უახლესი ამბები
- 18.04.2024 14:47პაატა კვიჟინაძე ოპოზიციას - ერთ პიროვნებაზე იძახდით, გარბის საქართველოდან, გაფრინდაო, ახლა ამბობთ, შემოდის და აქ აბანდებსო, გაერკვიეთ, რა გინდათ
- 18.04.2024 13:57ივანიშვილი იღებს ზომებს, სანქციების შემთხვევაში ფული საქართველოში გადაიტანოს - ევროპარლამენტარი
- 18.04.2024 13:06კარგი გულიანი ნაცემი ვარ - ალეკო ელისაშვილი
- 18.04.2024 11:40ირაკლი კობახიძე საქართველოში ევროკავშირის სადამკვირვებლო მისიის ხელმძღვანელს შეხვდა
არქივი
მსოფლიო
კატალონია არ აპირებს, მადრიდის გადაწყვეტილებას დაემორჩილოს
კატალონიის მთავრობა არ აპირებს, დაემორჩილოს მადრიდის გადაწყვეტილებას ავტონომიის გაუქმების შესახებ. რეგიონის საგარეო უწყების პრესმდივნის, რაულ რომევას განცხადებით, ცენტრალური ხელისუფლება კატალონიელების წინააღმდეგ მოქმედებს.
ბიბისის რადიო 4-თან საუბრისას რომევამ შეშფოთება გამოთქვა ევროკავშირის პოზიციის გამო.
„როგორ შეუძლია ევროკავშირს, იცხოვროს ამ სიტუაციით [თუკი კატალონიის ავტონომიას გააუქმებენ]? როგორ შეიძლება, შენარჩუნდეს ევროკავშირის დემოკრატიულობა და იყოს სანდო, თუკი ისინი ამას დაუშვებენ?“, -იკითხა რომევამ.
კატალონიის პარლამენტი ხუთშაბათს შეიკრიბება, სადაც განიხილავენ, თუ რას უპასუხებენ მადრიდს.
ამავე კვირას, პარასკევს ესპანეთის სენატმა კენჭი უნდა უყაროს ესპანეთის მთავრობის გადაწყვეტილებას. შეგახსენებთ, შაბათს მთავრობამ კატალონიის ავტონომიის დამოუკიდებლობის გაუქმების შესახებ განაცხადა. აამოქმედეს კონსტიტუციის 155-ე მუხლი, რომელიც რეგიონს მადრიდის კონტროლქვეშ აყენებს. ამ საკითხის ბოლომდე მისაყვანად საჭიროა ესპანეთის სენატის დასტური.
როგორც შაბათს ესპანეთის პრემიერ-მინიტრმა მარიანო რეხოიმ თქვა, ავტომატურად გაუქმდება კარლეს პუიჩდემონის უფლებამოსილება, დათხოვნილი იქნება კატალონიის პარლამენტი.
რეხოის თქმით, არჩევნები კატალონიაში მომდევნო 6 თვის განმავლობაში ჩატარდება.
ეს პირველი შემთხვევაა 1978 წლის კონსტიტუციის მიღების შემდეგ, როცა ესპანეთის მთავრობა ასეთ რადიკალურ ზომებზე წავიდა.
ვითარება დედაქალაქსა და ავტონომიას შორის დაიძაბა 1-ელი ოქტომბრის რეფერენდუმის შემდეგ. მაშინ კატალონიაში ხმის მისაცემად საარჩევნო უბნებში დარეგისტრირებულ ამომრჩეველთა 42.3% გამოცხადდა, რომელთა 90%-მა მხარი დაუჭირა რეგიონის დამოუკიდებლობას.
ანა მებურიშვილი