პოლიტიკა

კარგია რომ მმართველი გუნდი პრეზიდენტს უსმენს, ცუდია რომ არ ითვალისწინებს საერთაშორისო ორგანიზაციების დასკვნებს - კახა კოჟორიძე

ადამიანის უფლებათა დაცვის საკითხებში პრეზიდენტის მრჩეველი კახა კოჟორიძე გამოეხმაურა მმართველი გუნდის რეაქციას გიორგი მარგველაშვილის განცხადებაზე. შეგახსენებთ, “მაესტროს” ეთერში სტუმრობისას პრეზიდენტმა სახელისუფლებო პარტია თვითმმართველობის არჩევნებში ადმინისტრაციული რესურსის გამოყენებაში დაადანაშაულა.

კოჟორიძემ ყურადღება გაამახვილა საერთაშორისო ორგანიზაციების კვლევებზე, სადაც წერია ადმინისტრაციული რესურსის გამოყენების შესახებ.

„ძალიან კარგია, რომ უსმენენ პრეზიდენტს, თუმცა ცუდია, რომ არ უსმენენ და არ ეცნობიან საერთაშორისო სადამკვირვებლო მისიების, ეუთო/ოდირის, NDI-ისა და ძირითადი ადგილობრივი სადამკვირვებლო ორგანიზაციების დასკვნებს, რომლებიც ყველა ერთად, ხაზგასმით აღნიშნავს, რომ მთელ ამ საარჩევნო პროცესში ადმინისტრაციული რესურსის გამოყენება ერთ-ერთი მთავარი პრობლემა იყო“, - აღნიშნა კოჟორიძემ.