საზოგადოება

ხვალ რომ არჩევნები ჩატარებულიყო, გამოკითხულთა 26% „ქართულ ოცნებას“ დაუჭერდა მხარს - NDI

ეროვნულ-დემოკრატიული ინსტიტუტის (NDI) კვლევის თანახმად, ხვალ რომ საპარლამენტო არჩევნები ჩატარებულიყო, გამოკითხულთა 26% ხმას „ქართულ ოცნებას“ მისცემდა, 8% - „ერთიან ნაციონალურ მოძრაობას“, ხოლო 4% - „ევროპულ საქართველოს“. სხვა პარტია დაასახელა გამოკითხულთა 9%-მა.

აღნიშნულ კითხვაზე გამოკითხულთა 30%-მა უპასუხა, რომ არ იცის, 13%-მა კი, რომ არცერთ პარტიას არ მისცემდა ხმას.

კვლევის საველე სამუშაოები ჩატარდა 20 მარტი - 4 აპრილის პერიოდში, საქართველოს მასშტაბით (ოკუპირებული ტერიტორიების გამოკლებით), 2,194 პირისპირ ინტერვიუს წარმომადგელობითი შერჩევის საფუძველზე (გამოპასუხება 46%). კვლევა პირისპირ ინტერვიუს სახით ჩატარდა და მისი ცდომილება 2,2 პროცენტია. კვლევა დიდი ბრიტანეთის მთავრობის UK aid-ის ფინანსური ხელშეწყობით ჩატარდა, საველე სამუშაოები კი CRRC-საქართველომ შეასრულა