კომენტარი

კარგი იქნება, ოპოზიცია განხილვებში მონაწილეობდეს და ამის მიხედვით იღებდეს გადაწყვეტილებებს - გიორგი ტყემალაძე

თბილისის საკრებულოს დღევანდელ სხდომაზე საკრებულოს თავმჯდომარე გიორგი ტყემალაძე მომავალი წლის ბიუჯეტის შესახებ ოპოზიციის განცხადებას გამოეხმაურა. როგორც საკრებულოს თავმჯდომარემ განაცხადა, კარგი იქნება, თუ ოპოზიცია მონაწილეობას მიიღებს ასეთი მნიშვნელოვანი საკითხის განხილვაში და ამის შემდეგ გააკეთებს განცხადებებს.

„მე ცოტა მიკვირს, თუ რას გულისხმობდა ოპოზიციის წარმომადგენელი, როდესაც განაცხადა, რომ ბიუჯეტის სოციალური მიმართულებები შემცირებულია. კარგი იქნება, რომ ასეთი საკითხების გადაწყვეტაში მონაწილეობა მიიღონ. ჩვენ გადაწყვეტილებებს სწორედ მოსახლეობის ინტერესებიდან გამომდინარე ვიღებთ,“- აღნიშნა გიორგი ტყემალაძემ.

თბილისის საკრებულოს თავმჯდომარე გამოეხმაურა ასევე დღის წესრიგით გათვალისწინებულ საკითხებს, რომელიც თბილისის სხვადასხვა რაიონებში მოსახლეობისთვის ფართების კერძო საკუთრებაში გადაცემას ეხება.

„ეს საკითხი ბევრი წელი იყო ამ ადამინების მთავარი საზრუნავი. მივულოცოთ მათ, რომ კერძო საკუთრებაში გადაეცემათ ფართები, რომელშიც ათეული წლებია ცხოვრობენ. ჩვენ ვასრულებთ წინასაარჩევნო დაპირებებს,“- დასძინა გიორგი ტყემალაძემ.