უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
- 23.04.2024 10:37ავტომანქანის ყალბი მართვის მოწმობების დამზადება-გასაღების ფაქტზე ოთხი პირი დააკავეს
- 23.04.2024 08:21აშშ-ის სახელმწიფო დეპარტამენტმა საქართველოში ადამიანის უფლებების შესახებ 2023 წლის ანგარიში გამოაქვეყნა
არქივი
პოლიტიკა
ხელისუფლების უმაღლესი თანამდებობის პირები მონაწილეობენ იმ ტიპის კრიმინალურ გარიგებებში, რაც დამახასიათებული იყო შევარდნაძისა და სააკაშვილის რეჟიმებისათვის - კახა კუკავა
პრეზიდენტობის კანდიდატი, კახა კუკავა გუშინ გამოქვეყნებულ აუდიოჩანაწერებს ეხმაურება.
„გუშინ გამოქვეყნებულმა ჩანაწერებმა ერთხელ და სამუდამოდ გაფანტა ვერსია იმის შესახებ, იყო თუ არა ადრე გამოქვეყნებული ჩანაწერები ავთენტიკური. სრულიად აშკარაა, რომ ხელისუფლების უმაღლესი თანამდებობის პირები მონაწილეობენ იმ ტიპის კრიმინალურ და კორუფციულ გარიგებებში, რაც დამახასიათებული იყო შევარდნაძისა და სააკაშვილის რეჟიმებისათვის.
ნიშანდობლივია, რომ იმ ფონზე, როდესაც საქართველოს მთავრობა ვერ ახერხებს ერთი ჩვეულებრივი ჯიბგირის, ოთარ ფარცხალაძის დაპატიმრებას, იგივე ხელისუფლება გვპირდება, რომ საქართველოს გააწევრიანებს ნატოში, ევროკავშირში, დაიბრუნებს აფხაზეთს, განავითარებს ეკონომიკას და დაასაქმებს ათიათასობით უმუშევარ ადამიანს. კარგად უნდა გვესმოდეს, რომ მთავრობა, როდესაც ვერ აგვარებს იმ საკითხებს, რომელსაც, წესით, რაიონის პოლიცია უნდა აგვარებდეს, მით უფრო უძლურია ქვეყნის წინაშე არსებული რთული გამოწვევების წინაშე.
ცალკე აღნიშვნის ღირსია ამ თემაზე „ნაციონალური მოძრაობის" და „ევროპული საქართველოს" ჟრიამული: თითქოს და, ვაი და, რა უბედურება დატრიალებულა საქართველოში?!
ნამდვილი კომედიაა, როდესაც მთავრობა, რომელსაც ფინანსური პოლიციის უფროსად ჰყავდა დანიშნული დავით კეზერაშვილი, დღეს საუბრობს იმის შესახებ, რომ თურმე დაუშვებელია ბიზნესში ჩარევა და კერძო საკუთრების შელახვა. ამ ვითარებაში ჩვენი გუნდი - „თავისუფალი საქართველო" არის ერთადერთი, რომელსაც რეალურად შეუძლია საქართველოში კანონის უზენაესობის დაცვა, რომელიც არასდროს ყოფილა ჩართული არც მოქმედი და არც წინა ხელისუფლების პირობებში, სხვადასხვა კორუფციულ გარიგებებში. ამიტომაც ჩვენ რეალურად შეგვიძლია სისხლის სამართლის პასუხისგებაში მიცემა არამარტო ფარცხალაძისა, არამედ ყველა იმ კრიმინალის, რომლებიც ჩადიოდნენ წლების მანძილზე ამ დანაშაულს,"- განაცხადა კახა კუკავამ.