უკან

უახლესი ამბები

დღის კალენდარი

ანონსები

არქივი

პოლიტიკა

14 ივნისი, 2018 14:30
font-size

კითხვის ნიშნები არ გაჩნდება, თუ პასუხისმგებლობას ბიძინა ივანიშვილი აიღებს - გიორგი აბაშიშვილი

პრეზიდენტის ადმინისტრაციის ხელმძღვანელმა გიორგი აბაშიშვილმა პრემიერ-მინისტრის გადადგომაზე კომენტირებისას მადლობა გადაუხადა გიორგი კვირიკაშვილს გაწეული სამუშაოსთვის და აღნიშნა, რომ მასთან მუშაობა კომფორტული იყო განსხვავებული პოზიციების მიუხედავად.

აბაშიშვილის შეფასებით, პარლამენტის თავმჯდომარე პრემიერის გადადგომას გულგრილად გამოეხმაურა.

„გუნდში არ აღმოჩნდა ადამიანი, რომელმაც გაბედა და მადლობა გადაუხადა პრემიერ კვირიკაშვილს. დღეს პრეზიდენტმა აღნიშნა, რომ მას მოუწია რამდენიმე თანამდებობის პირთან მუშაობა და მეც მქონდა პატივი, ამ პროცესის მონაწილე ვყოფილიყავი მასთან ერთად; მიუხედავად განსხვავებული პოზიციისა, გიორგი კვირიკაშვილი იყო უმაღლესი თანამდებობის ის პირი, ის პრემიერი, რომელთანაც კომფორტული იყო მუშაობა. მინდა მადლობა გადავუხადო ბატონ პრემიერს ამისთვის.

დღეს კიდევ ერთი საინტერესო ფაქტი ვნახეთ, გამოვიდა პარლამენტის თავმჯდომარე, უმაღლესი თანამდებობის პირი, რომელმაც პრემიერის გადადგომას ფაქტობრივად მისცა შეფასება, თითქოს არც არაფერი მომხდარა, თითქოს პრემიერი არც ყოფილა საერთოდ და შეაფასა ისე, რომ პრემიერები მიდიან-მოდიან, თითქოს ამ ქვეყანაში არაფერი ხდება და პრემიერი მნიშვნელოვანი არ არის. ყველაზე მსუბუქად რომ ვთქვათ, ეს იყო პარლამენტის თავმჯდომარის ძალიან სამწუხარო შეფასება“, - აღნიშნა აბაშიშვილმა.

პრეზიდენტის ადმინისტრაციის ხელმძრვანელის თქმით, პრემიერის პოსტი „ქართული ოცნების“ თავმჯდომარემ ბიძინა ივანიშვილმა უნდა დაიკავოს.

„სიმბოლურია, რომ დღეს ვიყავით კონფერენციაზე, რომელსაც ჰქვია „საქართველოს ევროპული გზა“, თუმცა ძალიან დაგვაშორებს ევროპისგან ბუნდოვანი გადაწყვეტილებები. ამიტომ დიდი დაფიქრებაა საჭირო, რაზეც პრეზიდენტმა ისაუბრა, ევროპული გზა არის ის, ვინც რეალურად მართავს პროცესს პარტიის თავმჯდომარის რანგში, მოდიან ხელმძღვანელ პოზიციაზე - პრემიერ-მინისტრებად. მნიშვნელოვანია, რომ ბიძინა ივანიშვილი მოვიდეს პრემიერ-მინისტრად და რეალურად აიღოს ის ძალაუფლება, რომელიც როგორც ჩანს, ისედაც აქვს, რადგან ამაზე ყოფილმა პრემიერმაც ისაუბრა, რომ ის თანამდებობიდან პარტიის თავმჯდომარემ გადააყენა. მნიშვნელოვანია ამ ყველაფერს მიეცეს შესაბამისი პოლიტიკური მართლაც ევროპული შეფასება. ეს არის ერთადერთი გამოსავალი. ჩვენ ან უნდა მოვიგონოთ ადამიანი, რომელიც პირობითად პრემიერ-მინისტრი იქნება, ან პრემიერ-მინისტრი უნდა იყოს პოლიტიკური პარტია „ქართული ოცნების“ თავმჯდომარე. თუ ჩვენ ახალ პრემიერ-მინისტრს მოვიგონებთ, ეს იქნება მასკარადი და აბსურდის თეატრი, რომელშიც კიდევ ერთხელ უნდა დავტრიალდეთ. მასკარადი უნდა დამთავრდეს“, - თქვა აბაშიშვილმა.

აბაშიშვილმა განაცხადა, რომ პროცესები ბუნდოვანია, რადგან არ ისმება კითხვა, თუ რა მოხდა და რა გახდა პრემიერის გადადგომის კონკრეტული მიზეზი.

„კომიკური ფაქტი ისაა, რომ თითქოს ავიწყდებათ პრემიერი რომ კვირიკაშვილი იყო, პარალელურად კი აცხადებენ, რომ ქვეყანა ვითარდება, ეკონომიკური პრობლემები და სხვა პრობლემები თითქოს არ არსებობს. კითხვის ნიშანს არავინ სვამს - თუ ქვეყანაში ყველაფერი კარგად არის, პრემიერ-მინისტრი რატომ მოხსნეს? ვინ იღებს გადაწყვეტილებას პრემიერ-მინისტრის მოხსნაზე და რა არის რეალური მიზეზი მისი მოხსნის? გარდა ამისა, ყველას ახსოვს პრემიერ კვირიკაშვილის განცხადება, რომ ის არსად აპირებდა წასვლას მრავალი წელი. ის იყო მყარად დარწმუნებული თავის პოზიციაში. სამწუხაროა, რომ არ ისმება კითხვა - რა მოხდა?!“- აღნიშნა აბაშიშვილმა.

მისი თქმით, „კითხვის ნიშნები არ გაჩნდება, თუ პასუხისმგებლობას ბიძინა ივანიშვილი აიღებს. სხვა შემთხვევაში უამრავი კითხვა, თუ შეფასება გაჩნდება ევროპელი პარტნიორების მხრიდან“.

გუშინ გიორგი კვირიკაშვილმა პრემიერის პოსტი დატოვა, რაც ავტომატურად ნიშნავს მთავრობის გადადგომას.

აშშ-ს თავდაცვის ავტორიზაციის აქტის პროექტის სენატის ვერსიაში საქართველო აშშ-ს მოკავშირედ და პარტნიორად არის განხილული

21 ივნისი, 2018 , 12:40

ივნისს, აშშ-ის სენატმა 2019 ფისკალური წლის აშშ-ს თავდაცვის ავტორიზაციის აქტის (NDAA) კანონპროექტის საკუთარი ვერსია დაამტკიცა, რომელიც განსაზღვრავს 2019 ფისკალური წლისათვის აშშ-ს თავდაცვის დეპარტამენტის პოლიტიკასა და ბიუჯ

ჟენევის მოლაპარაკებებზე რუსეთმა და საოკუპაციო რეჟიმმა კვლავ მოახდინეს ჰუმანიტარული თემების პოლიტიზირება და დევნილთა საკითხის განხილვისას დატოვეს მოლაპარაკებები - საგარეო უწყება

21 ივნისი, 2018 , 11:40

საქართველოს საგარეო საქმეთა სამინისტროს ინფორმაციით, ჟენევის საერთაშორისო მოლაპარაკებების 44-ე რაუნდზე აქცენტი გაკეთდა ევროკავშირის სადამკვირვებლო მისიის საქართველოს ოკუპირებულ ტერიტორიებზე წვდომის აუცილებლობაზე. საგარეო

გიორგი მარგველაშვილი ესტონეთის რესპუბლიკის დამოუკიდებლობის 100 წლისთავის აღსანიშნავ ღონისძიებებს დაესწრება

21 ივნისი, 2018 , 11:40

პრეზიდენტი და პირველი ლედი, ესტონეთის პრეზიდენტის მიწვევით, ესტონეთის რესპუბლიკის დამოუკიდებლობის 100 წლისთავის აღსანიშნავ ღონისძიებებში მიიღებენ მონაწილეობას. პრეზიდენტის ადმინისტრაციის ცნობით, გიორგი მარგველაშვილი ტალი

ყველა ის მასწავლებელი, ვინც გარედაკვირვების ფორმატში კომპეტენცია დაადასტურა, შეიცვლის სტატუსს და მოემატება ხელფასი - მამუკა ბახტაძე

20 ივნისი, 2018 , 17:29

პრემიერ-მინისტრობის კანდიდატმა, მამუკა ბახტაძემ პედაგოგებზე საუბრისას განაცხადა, რომ ახალი სასწავლო წლიდან დამატებით 7 ათასზე მეტი მასწავლებელი დაიწყებს ახალი სტატუსით საქმიანობას და მათი საერთო რაოდენობა გადააჭარბებს 25

თქვენ მეორედ კლავთ ჩემს შვილს და ამის უფლებას არ მოგცემთ, თუნდაც სიცოცხლის ფასად დამიჯდეს - ზაზა სარალიძე თეა წულუკიანს

20 ივნისი, 2018 , 16:50

ხორავას ქუჩაზე მოკლული დავით სარალიძის მამა, ზაზა სარალიძე გამოეხმაურა იუსტიციის მინისტრობის კანდიდატის, თეა წულუკიანის განცხადებას, რომ საქმეზე გამოძიება თავიდან არ დაწყებულა. „კარგია, როდესაც აღიარებთ შეცდომებს,

გიორგი მარგველაშვილი საქართველოში ვიზიტით მყოფ ეუთოს ელჩებს შეხვდა

20 ივნისი, 2018 , 16:05

საქართველოს პრეზიდენტი გიორგი მარგველაშვილი საქართველოში ვიზიტით მყოფ ევროპის უსაფრთხოებისა და თანამშრომლობის ორგანიზაციის - ეუთოს ელჩებს შეხვდა. შეხვედრაზე, რომელსაც ესწრებოდნენ საგარეო საქმეთა მინისტრის მოადგილე ვახტან

ვიდეო გალერეა

სისხლში მოსვრილი ბიჭები ხორავას ქუჩიდან