძემ სამშაბათის ტრადიციულ ბრიფინგზე.
შეგახსენებთ, რომ გუშინ პრემიერ-მინისტრმა გიორგი კვირიკაშვილმა, მედიაექსპერტებთან შეხვედრისას გამოვიდა ინიციატივით მედიაომბუდსმენის ინსტიტუტის შექმნის შესახებ.
ანა მებურიშვილი