საზოგადოება
ხმაურის აკრძალვის შესახებ კანონი ძალაში 15 აგვისტოს შევა
ხმაურის აკრძალვის შესახებ კანონი ძალაში 15 აგვისტოს შევა, პირველ აგვისტომდე კი მთავრობამ ტექნიკური რეგლამენტი უნდა მოამზადოს, რომელიც დეციბელების დასაშვებ ზღვარს დაადგენს.
ინფორმაცია ამის შესახებ ჟურნალისტებს დღევანდელ პრესკონფერენციაზე თბილისის საკრებულოს იურიდიული კომისიის თავმჯდომარემ, თედო კობახიძემ მიაწოდა.
„საქართველოს პარლამენტმა ხმაურთან დაკავშირებით კანონი მესამე მოსმენით მიიღო. დაემატა მუხლები, რომელიც განსაზღვრავს ზღვარგადასული ხმაურის აკრძალვას, სადაც ადამიანები ცხოვრობენ და ასევე, პიროტექნიკაზე. რაც შეეხება სანქციებს, პირველ ჯერზე, იქნება გაფრთხილება, გამოძახებული იქნება საპატრულო პოლიცია და გამოვლინდება კანონდამრღვევი პირი, რომელსაც მისცემენ სიტყვიერ გაფრთხილებას, ხოლო თუ იგივე პირის მიერ განმეორებით მოხდა მსგავსი შემთხვევა, იქნება ფულადი ჯარიმები. მესამე შემთხვევაზე, ფიზიკური პირი დაჯარიმდება 300-ლარიანი ჯარიმით, ხოლო იურიდიული – 500 ლარით,“- განაცხადა თედო კობახიძემ.
მისივე ინფორმაციით დეციმილებს, და იმას, თუ რა იქნება დასჯადი, განსაზღვრავს მთავრობა. როგორც თედო კობახიძე განმარტავს, ეს პირველ აგვისტომდე განისაზღვრება.
ნინო ექვთიმიშვილი