საზოგადოება

,,ყაზტრანსგაზი’’ გაზრდილ დავალიანებასთან დაკავშირებით განმარტებას აკეთებს

,,ყასტრანსგაზში’’ განმარტება გააკეთეს აბონენტების მხრიდან გამოთქმულ პრეტენზიებთან დაკავშირებით, რომ მათ დეკემბრის თვეში ბუნებრივ აირზე გაზრდილი დავალიანება მიუვიდათ.

,,ყაზტრასგაზ თბილისის’’ დირექტორი, ნინო თურმანიძე გაზრდილ დავალიანებას ზამთრის სეზონის გამო, მოსახლეობის მიერ ბუნებრივი აირის მოხმარების გაზრდას უკავშირებენ.

,,ყაზტრანსგაზის’’ ინფორმაციით, ბუნებრივი აირის მოხმარება დაახლოებით 49%-ით არის მომატებული.

,,ჩვენი აბონენტების მიერ მოხმარებული ბუნებრივი გაზის მატებაზე მნიშვნელოვანი გავლენა მოახდინა გარემო ტემპერატურის მკვეთრმა კლებამ. დეკემბრის თვეში დღის საშუალო ტემპერატურა 5-8 გრადუსით დაბალი იყო გასული წლის ანალოგიურ პერიოდთან შედარებით. ნებისმიერ აბონენტს დაინტერესების შემთხვევაში, შეუძლია თვითონვე დაიანგარიშოს მოხმარებული ბუნებრივი აირის როგორც მოცულობა, ასევე ღირებულება, ხოლო თუ აბონენტს ეჭვი ეპარება მრიცხველის გამართულ მუშაობაში, შეუძლია მოგვმართოს ჩვენ ცხელ ხაზზე 2 40 40 04 ან ნებისმიერ სადისტრიბუციო ცენტრში.

ინფორმაციას ვიღებთ გაზის ტრანსპორტირების კომპანიისგან, რომელიც არის პასუხისმგებელი გაზის ხარისხზე. დღეის მდგომარეობით, ხარისხი შეესაბამება სტანდარტებს’’, - განაცხადა ნინო თურმანიძემ კომპანიაში გამართულ ბრიფინგზე.

ნინო ექვთიმიშვილი