უახლესი ამბები
- 24.04.2024 18:09Startup Grind - ის მორიგი ღონისძიება ბათუმში გაიმართება - მხარდამჭერი საქართველოს ბანკია
- 24.04.2024 15:01სასამართლომ ირაკლი კუპრაძეს 2 500-ლარიანი ჯარიმა დააკისრა
- 24.04.2024 14:53სამედიცინო დაწესებულებების მონიტორინგის დროს გამოვლინდა ინფექციის პრევენციისა და კონტროლისთვის საჭირო ინფრასტრუქტურის ფუნქციონირების და პროცესის დარღვევების შემთხვევები - ომბუდსმენი
- 24.04.2024 14:41დღეს რუსთაველებმა ნათლად დაინახეს „ქართული ოცნების“ და „ნაციონალური მოძრაობის“ ღია თანამშრომლობის თვალსაჩინო მაგალითი - პარტია „გახარია საქართველოსთვის“
- 24.04.2024 14:16იდენტიფიცირებული იქნებიან ის პირები, რომლებიც, ხალხის რაოდენობის სიმცირის მიუხედავად, აქციის მონაწილეებს გზების პარალიზებისკენ მოუწოდებენ - შსს
- 24.04.2024 13:01საქართველოს ბანკის მხარდაჭერით გლდანი მოლი ფართოვდება
- 24.04.2024 12:38მესტიის მერი მეორე წელია დეკლარაციაში არ უთითებს ხელფასსა და 7 უძრავ ქონებას - `საერთაშორისო გამჭვირვალობა-საქართველოს`
- 24.04.2024 11:57ახალგაზრდების სოციალური მეწარმეობის პროექტების ხელშეწყობის პროგრამაზე რეგისტრაცია განახლებული პირობებით დღეს დაიწყება
არქივი
სამართალი
ხორავას ქუჩის საქმის შემსწავლელ კომისიაზე თეა წულუკიანის მოსმენა 2 კითხვის შემდეგ დასრულდა
ხორავას ქუჩაზე მოზარდების მკვლელობის საქმეზე შექმნილი დროებითი საპარლამენტო საგამოძიებო კომისიის სხდომაზე იუსტიციის მინისტრის თეა წულუკიანის მოსმენა 2 კითხვის შემდეგ დასრულდა.
კომისიის წევრებმა საპარლამენტო უმრავლესობიდან აღნიშნეს, რომ კომისიის ფარგლებში თეა წულუკიანის დაბარების აზრს თავიდანვე ვერ ხედავდნენ და კითხვებისთვის ასპარეზი საპარლამენტო უმცირესობას დაუთმეს. მინისტრს კითხვები მხოლოდ „ევროპული საქართველოს“ წევრმა, ოთარ კახიძემ დაუსვა. კერძოდ, დეპუტატი დაინტერესდა, იცნობს თუ წულუკიანი მირზა სუბელიანს, რაზეც იუსტიციის მინისტრმა უპასუხა , რომ არ იცნობს.
კახიძის მეორე კითხვა წულუკიანის 31 მაისის განცხადებას ეხებოდა, რომელშიც მინისტრი ამბობდა, რომ არ ეთანხმებოდა ყოფილი მთავარი პროკურორის ირაკლი შოთაძის გადადგომას და მადლობას უხდიდა მას იმისთვის, რაც უთხრა – „გადავდგები და დაიჯერებენ, რომ მართალი ვარ“. კახიძე დაინტერესდა, მაშინ, როცა საქმეზე დროებითმა საგამოძიებო კომისიამ დაადგინა რამდენიმე გარემოება, მათ შორის ის, რომ მირზა სუბელიანის გამოჩენისთანავე შეწყდა 14 დღით თვითმხილველების დაკითხვა; არ ამოიღეს „ფეისბუქითა“ და „ინსტაგრამით“ მიმოწერა მირზა სუბელიანის შვილსა და მის დეიდაშვილს შორის; არ ჩატარდა მირზა სუბელიანისა და თენგიზ კალანდიას სახლების ჩხრეკა; არ ამოიღეს სისხლიანი ტანსაცმელი, რომელიც ეკუთვნოდა მ.კ-ს და ა.შ, ამ ფონზე ისევ მიაჩნდა თუ არა მინისტრს, რომ ირაკლი შოთაძე მართალი იყო და მადლობა უნდა გადაეხადა თუ არა იმისთვის, რაც მაშინ უთხრა, ანუ ეთანხმებოდა თუ არა 31 მაისს მის მიერ გაკეთებულ განცხადებას.
ამაზე წულუკიანმა უპასუხა, რომ ამ აზრს კვლავ ეთანხმება.
ამის შემდეგ სხდომა დასრულდა.
კომისიის დღევანდელ სხდომაზე თეა წულუკიანის გარდა გამოკითხეს შინაგან საქმეთა მინისტრი გიორგი გახარია და ყოფილი მთავარი პროკურორი ირაკლი შოთაძე.