სამართალი

კიევის სააოპელაციო სასამართლომ ვიცე-პოლკოვნიკი გია ცერცვაძე წინასწარ პატიმრობაში დატოვა

კიევის სააპელაციო სასამართლომ ვიცე-პოლკოვნიკი გია ცერცვაძე წინასწარ პატიმრობაში დატოვა.

რუსთავი2-ის ინფორმაციით, სასამართლომ გადაწყვეტილება ცოტა ხნის წინ გამოაცხადა.

ტელეარხის ინფორმაციით, სასამართლო კოლეგიამ გადაწყვეტილება იმ მოტივით ახსნა, რომ პირველმა ინსტანციამ შესაბამისი დოკუმენტაცია სააპელაციო სასამართლოში დაგვიანებით გადაგზავნა.

სააპელაციო სასამართლომ კიევის საქალაქო სასამართლოს იმ გადაწყვეტილებაზე იმსჯელა, რომლის მიხედვით, გია ცერცვაძეს 40- დღიანი წინასწარი პატიმრობა ჰქონდა შეფარდებული.

გია ცერცვაძის განაჩენს მისი მეუღლე და თანამებრძოლები სააპელაციო სასამართლოსთან ელოდებოდნენ. სასამართლოში იმყოფებოდნენ, ასევე უკრაინელი სამხედროებიც. გარდა ამისა, სასამართლო პროცესს კიევსა და დონეცკში საქართველოს კონსულები ესწრებოდნენ.

ვიცე-პოლკოვნიკი გია ცერცვაძე, 15 იანვარს უკრაინის აეროპორტში, ინტერპოლის მოთხოვნის საფუძველზე დააკავეს.

საერთაშორისო უწყებას, თავის მხრივ, 2016 წლის 23 დეკემბერს რუსეთის ფედერაციამ მიმართა.

რუსეთი ცერცვაძეს 2003 წელს, ქალაქ სოჭში მომხდარ განზრახ მკვლელობასა და მკვლელობის მცდელობაში სდებს ბრალს.

მონიკა დავლიანიძე