კომენტარი

ხელისუფლება მუშაობს პოლიტიკური აფექტის მდგომარეობაში - გია ხუხაშვილი

ტვ პირველის მფლობელის მამის, ბიზნესმენ ავთანდილ წერეთლისთვის ბრალის წაყენებას ექსპერტი გია ხუხაშვილი ეხმაურება.

მისი თქმით, ხელისუფლება ცდილობს ერთი აქტიური თემა მეორეთი გადაფაროს და საზოგადოება მუდმივად დაძაბულ რეჟიმში ამყოფოს.

„ხელისუფლება მუშაობს პოლიტიკური აფექტის მდგომარეობაში, მუდმივად სჭირდება რომ იყოს შეტევაში, ერთი თემა მეორეთი გადაფაროს, მეორე მესამეთი და არ მისცეს საზოგადოებას დამშვიდების, დაწყნარების და ჩვეულებრივი პოლიტიკური დღის წესრიგით სვლის საშუალება. გუშინ რუსთავი2-ში განიცადეს სრული ფიასკო და დღეს რაღაცა ჭირდებოდათ, რომ თემა გადაეტანათ, ყველაზე სკანდალური დღევანდელ ისტორიაში არის პროკურატურის განაცხადი ბრალის დაზუსტებასთან დაკავშირებით, წარმოიდგინეთ საუბარია 2-3 ტრანზაქციაზე, ერთი წელი იძიებენ და ახლა ამბობენ, რომ ბრალი უნდა დავაზუსტოთო. აქ რა იგულისხმება, რომ კი ბატონო, ვაშლის მოპარვა ვერ დაგიმტკიცე და ამიტომ მსხლის მოპარვა უნდა გედავოო თუ რა , ამას ალბათ დღეს გავარკვევთ. თუ ასე მოხდა და საქმის კვალიფიკაცია შეიცვალა, ეს არის სრული ფიასკო და კატასტროფა მთელი მართლმსაჯულების სისტემისთვის,“- განაცხადა გია ხუხაშვილმა.