უკან

უახლესი ამბები

დღის კალენდარი

ანონსები

არქივი

სამართალი

23 ივლისი, 2018 12:05
font-size

ხანდაზმულობის ვადის ამოწურვამდე, 2018 წლის 26 აგვისტომდე დასრულდეს გიორგი მიქაუტაძის მიერ არასრულწლოვნის ცემის საქმეზე გამოძიება - საია

„საქართველოს ახალგაზრდა იურისტთა ასოციაცია“ მოუწოდებს სამართალდამცავ ორგანოებსა და სასამართლოს, დროულად, სისხლისსამართლებრივი პასუხისმგებლობის ხანდაზმულობის ვადის ამოწურვამდე, დაასრულონ გონიოს სანაპიროზე იუსტიციის უმაღლესი საბჭოს მდივნის გიორგი მიქაუტაძის მიერ თამარ ხაჭაპურიძის არასრულწლოვანი შვილის ცემის ფაქტზე დაწყებული გამოძიება.

ორგანიზაციის თქმით, საქმე თითქმის 2 წელია, ჭიანურდება. საია ეჭვობს, რომ გამოძიების არაეფექტურობა დაკავშირებულია მიქაუტაძის თანამდებობით, ასევე შერჩევითი მართლმსაჯულებით.

„თამარ ხაჭაპურიძის არასრულწლოვანი შვილის ფიზიკური შეურაცხყოფის ფაქტზე დაწყებული გამოძიების საქმეში, რომელშიც საქართველოს იუსტიციის უმაღლესი საბჭოს მდივანი და მოსამართლე, გიორგი მიქაუტაძე ფიგურირებს, იწურება სისხლისსამართლებრივი პასუხისმგებლობის ხანდაზმულობის ვადა. გამოძიების დაწყებიდან თითქმის ორი წლის გასვლის მიუხედავად, საქმეზე რაიმე შედეგი არ დამდგარა. აღსანიშნავია, რომ ხანდაზმულობის ვადის ამოწურვა გამორიცხავს დანაშაულისთვის პირის პასუხისგებაში მიცემას.

გამოძიების გაჭიანურება და გამოძიების მიმდინარეობის შესახებ არასაკმარისი ინფორმაცია აჩენს საფუძვლიან ეჭვს, რომ საქმეზე ირღვევა კანონის უზენაესობის პრინციპი - სასამართლო ხელისუფლების მაღალი თანამდებობის პირის, გიორგი მიქაუტაძის მონაწილეობა საქმეში შესაძლოა ხელს უშლიდეს საქმეზე გამოძიებისა და სისხლისსამართლებრივი დევნის განხორციელებას.

არაეფექტურ გამოძიებასთან ერთად, სახეზეა შერჩევითი მიდგომა ერთი ფაქტის გარშემო დაწყებული ორი სისხლის სამართლის საქმის გამოძიებისას. ამავე ფაქტიდან გამომდინარე თამარ ხაჭაპურიძის მიმართ წარდგენილ ბრალზე გამოძიება დასრულებულია და საქმის განხილვა სასამართლოში მიმდინარეობს, მაშინ, როცა გიორგი მიქაუტაძის მიერ თამარ ხაჭაპურიძის შვილის ცემის ფაქტზე ცალკე წარმოებული გამოძიება წელიწად-ნახევარზე მეტია უშედეგოდ გრძელდება. გიორგი მიქაუტაძის მიერ არასრულწლოვანზე ძალადობის საქმეზე გამოძიების გაჭიანურებასა და შერჩევით მიდგომას არასამთავრობო ორგანიზაციები საჯარო განცხადებით გამოეხმაურნენ ჯერ კიდევ 2018 წლის 21 მარტს.

ამასთან, თამარ ხაჭაპურიძის ბრალდების საქმეზე, სადაც გიორგი მიქაუტაძე დაზარალებულის სტატუსით სარგებლობს, 2018 წლის ივლისში გამართულ სხდომაზე სასამართლომ დაცვის მხარეს დაუსაბუთებლად უთხრა უარი თამარ ხაჭაპურიძის არასრულწლოვანი შვილის მოწმის სახით დაკითხვის შუამდგომლობის დაკმაყოფილებაზე. აღნიშნულის საპირისპიროდ, ბრალდების მხარეს მოწმეების სასამართლო სხდომაზე დაკითხვის შესაძლებლობა დაუბრკოლებლად ეძლეოდა.

მივმართავთ შესაბამის ორგანოებს, საქმის გამოძიების ხანდაზმულობის ვადის ამოწურვამდე, 2018 წლის 26 აგვისტომდე დასრულდეს თამარ ხაჭაპურიძის არასრულწლოვანი შვილის მიმართ ძალადობის საქმეზე გამოძიება. გამოძიება ჩატარდეს ყოველმხრივ, სრულად და ობიექტურად, რათა საქმე არ დარჩეს გამოუძიებელი, ხოლო დანაშაული დაუსჯელი. მნიშვნელოვანია, სამართალდამცავმა ორგანოებმა და სასამართლომ ყველა ზომას მიმართონ, რათა გაქარწყლდეს ეჭვი შერჩევითი მართლმსაჯულების განხორცილების თაობაზე“, - წერია საია-ს განცხადებაში.

ცნობისთვის, 2016 წლის აგვისტოში გონიოს სანაპიროზე ინციდენტი მოხდა, რომლის შედეგად გამოძიება დაიწყო გიორგი მიქაუტაძის მიერ [მაშინ ის თბილისის საქალაქო სასამართლოს მოსამართლე იყო] არასრულწლოვნის ცემის ფაქტზე. იმავე დღეს მოზარდის ცემის ფაქტზე დაწყებულ გამოძიებას პროკურატურამ კვალიფიკაცია შეუცვალა და ძიება მოსამართლის სიცოცხლის მოსპობის მუქარით გააგრძელა. გარდა ამისა, იმ დღეს არასრულწლოვნის მშობლები - თამარ ხაჭაპურიძე და კახაბერ ხაჩიძე, შვილების თანდასწრებით შუაღამისას დააპატიმრეს.

გიორგი შაქარაშვილის ბიძის განცხადებით, ოჯახის პოზიციაა, „ტოიოტა ქამრის“ მგზავრები, 6-ვე მათგანი ბრალდებული იყოს 109-ე მუხლით

10 ივლისი, 2020 , 17:40

ფეხბურთელ გიორგი შაქარაშვილის ბიძის მირიან ნიკოლაძის განცხადებით, ოჯახის პოზიციაა, „ტოიოტა ქამრის“ მგზავრები, რომლებიც გიორგი შაქარაშვილს გამოედევნენ და დადგა ეს შედეგი, ბრალდებულები იყვნენ სისხლის სამართლის

მირიან ნიკოლაძე - გიორგი შაქარაშვილს მიაყენეს ფიზიკური დაზიანებები და შემდგომ გადააგდეს წყალში

10 ივლისი, 2020 , 17:36

გიორგი შაქარაშვილის ბიძის, მირიან ნიკოლაძის განცხადებით, გიორგი შაქარაშვილის მიმართ ადგილი ჰქონდა ძალადობას, რის შემდეგაც იგი გადააგდეს მდინარეში. როგორც მირიან ნიკოლაძემ პრესკონფერენციაზე განაცხადა, ამ ეტაპზე თავს იკავე

ნიკა გვარამია საგამოძიებო ორგანოში დაიბარეს

10 ივლისი, 2020 , 16:15

ტელეკომპანია "მთავარი არხის" დირექტორი ნიკა გვარამია საგამოძიებო უწყებაში გამოკითხვაზე დაიბარეს. ამის შესახებ გვარამია Facebookის საკუთარ გვერდზე წერს. „კრიმინალურმა პოლიციამ გამოკითხვაზე დამიბარა“, - წერს ნი

ასფიქსია წყალში დახრჩობით - გიორგი შაქარაშვილის გარდაცვალების მიზეზი გასაჯაროვდა

10 ივლისი, 2020 , 13:40

გიორგი შაქარაშვილის სიკვდილის მიზეზია ასფიქსია წყალში დახრჩობით, -აღნიშნულის შესახებ ინფორმაციას საქართველოს გენერალური პროკურატურა ავრცელებს.  ,,მაღალი საჯარო ინტერესის გათვალისწინებით, გვსურს საზოგადოებას მივაწოდო

გლდანში უმისამართოდ სროლასთან დაკავშირებით ერთი პირი დააკავეს

10 ივლისი, 2020 , 11:10

გლდანში მომხდარ ინციდენტთან დაკავშირებით პოლიციამ ერთი პირი დააკავა, – ამის შესახებ საქართველოს შინაგან საქმეთა სამინისტროს ინფორმაციაშია ნათქვამი. „2020 წლის 9 ივლისს შინაგან საქმეთა სამინისტროს საზოგადოებრი

საგამოძიებო სამსახურმა ხორცის ნახევარფაბრიკატების ფალსიფიკაციის ფაქტზე კომპანიის ხელმძღვანელი პასუხისგებაში მისცა

10 ივლისი, 2020 , 11:10

საქართველოს ფინანსთა სამინისტროს საგამოძიებო სამსახურის თანამშრომლებმა, გატარებული ოპერატიულ - სამძებრო ღონისძიებებისა და საგამოძიებო მოქმედებების შედეგად, ხორცის ნახევარფაბრიკატების ფალსიფიკაციის ფაქტზე, კომპანიის ხელმძ

პირდაპირი TV

daily calendar

ვიდეო გალერეა

ამ პარტიაში ვარ პოლიტიკური ლიდერი, ვფიქრობ პოლიტიკური ლიდერობით აქედან უფრო მივაწვდენ ხმას ყველას, ვიდრე ვყოფილიყავი დიდი გაერთიანების ერთერთი წევრი - ნატო ჩხეიძე