უახლესი ამბები
- 29.03.2024 14:52მთავრობის მიზანია, შევინარჩუნოთ მაღალი ეკონომიკური ზრდის მაჩვენებელი და ეკონომიკური ზრდა გავხადოთ უფრო მეტად ინკლუზიური - ვახტანგ ცინცაძე
- 29.03.2024 14:05„ჯორჯიან ეარვეისი“ გერმანიაში, ევრო-2024-ზე ეროვნული ნაკრების თამაშებზე დასწრების მსურველებისთვის სპეციალურ პირდაპირ ფრენებს შეასრულებს
- 29.03.2024 13:54ატმოსფერულ ჰაერში ფიქსირდება მყარი ნაწილაკების შემცველობის მატება - გარემოს ეროვნული სააგენტო
- 29.03.2024 13:40საქართველოს ტერიტორიაზე უახლოეს დღეებში ტემპერატურა 26 გრადუსამდე მოიმატებს - გარემოს ეროვნული სააგენტო
- 29.03.2024 12:02მუნიციპალური ტრანსპორტის ხუთ მარშრუტს 30 მარტიდან ავტობუსები დაემატება და მოცდის ინტერვალი შემცირდება
- 29.03.2024 11:41თებერვალში საქართველოს ეკონომიკა 9.5 პროცენტით გაიზარდა - საქსტატი
- 29.03.2024 11:41თებერვალში საქართველოს ეკონომიკა 9.5 პროცენტით გაიზარდა - საქსტატი
არქივი
პოლიტიკა
კატეგორიულად მიუღებლად მიგვაჩნია ლტოლვილთა ბანაკების მოწყობა საქართველოში - ,,თავისუფალი საქართველო’’
"თავისუფალი საქართველოს" რელიზი საქართველოში სირიელი ლტოლვილების ბანაკების მოწყობის შესახებ გავრცელებულ ინფორმაციას ეხმიანება.
როგორც პოლიტიკური პარტიის განცხადებაშია ნათქვამი, დაუშვებელია საქართველოში სირიელი ლტოლვილების ბანაკების მოწყობა.
,,ავსტრიის საგარეო საქმეთა მინისტრმა განაცხადა რომ სირიელი ლტოლვილებისთვის ბანაკები უნდა მოეწყოს საქართველოში და ამ ბანაკებში უნდა მოხდეს მათი ფილტრაცია და შემოწმება. აღსანიშნავია, რომ ამ განცხადებამდე ცოტა ხნით ადრე ავსტრიელი დიპლომატი იმყოფებოდა საქართველოში და შეხვდა საქართველოს მთავრობის ხელმძღვანელებს.
კატეგორიულად მიუღებლად მიგვაჩნია ლტოლვილთა ბანაკების მოწყობა საქართველოში - პირველ რიგში ეროვნული უსაფრთხოების ინტერესებიდან გამომდინარე. ლტოლვილთა ნაკადები პირდაპირ დაკავშირებულია ტერორიზმის საშიშროებასთან, რასაც არათუ საქართველოს სუსტი ძალოვანი სტრუქტურები, არამედ ევროპის წამყვანი ქვეყნებიც ვერ უწევენ ჯეროვან წინააღმდეგობას.
გარდა ამისა გასათვალისწინებელია ქვეყანაში არსებული მძიმე სოციალური და დემოგრაფიული ფონი: ქვეყანამ დღემდე ვერ გადაჭრა საკუთარი ლტოლვილების (დევნილების) განსახლების და ელემენტარული საჭიროებებით უზრუნველყოფის საკითხი და ამ ფონზე ცინიკურიცაა დაიწყოს ბევრად უფრო მასშტაბური, გლობალური პრობლემის გადაწყვეტაში მონაწილეობა.
რაც შეეხება საერთაშორისო უსაფრთხოებაში შეტანილ წვლილს, საქართველომ უკვე საკმარისზე მეტი გაიღო: ჩვენი ჯარისკაცები წლებია იბრძვიან და იღუპებიან ავღანეთში, ერაყში და ცენტრალურ აფრიკაში მიმდინარე ოპერაციებში.
რა თქმა უნდა საქართველოს აქვს თავისი წილი პასუხისმგებლობა გარკვეული მონაწილეობა მიიღოს ჰუმანიტარულ მისიებში, მაგრამ ეს უნდა იყოს არა ბანაკების მოწყობა და ათი ათასობით ლტოლვილის მიღება, არამედ იმ ტიპის შეზღუდული კონტიგენტისთვის თავშესაფრის მიცემა, რომელიც არ წარმოშობს ტერორიზმის რისკებს (მაგ: სირიელი ქრისტიანები, ქურთების ზოგიერთი ჯგუფი და სხვ).
მივმართავთ საქართველოს ხელისუფლებას ოფიციალურად დაადასტუროს ან უარყოს იყო თუ არა ზ/ა საკითხი განხილული ავსტრიის საგარეო საქმეთა მინისტრთან თბილისში გამართული კონსულტაციების დროს.
მოვითხოვთ პრემიერ-მინისტრისგან ამ საკითხზე ნებისმიერი გადაწყვეტილების მიღებამდე გაიმართოს კონსულტაციები ქვეყნის დაინტერესებულ პოლიტიკურ ძალებთან’’, - ნათქვამია ,,თავისუფალი საქართველოს’’ განცხადებაში.