უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
არქივი
მსოფლიო
ხელები შორს მიშიკოსგან! - ვლადიმერ ჟირინოვსკი
საქართველოს ყოფილი პრეზიდენტისა და ოდესის ექს-გუბერნატორის, მიხეილ სააკაშვილის ირგვლივ შექმნილ სიტუაციას რუსეთის სახელმწიფო დუმის დეპუტატი ვლადიმერ ჟირინოვსკი გამოეხმაურა.
რუსი პარლამენტარის თქმით, სააკაშვილის დაკავებით უკრაინის ხელისუფლებამ უარყო, რომ ის დემოკრატიულია და ოდესის ექს-გუბერნატორის დევნით თავი შეირცხვინა.
მისი თქმით, მიხეილ სააკაშვილს აქვს სტატუსი, ის იყო საქართველოს პრეზიდენტი, და იყო დაპატიჟებული უკრაინაში უშუალოდ პეტრო პოროშენკოს მიერ.
„რა არამზადაც არ უნდა იყოს რუსეთის მიმართ, რთულია უარყო, რომ ის ბოლომდე იხარჯება საქმისთვის. ამას ვერ წაართმევ“, -აღნიშნა ჟირინოვსკიმ.
რუსი დეპუტატის მტკიცებით, „როცა სააკაშვილი არაკომფორტული გახდა კიევის „დემოკრატებისთვის“, ის მოგონილი მიზეზით გაათავისუფლეს, და როცა მან გამოაცხადა, რომ პოროშენკოს იმპიჩმენტისთვის იბრძოლებს, მაშინ შეეცადნენ რაღაც სამარცხვინო აქციის ჩატარებას მისთვის მოულოდნელი მოქალაქეობის ჩამორთმევით. ეს გააკეთეს ლაჩრულად, მაშინ, როცა სააკაშვილი საზღვარგარეთ წავიდა, რათა მას დაბრუნებაში ხელი შეეშალათ“.
ჟირინოვსკიმ მოუწოდა უკრაინის მთავრობას, თავი დაანებოს სააკაშვილს.
„სააკაშვილმა ნება გამოიჩინა, იბრძოლა, უკრაინაში შეაღწია, მომხრეები მოიზიდა და პოროშენკოს მშვიდობიანი გადაყენების მოთხოვნა წააყენა. და როგორ უპასუხა „დემოკრატიულმა“ ხელისუფლებამ? ცდილობს მის დაპატიმრებას. თუმცა ესეც არ გამოსდით... ხელების შორს მიშიკოსგან!“, -თქვა ჟირინოვსკიმ.
გუშინ დილას მიხეილ სააკაშვილი დააკავეს. მას დანაშაულებრივ ჯგუფებთან თანამშრომლობასა და მათი საქმიანობის დაფარვაში ადანაშაულებენ.
დაკავების შემდეგ ოდესის ექს-გუბერნატორი მანქანაში ჩასვეს, თუმცა მისმა მხარდამჭერებმა გზა გადაუღობეს სპეცნაზმს, რის გამოც სააკაშვილის გაყვანა კიევის ცენტრიდან ვერ მოხერხდა. დაკავებიდან რამდენიმე საათში აქტივისტებმა შეამტვრიეს იმ მანქანის კარები და ფანჯრები და გამოიყვანეს სააკაშვილი. კიევის პროკურატურამ უკვე დაიწყო გამოძიება ამ ფაქტზე.
გათავისუფლების შემდეგ სააკაშვილი თავის მხარდამჭერებთან ერთად უმაღლეს რადასთან მივიდა, სადაც მიტინგი გამართა.
ანა მებურიშვილი