უკან

პოლიტიკა

21 ნოემბერი, 2018 11:10
font-size

ხალხი გაბრაზებულია, უფრო რბილად რომ ვთქვა ნაწყენია - ბიძინა ივანიშვილი

„როგორც ჩანს და ჩემზე კარგად კიდევ ხალხი ხედავდა, ესეც აჩვენა პირველმა ტურმა და არჩევნებმა, რომ ხალხი გაბრაზებულია, უფრო რბილად რომ ვთქვა ნაწყენია. თუმცა ოპონენტებმაც ძალიან ბევრი გააკეთეს, - განაცხადა პოლიტიკური გაერთიანება „ქართული ოცნება დემოკრატიული საქართველოს“ თავმჯდომარემ ბიძინა ივანიშვილმა თოქშოუ „იმედი LIVE”-სთვის მიცემულ ინტერვიუში.

ბიძინა ივანიშვილმა პოლიტიკაში დაბრუნების მიზეზებსა და გუნდში არსებულ პრობლემებზე ისაუბრა. მისი თქმით, პრობლემები ჩანდა, რომ გუნდურობა დაიკარგა. ვერტიკალი იყო ძალიან შესუსტებული მთავრობასა და პარლამენტს შორის ურთიერთობა იყო ძალიან სუსტი.

„ჩართულობა გუნდის წევრებისა იყო ძალიან დაბალი. იგივე ხდებოდა ზუსტად რეგიონებშიც. სანამ მეორე ტური დადგებოდა, პირველი ტურის შემდგომ უფრო სწორად, მრავალჯერადი შეხვედრა მქონდა ყველა მუნიციპალიტეტთან, მერების, საკრებულოს თავმჯდომარეები, შტაბების უფროსების, სამწუხაროდ რასაც ვხედავდი იგივე იკვეთება, რომ ძალიან ბევრ მათგანში იგრძნობოდა მსგავსი პრობლემა, რაც იყო მთავრობასა და პარლამენტს შორის ურთერთობა, უფრო სწორად არ იყო კარგი, ისეთივე დამოკიდებულება იკვეთება ბევრ რეგიონში. პრობლემაა მერსა და საკრებულოს თავმჯდომარეს შორის ურთიერთობაზე . ნაცვლად იმისა, რომ ის პრობლემები, რომლებიც უხვადა გვაქვს ჩვენ და უხვად აქვს ჩვენს ქვეყანას, გუნდი გაერთიანდს , მხარი მხარს შეუდგან და ამ შემთხვევაშიც კი რთულია პრობლემის დაძლევა, დაეხმარონ ერთმანეთს და მაქსიმალურად შეუმსუბუქონ ხალხს ის გაჭირვება რაც აქვს ჩვენს მოსახლეობას, ჩვენ ამას არც ვმალავდით, დღესაც კარგად ვაცნობიერებთ, რომ ასეთი ეკონომიკა გვაქვს,როგორიც გვაქვს. ჩვენ ღარიბი ეკონომიკა გვაქვს, ჩვენ ღარიბ ქვეყნებში გავდივართ და ამ დროს ხელისუფლებას მართებს განსაკუთრებული მცდელობა იმისა, რომ საზოგადოებას ამ გაჭირვების ფონზე მაქსიმალური გრძნობადობა ჰქონდეს იმისა, რომ ეს არის მისი ხელისუფლება, რომ ეს მის განცდებშია და მაქსიმუმს აკეთებს იმისთვის, რომ მათ ყოფა შეუმსუბუქოს,“ - განაცხადა ბიძინა ივანიშვილმა.
მისი თქმით, რა თქმა უნდა იყო პრობლემები.

„მე დავინახე, შეიძლება ცოტაც დავაგვიანე , მაგრამ ხალხის რეაქციას თუ ვნახავთ, ხალხი არის აშკარად განაწყენებული. აშკარად ჩანს, რომ გუნდმა დაკარგა გრძნობადობა ხალხთან ურთიერთობის. გაჩნდა ბზარი ხელისუფლებასა და საზოგადოებას შორის. ამას მრავალგვარი მიზეზები აქვს, მე ყველას არ ჩამოვთვლი. ერთ-ერთზე გეტყვით, რომ გუნდი რომელიც ხელისუფლების ყველა რგოლს და ყველა შტოს ფლობს,როგორც წესი, თვითდაჯერებულობა ემატება, ერთ-ერთზე გავაკეთებდი მე მახვილს, რომ ზედმეტი თვითდაჯერებულობა ერთ-ერთი მიზეზი იყო იმისა, როგორც ვითარდებოდა და როგორც ხდებოდა ურთერთობა საზოგადოებასთან. ამის კარგი გამოხატულება გახლდათ თუგინდ ის, რომ პირველ ტურში შედეგებს, რასაც ველოდებოდით და რაც თქვენს კითხვაშიც ჩანს, მე ვიყავი ჩართული რა თქმა უნდა, მაგრამ ისევ ძველ გუნდზე და ძველ ინფორმაციაზე დაყრდნობით.

იმ დონეზე იყო გუნდი დარწმუნებული საკუთარ ძალებში, რომ კვლევებიც კი პროფესიონალური არ ჩაუტარებიათ. რეალურად პარტიული რესურსით ახერხებდნენ კვლევების ჩატარებას და ასეთი ცდომილება ეს იყო სირცხვილი. ის რასაც ელოდნენ, ეგზიპოლების შედეგების შემდეგ მეც კი გამომიყვანეს, ეს იყო სირცხვილი. ძალიან მკაცრი საუბარი მქონდა ამის შემდგომ და არათუ გრძნობადობა, მოლოდინი ჰქონდათ აბსოლუტურად აცდენილი რეალობასთან. 14 % სხვაობა სირცხვილია, ამას კვლევა აღარ ქვია დამეთანხმებით. ძირითადზე ვსაუბრობ მე. მე კარგად დავინახე, ვხედავდი, ზოგი ჭირია მარგებელია, მე ძალიან მიყვარს ეს გამონათქვამი. თვითონ გუნდმაც მიიღო ცივი შხაპი და ყველაზე სასიამოვნო რაცაა, დავინახეთ რომ თურმე საზოგადოება აფასებს როგორ იქცევი და მათ გააკეთეს შესატყვისი რეაქცია. ის როდესაც მე პოლიტიკა დავტოვე და სამოქალაქო საზოგადოებაში გადავედი თუ გახსოვთ, ოლიმპიადებს ვატარებდი იმისთვის, რომ სამოქალაქო პასუხისმგებლობა და არჩევნებზე როგორ უნდა მიხვიდე, კარგად გაიგო ხალხმა და კარგად აგრძნობინა ,“ - განაცხადა ბიძინა ივანიშვილმა.

კრისტინ ლაგარდი თბილისში სამუშაო შეხვედრებს იწყებს

20 მაისი, 2019 , 10:15

საერთაშორისო სავალუტო ფონდის (სსფ) მმართველი კრისტინ ლაგარდი თბილისში სამუშაო შეხვედრებს დღეს დაიწყებს. დაგეგმილია შეხვედრა საქართველოს პრემიერ-მინისტრ მამუკა ბახტაძესთან და ერთობლივი პრესკონფერენცია მთავრობის ადმინისტრა

მთაწმინდის ოლქში არჩევნების მეორე ტური გაიმართება

20 მაისი, 2019 , 10:15

ცესკოს წინასწარი შედეგების მიხედვით, მთაწმინდის ოლქში არჩევნების მეორე ტური გაიმართება. უფრო კონკრეტულად, ყველა უბნის მონაცემების დათვლის მიხედვით, მთაწმინდაზე "ქართული ოცნების" მაჟორიტარი დეპუტატობის კანდიდატმა ლადო კახ

მერის არჩევნებში, 5-ვე ოლქში გამარჯვება „ქართული ოცნების“ კანდიდატებმა მოიპოვეს

20 მაისი, 2019 , 10:15

ცესკოს პირველადი შედეგებით, მერის რიგგარეშე არჩევნებში, 5-ვე მუნიციპალიტეტში - ზუგდიდში, მარნეულში, ზესტაფონში, ჭიათურასა და ხულოში გამარჯვება პირველივე ტურში, „ქართული ოცნების“ კანდიდატებმა მოიპოვეს. ცენტრალ

საკრებულოს არჩევნებში, ყველა ოლქში „ქართული ოცნების“ კანდიდატებმა გაიმარჯვეს

20 მაისი, 2019 , 10:15

ცესკოს წინასწარი მონაცემებით, საკრებულოს შუალედურ არჩევნებში, 8-ვე ოლქში, „ქართული ოცნების“ კანდიდატებმა გაიმარჯვეს. საკრებულოს შუალედური არჩევნები საგარეჯოში, ახმეტაში, ადიგენში, ზესტაფონში, ჭიათურაში, ტყიბუ

საარჩევნო უბნებზე ხმის მიცემის პროცესი დასრულდა

19 მაისი, 2019 , 20:42

საარჩევნო უბნებზე ხმის მიცემის პროცესი დასრულდა. დაიხურა საარჩევნო უბნები. ამომრჩევლებს პარლამენტის და საკრებულოს შუალედურ არჩევნებში, ასევე მერის რიგგარეშე არჩევნებში ხმის მიცემის საშუალება უკვე აღარ აქვთ. დღეს, თბილისშ

კახა კალაძემ ამომრჩევლებს აქტიურობისკენ მოუწოდა

19 მაისი, 2019 , 11:40

ყველა წინასწარი პროგნოზის მიხედვით, მაღალი აქტივობის შემთხვევაში, პირველივე ტურში გამარჯვების ძალიან დიდი, რეალური შანსი გვაქვს, – ამის შესახებ „ქართული ოცნების“ გენერალურმა მდივანმა, კახა კალაძემ განაც