უკან

უახლესი ამბები

დღის კალენდარი

ანონსები

არქივი

საზოგადოება

12 ოქტომბერი, 2019 10:25
font-size

კიდევ ერთი ნაბიჯი ისრაელისკენ - ვაჟა-ფშაველა ებრაულ ენაზე

ივანე ჯავახიშვილის თბილისის სახელმწიფო უნივერსიტეტში ებრაულ ენაზე გამოცემული, გენიალური ვაჟა-ფშაველას „ალუდა ქეთელაურის“ პრეზენტაცია გაიმართა. პოემა პროფესორმა მამუკა ბუცხრიკიძემ თარგმნა. წიგნი ისრაელელი გამომცემლის იტაი ბახურისა და ხედვა როკახის რედაქციით, მისივე გამომცემლობაში დაიბეჭდა.

პრეზენტაციას ესწრებოდნენ უნივერსიტეტის აკადემიური პერსონალი, საქართველო-ისრაელის ბიზნესპალატისა და ისრაელის სახლის ხელმძღვანელი იციკ მოშე, მწერალთა კავშირის ხელმძღვანელობა, ებრაული თემის წარმომადგენლები. ღონისძიებას აღმოსავლეთმცოდნე თამარ მახარაშვილი უძღვებოდა.

მთარგმნელი პოემაზე წლინახევრის განმავლობაში მუშაობდა. გამოცემის წინასიტყვაობაში მოკლედ მოთხრობილია პოემის შინაარსი და ხაზგასმულია, რომ ნაწარმოები ქართული პოეზიის შედევრია, ხოლო მისი ავტორი - ვაჟა -ფშაველა - დიდი ქართველი პოეტი. მისი ესთეტიკა ემყარება საქართველოს მთის ფოლკლორს, ხოლო ენა არის ლაკონური და მრავლისმთქმელი.

წინასიტყვაობაში, აგრეთვე, ნათქვამია, რომ „ალუდა ქეთელაურს“ ებრაულენოვანი მკითხველისთვის განსაკუთრებული მნიშვნელობა აქვს. როგორც მცირერიცხოვანი ერის, მდიდარი კულტურისა და ენის შვილებისთვის, ებრაულად მკითხველებს წარედგინათ ნაწარმოები, რომელიც ეძღვნება ძალადობრივ რეალობაში ადამიანურობის შენარჩუნებას, ომისშემდგომი ტრავმების დაძლევას. მასში მოთხრობილია, აგრეთვე, ინდივიდის დამოუკიდებელი აზროვნებისა და მსოფლმხედველობის ბრძოლის შესახებ კონსერვატიულ, სოციალურ, რელიგიურ და ტომობრივ გარემოში.

გამოცემა შეფასებულია, როგორც ორი მაღალი კულტურის გაცნობის ახალი ეტაპი.

პრეზენტაციის მონაწილეებს სიტყვით მიმართეს პოემის მთარგმნელმა მამუკა ბუცხრიკიძემ, იტაი ბახურმა და ხედვა როკაჰმა.

„ალუდა ქეთელაურის“ ებრაულად გამოცემას მიესალმა „ისრაელის სახლი“, რომელიც საქართველო-ისრაელის მაღალი დონის კულტურული ურთიერთობების აქტიური მხარდამჭერია.

„ისრაელის სახლის“ ხელმძღვანელის იციკ მოშეს განცხადებით, ისრაელსა და საქართველოს შორის სახელმწიფოებრივი ურთიერთობებისთვის უმნიშვნელოვანესი წინაპირობაა, ქვეყნებს შორის არსებობდეს კულტურული კავშირები. ქართული ლიტერატურის კლასიკოსის ნაწარმოების ებრაულად თარგმნა მაღალი კულტურის გაცნობის მაგალითია და კარგი იქნება თუ ქართული საზოგადოებაც ასევე გაიცნობს ისრაელის ლიტერატურის ნიმუშებს. განსაკუთრებული ყურადღება უნდა დაეთმოს, აგრეთვე, ახალგაზრდობას, რომელიც ქვეყნებს აზიარებს ერთმანეთის მაღალ კულტურას.

„თუ ჩვენ გავაგრძელებთ საქართველოსთვის ნამდვილი ისრაელის გაცნობას და პირიქით, მჯერა, ჩვენი ხალხების მომავალი თაობა ერთმანეთთან უფრო გასაგებ ენაზე ილაპარაკებს და, შესაბამისად, უფრო წარმატებულიც იქნება სახელმწიფოებრივი ურთიერთობები“, - აღნიშნა იციკ მოშემ და დასძინა, რომ სწორედ ამ მიზანს ემსახურება ის, რომ "ისრაელის სახლის" ინიციატივით საქართველოს რამდენიმე უნივერსიტეტში ისწავლება ჰოლოკოსტის კურსი, პარლამენტის ეროვნულ ბიბლიოთეკაში გაიხსნა ებრაული ბიბლიოთეკა, ხოლო ისრაელის თემატიკაზე გამოცხადებულ კონკურსში გამარჯვებული სტუდენტები მიემგზავრებიან ისრაელში ქვეყნის გაცნობის მიზნით.

იციკ მოშე მიიჩნევს, რომ ეს არის ერთადერთი სწორი ფორმატი, რომელიც უზრუნველყოფს ქართული საზოგადოების პირდაპირ ურთიერთობას სრულიად ისრაელის საზოგადოებასთან. ეს კი სახელმწიფოთა შორის ხარისხიანი კავშირის საწინდარია.

არც პრინციპებს ვიცვლი და არც პირობებს - ეკა ბესელია

16 ნოემბერი, 2019 , 16:10

დამოუკიდებელი დეპუტატი, ეკა ბესელია ბოლო დროს ქვეყანაში განვითარებულ მოვლენებს სოციალური ქსელით ეხმაურება. როგორც მან სოციალურ ქსელში დაწერა, ფეისბუქ მეგობრებიდან შლის იმ ადამიანებს, ვინც ვერ გაიგო, რომ ის ხალხთან დგას დ

კუნძულ კვიპროსზე ნაეკლესიარი აღმოაჩინეს, რომელიც ქართველი ბერების მოღვაწეობას უკავშირდება

16 ნოემბერი, 2019 , 14:41

ივანე ჯავახიშვილის სახელობის თბილისის სახელმწიფო უნივერსიტეტის არქეოლოგიურმა ექსპედიციამ სტუდენტების მონაწილეობით, კუნძულ კვიპროსზე, სოფელ სოფტადესში ნაეკლესიარი აღმოაჩინა, რომელიც ქართველი ბერების კუნძულ კვიპროსზე მოღვა

მთავრობამ მიწის ნაკვეთებზე საკუთრების უფლების რეგისტრაციის პროცედურის გამარტივების მიზნით, პარლამენტს საკანონმდებლო ცვლილებები წარუდგინა

16 ნოემბერი, 2019 , 14:10

საქართველოს მთავრობამ მიწის ნაკვეთებზე საკუთრების უფლების რეგისტრაციის პროცედურის გამარტივების მიზნით, პარლამენტს საკანონმდებლო ცვლილებები წარუდგინა. ცვლილებები „სახელმწიფო პროექტის ფარგლებში მიწის ნაკვეთებზე უფლებ

„გრცხვენოდეთ”, “მონებო“ - აქციის მონაწილეებმა საპარლამენტო უმრავლესობის წევრები „ქართული ოცნების“ ოფისიდან შეძახილებით გააცილეს

16 ნოემბერი, 2019 , 13:36

„ქართული ოცნების“ ოფისთან ხმაური და დაპირისპირება გრძელდება. სხდომის დასრულების შემდეგ შენობიდან გამოსულ დეპუტატებს აქციის მონაწილეები შეძახილებით შეხვდნენ. შეხლა-შემოხლა მას შემდეგ დაიწყო, რაც „ქართული

“ქართული ოცნების“ ოფისთან სამართალდამცველებსა და აქციის მონაწილეებს შორის დაპირისპირება მოხდა

16 ნოემბერი, 2019 , 13:29

„ქართული ოცნების“ ცენტრალურ ოფისთან, სადაც საპარლამენტო უმრავლესობის სხდომა მიმდინარეობდა, ხმაური და დაპირისპირება მოხდა. აქციის მონაწილეები „ქართული ოცნების“ ოფისის ორივე შესასვლელთან იყვნენ განლ

შემოსავლების სამსახურს, თავისი საბაჟოთი, არც ერთი შეცდომა არ ეპატიება, ლიმიტი დამთავრდა -გიორგი გახარია

16 ნოემბერი, 2019 , 13:20

უახლოესი 10-15 წლის განმავლობაში სამუშაო ადგილები, განათლება და უსაფრთხოება იქნება ყველას გამოწვევა; ამ ყველაფერს სჭირდება ფინანსური სტაბილურობა და გამართული ფისკალური პოლიტიკა, - ამის შესახებ საქართველოს პრემიერ-მინისტრ