უკან

უახლესი ამბები

დღის კალენდარი

ანონსები

არქივი

პოლიტიკა

30 სექტემბერი, 2017 16:09
font-size

ხვალ 6 საათზე პუშკინის სკვერში გავაპროტესტოთ უკანონობა - ელენე ხოშტარიამ აქცია დააანონსა

ხვალ, 18 საათზე პუშკინის სკვერში „ევროპულის საქართველო“ აქციას გამართავს, თბილისის საკრებულოს გუშინდელი გადაწყვეტილების გასაპროტესტებლად, რომელიც ბიძინა ივანიშვილს უკავშირდება. კერძოდ, საკრებულომ პუშკინის სკვერთან, „პანორამა თბილისის“ სასტუმროს მიმდებარედ მიწისქვეშა ავტოსადგომის ასაშენებლად მიწის ნაკვეთს ფუნქციური ზონის სტატუსი შეუცვალა, ხოლო თაბორის მთაზე 4 700 მ2 ფართობის მიწას რეკრეაციული სტატუსი „თაბორი რიზორთსის“ სასარგებლოდ მოხსნა.

„ევროპული საქართველოს“ თბილისის მერობის კანდიდატის, ელენე ხოშტარიას განცხადებით, საკრებულო ემორჩილება ბიძინა ივანიშვილსა და კახა კალაძის ბიზნესინტერესებს. ხოშტარიამ აღნიშნა, რომ თაბორის მთის მონაკვეთი უკვე შემოღობილია, მიუხედავად იმისა, რომ ის ჯერ კიდევ არაა ოფიციალურად გადაცემული საქართველოს ექს-პრემიერ-მინისტრისთვის.

„ჩვენ ვიმყოფებით თაბორის მთაზე, რომელიც ეკუთვნის თითოეულ თბილისელს, ჩვენი ქალაქის მცხოვრებლებს, რომელიც არის უძვირფასესი ადგილი, სადაც ყვავის ხეები, სადაც შეგვიძლია ვისუნთქოთ სუფთა ჰაერი ფარისეველი კალაძისგან განსხვავებით, რომელიც გველაპარაკება ვითომ ხრჩობაზე და გვანახებს დაფოტოშოპებულ მწვანე ადგილებს. დღეს ეს ადგილი გვეკუთვნის ჩვენ და რადგან ბიძინა ივანიშვილს მოუნდა, რომ თავისი ეზო გაიფართოვოს, გუშინ საკრებულომ , ბიძინა ივანიშვილისა და კახა კალაძის მორჩილებით, უკანონოდ დაუშვა აქ მშენებლობები და ძალიან მალე უმზადებს საკუთრებაში სიმბოლურ ფასად გადასაცემად, რომ ჩვენ, თბილისელებს წაგვართვან ჩვენი კუთვნილი ადგილები.

ზუსტად ასე, მან არ იკმარა 397 000 მ2, რომელიც მან ქალაქს წაართვა ადგილობრივი თვითმმართველობის ასეთივე უკანონო მორჩილებით და ბოლომდე სურს, ეს გზა გაიფართოვოს.

ეს ტერიტორია, რომელიც კანონით ჯერ არ ეკუთვნის ბიძინა ივანიშვილს, რამდენიმე ხანში უმზადებენ გადასაცემად, უკვე შემოღობილია, იმიტომ რომ ამ გუნდისთვის, კალაძისთვის, ბიძინა ივანიშვილისთვის კანონი არის მათი კორუფციული სურვილების შესრულების გზა და არა ჩვენი ქალაქის ცხოვრების უზენაესი წესი.

ზუსტად ასე, მან ქალაქის შუაგულში, პუშკინის სკვერში გადაწყვიტა, რომ თავის სასტუმროს მოუწყოს 1900 მ2-ზე პარკინგი. მან პირდაპირ წერილში მოითხოვა, რომ 1 ლარად მას ქალაქმა გადასცეს პარკინგი, რომ მან კომფორტულად იგრძნოს თავი.

სწორედ ამიტომ ჩვენ არ ვგაქვს უფლება, ამას შევეგუოთ და „ევროპული საქართველო“ მოუწოდებს ყველას, ხვალ 6 საათზე პუშკინის სკვერში გავაპროტესტოთ ეს უკანონობა, გავაპროტესტოთ დამოკიდებულება ჩვენი ქალაქის მიმართ და კანონის მიმართ. ვუთხრათ არა იმას, რომ ვინმემ ოდესმე მიიტაცოს ჩვენი ტერიტორიები, ასე გადაუსვას ხაზი კანონს.

რა თქმა უნდა, მთავარი პროტესტი, მთავარი პასუხი კალაძის კორუმპირებულობაზე, ბიზნესინტერესებისთვის, რომელიც ახლა იბრძვის ამ ბიზნესინტერესების გატარების ინსტრუმენტებისთვის, რომელიც იბრძვის, რომ დამატებით მიიტაცოს საკუთარი თავისთვისა და ბიზნესისთვის, მთავარი „არა“ იქნება 21 ოქტომბერს, როცა დასრულდება არა მხოლოდ ამ ჯგუფის უკანონობა, არამედ დაესმევა წერტილი ოდესმე საქართველოში ისეთ მთავრობებს, რომლებიც ემსახურებიან პირად ინტერესებს, ბელადებს და ჩვენ გვეყოლება საკრებულო და ადგილობრივი თვითმმართველობა, რომელიც იქნება ანგარიშვალდებული ადამიანების მიმართ, რომელიც ზრუნავს ქალაქზე და არა თავის კორუფციულ ინეტერესებზე, რომელიც ემსახურება ქალაქს, ემსახურება და ემორჩილება კანონს და ვერასდროს ვერცერთი მერი და ვერცერთი თვითმმართველი ვერ გაბედავს, რომ მიიტაცოს და დააზარალოს ჩვენი ქალაქი“, -განაცხადა ხოშტარიამ.

ანა მებურიშვილი

ვიღაცის „ოცნება“ სრულდება, ვიღაცის „ოცნება“ იწყება... და ასეა მე-9 წელია - დავით ჭიჭინაძე

17 აპრილი, 2021 , 14:34

გავრილოვის საქმეზე ამნისტია არავის სჭირდება, მით უმეტეს მელიას, ის ღირსებისთვის იბრძვის! ეს პირველ რიგში გახარიას სჭირდება, რადგან ბევრ კითხვაზეა პასუხი გასაცემი – დავით ჭიჭინაძე გავრილოვის საქმეზე ამნისტია არავის

ზურაბიშვილი ევროკავშირისა და აშშ-ს ელჩებს ხვდება

17 აპრილი, 2021 , 14:28

საქართველოს პრეზიდენტი სალომე ზურაბიშვილი ამ წუთებში, ორბელიანების სასახლეში საქართველოში ევროკავშირის ელჩს, კარლ ჰარცელსა და ამერიკის ელჩს, კელი დეგნანს ხვდება. ინფორმაციას პრეზიდენტის ადმინისტრაცია ავრცელებს.

მამუკა ხაზარაძე, ბადრი ჯაფარიძე და გრიგოლ გეგელია ბრიუსელში მიემგზავრებიან

17 აპრილი, 2021 , 13:18

მიწვევით მიემგზავრებიან ბრიუსელში, სადაც ევროპარლამენტარებთან ექნებათ შეხვედრა. მისივე თქმით, ისინი კიდევ ერთხელ იმსჯელებენ ქვეყანაში შექმნილ ვითარებებზე და კრიზისის გადაჭრის გზებზე. „ჩვენი მოლაპარაკების მიზანი და

ქართველი ხალხი იმსახურებს კომპრომისს, რომელიც მთავრობისა და ოპოზიციის მიერ იქნება მიღწეული - აშშ-ის სახელმწიფო დეპარტამენტის ევროპისა და ევრაზიის ბიურო

17 აპრილი, 2021 , 13:07

ქართველი ხალხი იმსახურებს კომპრომისს, რომელიც ორივეს, მთავრობისა და ოპოზიციის მიერ იქნება მიღწეული, – ამის შესახებ აშშ-ის სახელმწიფო დეპარტამენტის ევროპისა და ევრაზიის ბიურო სოციალურ ქსელ „ტვიტერში“ წერ

„ქართულმა ოცნებამ“ კრისტიან დანიელსონის მიერ წარდგენილ დოკუმენტს ხელი მოაწერა

17 აპრილი, 2021 , 12:00

„ქართულმა ოცნებამ“ ევროკავშირისა და ევროპული საბჭოს პრეზიდენტის შარლ მიშელის ეგიდით შექმნილ დოკუმენტს, რომელიც მიშელის სპეციალურმა წარმომადგენელმა საქართველოში კრისტიან დანიელსონმა წარადგინა, ხელი მოაწერ

გიორგი გახარია კელი დეგნანს შეხვდა

16 აპრილი, 2021 , 22:05

ექსპრემიერი , გიორგი გახარია საქართველოში აშშ-ის ელჩს, კელი დეგნანს შეხვდა – ინფორმაციას ტელეკომპანია “ფორმულა” ავრცელებს. შეხვედრა აშშ-ის ელჩის რეზიდენციაში შედგა, თუმცა მედიისთვის უცნობია, რის შესახებ