მსოფლიო

კათოლიკოსის რეზიდენციაში მისი გადადგომის მოთხოვნით საზოგადოებრივი ინიციატივის წევრები შეიჭრნენ

სომხური სამოციქულო ეკლესიის კათოლიკოსის გარეგინ II-ის რეზიდენციის კანცელარიაში საპროტესტო აქციის მონაწილეები შეიჭრნენ, კათოლიკოსის გადადგომის მოთხოვნით. ამის შესახებ სოციალურ ქსელში ეჩმიაძინის პრესსამსახურის უფროსმა ვაგრამ მელიქიანმა დაწერა.

„ცოტა ხნის წინ ცნობილი ინიციატივის ავტორები ეჩმიაძინის წმინდა საყდრის კანცელარიის შენობაში შეიჭრნენ. ისინი უპატივცემულოდ იქცევიან, აყენებენ ულტიმატუმებს და ადგილი აქვს პროვოკაციულ ქმედებებს. ისინი არ ისმენენ სასულიერო პირების მოწოდებებს, რომ უარი თქვან მსგავს მიუღებელ ქმედებებზე და ღირსეულად მოიქცნენ“,- დაწერა მელიქიანმა საკუთარ ფეისბუკგვერდზე.

საზოგადოებრივი ინიციატივის „ახალი სომხეთი, ახალი კათოლიკოსის“ წევრები უკვე ერთი თვეა კათოლიკოს გარეგინ II-ის გადადგომას ითხოვენ და ამ მოთხოვნით აქციებს ატარებენ.