უახლესი ამბები
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
- 23.04.2024 10:37ავტომანქანის ყალბი მართვის მოწმობების დამზადება-გასაღების ფაქტზე ოთხი პირი დააკავეს
- 23.04.2024 08:21აშშ-ის სახელმწიფო დეპარტამენტმა საქართველოში ადამიანის უფლებების შესახებ 2023 წლის ანგარიში გამოაქვეყნა
არქივი
კომენტარი
`ყაზტრანსგაზის` წილის შეძენა 2006-2007 წლებში სურდა ჩვენს ჯგუფს - კალაძე ბრალდებებს უარყოფს
დედაქალაქის მერი "ყაზტრანსგაზთან" კავშირსა და ამ კომპანიასთან მის ბიზნესინტერესებს უარყოფს. კახა კალაძე ამბობს, რომ ის არც კომპანიის მფლობელის მეგობარია.
კალაძის მტკიცებით, ოპოზიციის მიერ გავრცელებული ინფორმაცია, თითქოს, რეალურად სწორედ კალაძე განაგებს "ყაზტრანსგაზს", სიმართლეს არ შეესაბამება.
„მამუკა კობახიძე, სანამ მე ენერგეტიკის მინისტრი ვიქნებოდი, მაღალ თანამდებობებზე მუშაობდა ენერგეტიკის სამინისტროში სხვადასხვა კომპანიაში, შეგიძლიათ გადაამოწმოთ ეს ინფორმაცია. მე პოლიტიკური ნიშნით არ ვნიშნავდი და ვათავისუფლებდი ადამიანებს. ყველა ადამიანი, რომელიც ჩემთან მუშაობდა, იყო კვალიფიციური,“-ამბობს კახა კალაძე.
ჟურნალისტის კითხვაზე, სურდა თუ არა მას 2009 წელს „ყაზტრანსგაზის” წილის შეძენა, კალაძე ამბობს, რომ ეს ინფორმაცია სიმართლეს არ შეესაბამება.
„ტყუილია ეს. 2006-2007 წლებში ჩვენს ჯგუფს ჰქონდა ინტერესი, როცა ბიზნესსაქმიანობით ვიყავი დაინტერესებული, თუმცა როდესაც სააკაშვილმა გაიგო ეს ინფორმაცია, მაშინვე სპეცმმართველი შეუშვა „ყაზტრანსგაზში“ და გააუბედურა კომპანია“,- აღნიშნა კალაძემ.