პოლიტიკა
ხვალ საქართველოს თავდაცვის და უსაფრთხოების რიგით მე-10 კონფერენცია გაიხსნება
24-25 მაისს თბილისში, სასტუმროში „ჰოთელს & პრეფერენს ჰუალინგ თბილისი“ საქართველოს თავდაცვის სამინისტროს რიგით მე-10 „საქართველოს თავდაცვის და უსაფრთხოების კონფერენცია“ (GDSC) გაიმართება.
12:50 საათზე კონფერენცია გაერთიანებული სამეფოს ჯარის, უელსის დედოფლის სამეფო პოლკის პარაშუტისტების მხტომელთა “The Tigers” ჩვენებით დაიწყება.
13:15 საათზე „საქართველოს თავდაცვის და უსაფრთხოების კონფერენცია“ ოფიციალურად გაიხსნება. კონფერენციაში მონაწილე სტუმრებს სიტყვით მიმართავენ - საქართველოს თავდაცვის მინისტრი თინათინ ხიდაშელი, აშშ-ის ატლანტიკური საბჭოს აღმასრულებელი ვიცე-პრეზიდენტი დეიმონ უილსონი და საქართველოს პრემიერ-მინისტრი გიორგი კვირიკაშვილი.
13:30 საათიდან კონფერენციის ფარგლებში დაიწყება პლენარული სესიები.
16:25 საათზე გაიმართება საქართველოს თავდაცვის მინისტრის თინათინ ხიდაშელისა და ნატოს ევროპული ძალების უმაღლესი მთავარსარდლის მოადგილის, გენერალ სერ ადრიან ბრედშოუს ერთობლივი პრესკონფერენცია;
18:55 საათზე კი საქართველოს თავდაცვის მინისტრის თინათინ ხიდაშელისა და აშშ-ის არმიის ევროპული ჯარების სარდლის, გენერალ-ლეიტენანტ ბენ ჰოჯესის ერთობლივი პრესკონფერენცია ჩატარდება.