უახლესი ამბები
- 25.04.2024 13:43საქართველოს ბანკის მხარდაჭერით აჭარა კოლექტივი რადიო ქალაქის პროექტს ახორციელებს
- 25.04.2024 13:21ეს არ არის ჩვეულებრივი არჩევნები და არ შეიძლება მოვიქცეთ ჩვეულებრივად, ჩვენ გვჭირდება ერთიანი სია - მიხეილ სააკაშვილი
- 25.04.2024 12:59საქართველოს პროკურატურამ საფრანგეთის, შვეიცარიის და ლიეტუვის უწყებების წარმომადგენლების ჩართულობით, ფართომასშტაბიანი ტრანსნაციონალური დანაშაული გახსნა
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
მსოფლიო
კატალონიამ დამოუკიდებლობა გამოაცხადა
კატალონია ესპანეთიდან გადის - დამოუკიდებლობის შესახებ დეკლარაცია კატალონიის პარლამენტმა გუშინ დააკმაყოფილა. წინადადებას რეგიონის საკანონმდებლო ორგანოს 70-მა დეპუტატმა დაუჭირა მხარი, 10 წინააღმდეგ წავიდა, 2-მა თავი შეიკავა, ხოლო რამდენიმე პარლამენტარმა კენჭისყრას ბოიკოტი გამოუცხადა.
ამის საპასუხოდ ესპანეთის სენატმა ავტონომიაში ცენტრის პირდაპირი კონტროლი დაამყარა. ხოლო საღამოს მთავრობამ განაცხადა კატალონიის პარლამენტის დაშლის შესახებ და ახალი არჩევნები 21 დეკემბრისთვის დანიშნა.
სატელევიზიო გამოსვლისას ესპანეთის პრემიერ-მინისტრმა მარიანო რეხოიმ განაცხადა, რომ კატალონიის ხელმძღვანელი კარლეს პუიჩდემონი გათავისუფლებულია თანამდებობიდან. მანდატები გაუუქმდათ კატალონიის პარლამენტის ყველა წევრს.
ჯერჯერობით უცნობია, როგორც განხორციელდება ეს ბრძანება პრაქტიკაში.
„მთავრობის ხელმძღვანელ პუიჩდემონს ჰქონდა შესაძლებლობა, კანონიერება აღედგინა და არჩევნები დაენიშნა. ზუსტად ეს სთხოვა კატალონიელთა უმრავლესობამ, მაგრამ ამის გაკეთება არ მოუნდა. ამიტომ ესპანეთის მთავრობა აუცილებელ ზომებს მიმართავს კანონიერების აღსადგენად“, -თქვა რეხოიმ.
კატალონიის დამოუკიდებლობის გამოცხადების შემდეგ ბარსელონაშო ზოგიერთი სამთავრობო უწყების შენობიდან ესპანეთის დროშები ჩამოუშვეს.
ანა მებურიშვილი