კომენტარი
ხალხმა საკუთარ ბედზე ძალაუფლება უნდა დაიბრუნოს - მიხეილ სააკაშვილი
საქართველოს მესამე პრეზიდენტმა მაასტრიხტის უნივერსიტეტში ლექციაზე პოსტსაბჭოთა ქვეყნებში ოლიგარქიულ მმართველობასა და რუსულ გავლენებზე ისაუბრა.
თელაველი სტუდენტის კითხვას, რომელიც ჩატარებულ საპრეზიდენტო არჩევნებს, ქვეყანაში გაზრდილ კრიმინალსა და გახმაურებულ საქმეებს ეხებოდა მიხეილ სააკაშვილმა ვრცელი პასუხი გასცა. მისი თქმით, ქართველმა ხალხმა საკუთარ ბედზე ძალაუფლება უნდა დაიბრუნოს.
ამ თემაზე საუბრისას მან არჩევნებში თანამედროვე ტექნოლოგიების გამოყენებას გაუსვა ხაზი და აღნიშნა, რომ თანამედროვე ტექნოლოგიები და აპლიკაციები მისცემს საზოგადოებას საშუალებას, პირდაპირ მისცეს ხმა ყველა მნიშვნელოვან გადაწყვეტილებას.
„მე მჯერა პირდაპირი დემოკრატიის. ჩვენს ქვეყნებში, არჩეული წარმომადგენლები ძალიან მალე ფუჭდებიან. ახლა გვაქს სისტემა , სადაც გვეუბნებიან რომ პარლამენტი არჩეულია 4 წლით და უნდა გავჩუმდეთ. იგივე ხდება პრეზიდენტზეც. ჩვენ უნდა გამოვასწოროთ მათი შეცდომები. ხალხმა საკუთარ ბედზე ძალაუფლება უნდა დაიბრუნოს. თანამედროვე ტექნოლოგიები და სპეციალური აპლიკაციები მოგვცემს საშუალებას პირდაპირ მივცეთ ხმა , არამხოლოდ არჩევნებზე, არამედ ყველა მნიშვნელოვან გადაწყვეტილებასთან დაკავშირებით. ავირჩიოთ გენერალური პროკურორი და უზენაესი სასამართლოს თავმჯდომარე, შევცვალოთ კანონმდებლობა.
ოლიგარქი ანადგურებს პრეზიდენტს ინსტიტუტს, მან გააყალბა არჩევნები და დანიშნა ადამიანი, რომელიც არ სცემს პატივს ხალხს. პრეზიდენტის ინსტიტუტი აღარ წარმოადგენს იმას რაც უნდა იყოს. პარლამენტი აღარ არის პარლამენტი, მთავრობის როლი მინიმალურია. ოლიგარქი ზის სასახლეში თბილისის თავზე და ყველამ იცის, რომ მნიშვნელოვანი საკითხების მოსაგვარებლად იქ უნდა მივიდეს, მიუხედავად იმისა რომ ეს ადამიანი არ იკავებს არც ერთ ოფიციალურ თანამდებობას. სწორედ ეს არის ოლიგარქია. ახალგაზრდა თაობას ვურჩევ იყვნენ კრიტიკულები და ჰქონდეთ გახსნილი გონება,“- განაცხადა მიხეილ სააკაშვილმა.