უკან

უახლესი ამბები

დღის კალენდარი

ანონსები

არქივი

ეკონომიკა

29 ნოემბერი, 2018 16:25
font-size

კობა გვენეტაძე BSTDB-ის პრეზიდენტს დიმიტრი პანკინს შეხვდა

დღეს, საქართველოს ეროვნულ ბანკს ეწვია შავი ზღვის ვაჭრობისა და განვითარების ბანკის (BSTDB) დელეგაცია, ბანკის პრეზიდენტის, დიმიტრი პანკინის ხელმძღვანელობით.

საქართველოს ეროვნული ბანკის პრეზიდენტის, კობა გვენეტაძისა და შავი ზღვის ვაჭრობისა და განვითარების ბანკის (BSTDB) პრეზიდენტის, დიმიტრი პანკინის შეხვედრაზე საუბარი შეეხო საქართველოსა და BSTDB-ის შორის თანამშრომლობის პერსპექტივებს. მხარეებმა შავი ზღვის ვაჭრობისა და განვითარების ბანკის 2019-2021 წლების სტრატეგია განიხილეს.

საქართველოს ეროვნული ბანკი, საქართველოს მთავრობასთან ერთად, მჭიდროდ თანამშრომლობს შავი ზღვის ვაჭრობისა და განვითარების ბანკთან (BSTDB), რომელიც მონაწილეობს არაერთი მნიშვნელოვანი კერძო და სახელმწიფო პროექტების დაფინანსებასა და განხორციელებაში.

საქართველოს ეროვნული ბანკის ინფორმაციით, ბოლო პერიოდში, ბანკი სულ უფრო მეტად ზრდის დაფინანსების მასშტაბებს ექსპორტის, ინფრასტრუქტურის და ენერგო ეფექტურობის მიმართულებებით და ამას, ძირითადად, საქართველოს საბანკო სექტორის მეშვეობით ახორციელებს. აღნიშნული პროექტების დაფინანსება მნიშვნელოვანია საქართველოს ეკონომიკის სტრუქტურული გარდაქმნისა და საწარმოო პოტენციალის ამაღლებისათვის. ამასთან, შავი ზღვის ვაჭრობისა და განვითარების ბანკი განსაკუთრებულ ყურადღებას უთმობს მცირე და საშუალო ბიზნესის დაფინანსებას, რაც ასევე მნიშვნელოვანია ქეყანაში ფინანსებზე ხელმისაწვდომობის გაზრდის თვალსაზრისით.

"საქართველოს ეროვნული ბანკი მიესალმება შავი ზღვის ვაჭრობისა და განვითარების ბანკის საქმიანობას საქართველოში, რომელიც მომავალშიც გაგრძელდება. აღსანიშნავია ბანკის მიერ გამოშვებული ლარის ობლიგაციები, რომელიც ერთი მხრივ, ეხმარება ადგილობრივი კაპიტალის ბაზრის განვითარებას და, მეორე მხრივ, შესაძლებელს ხდის მცირე და საშუალო ბიზნესზე ადგილობრივი ვალუტის სესხების გაცემას. ეს უკანასკნელი ბიზნესს უცხოური ვალუტის სესხთან დაკავშირებული გაცვლითი კურსის რისკების არიდების საშუალებას აძლევს, რაც ფინანსურ სტაბილურობასაც უწყობს ხელს", - განაცხადა შეხვედრის დასასრულს კობა გვენეტაძემ.

"საქართველო ძალიან მნიშვნელოვანი ქვეყანაა ჩვენთვის. BSTDB-ის მთლიანი სესხების პორთფელის 8%-ზე მეტი გვაქვს საქართველოში. ეს ძალიან მნიშვნელოვანი რიცხვია. ჩვენი მიმდინარე სესხების პორტფელი 110 მილიონ ევროზე მეტია. საქართველო ძალიან მიმზიდველია ინვესტორებისთვის. ჩვენ ძირითადად ფინანსურ სექტორთან ვთანამშრომლობთ. ფინანსური სექტორი საქართველოში არის ძლიერი, კარგად კაპიტალიზებული და გამართული საზედამხედველო მიდგომებით. 2018 წელს ჩვენ გამოვუშვით ლარით დენომინირებული ობლიგაციები და უზრუნველვყავით საქართველოში კომერციული ბანკებისთვის ლარით დაფინანსება. მომავალ წლებში ვგეგმავთ არა მარტო ფინანსურ სექტორთან თანამშრომლობას, არამედ განვახორციელებთ ბევრ საინტერესო პროექტს ტურიზმისა და ინფრასტრუქტურის მიმართულებით", - აღნიშნა BSTDB-ის პრეზიდენტმა, დიმიტრი პანკინმა.

შეხვედრას დაესწრო ფინანსთა მინისტრის მოადგილე ნიკოლოზ გაგუა.

შავი ზღვის ვაჭრობისა და განვითარების ბანკი (BSTDB) საერთაშორისო საფინანსო ინსტიტუტია, რომელიც 1997 წელს დაფუძნდა. ბანკის წევრები არიან ალბანეთი, სომხეთი, აზერბაიჯანი, ბულგარეთი, საქართველო, საბერძნეთი, მოლდოვა, რუმინეთი, რუსეთი, თურქეთი და უკრაინა. BSTDB ხელს უწყობს მისი წევრი ქვეყნების ეკონომიკურ განვითარებასა და რეგიონალურ თანამშრომლობას როგორც სესხების, საკრედიტო ხაზების, კაპიტალისა და გარანტიების მიწოდების, ისე საერთაშორისო სავაჭრო ოპერაციების დაფინანსების გზით, წევრი ქვეყნების სახელმწიფო და კერძო სექტორში. ბანკის გაცხადებული კაპიტალი 3.45 მილიარდ ევროს შეადგენს.

პროგნოზის თანახმად, COVID-19 -ის გამო საქართველოში ეკონომიკური ზრდა მკვეთრად შენელდება

9 აპრილი, 2020 , 12:20

ევროპისა და ცენტრალური აზიის რეგიონისთვის მსოფლიო ბანკის მიერ მომზადებული ეკონომიკური ბიულეტენის 2020 წლის გაზაფხულის გამოცემის თანახმად, COVID-19-ის (კორონავირუსის) პანდემიის ზემოქმედების შესარბილებლად უმნიშვნელოვანესია

ADB-ის პრეზიდენტმა და გიორგი გახარიამ კოვიდ-19-ის საპასუხო დახმარების პაკეტი განიხილეს

9 აპრილი, 2020 , 11:50

აზიის განვითარების ბანკის (ADB) პრეზიდენტმა მასაცუგუ ასაკავამ და საქართველოს პრემიერ-მინისტრმა გიორგი გახარიამ სატელეფონო საუბრისას ახალი კორონავირუსის (კოვიდ-19) პანდემიის წინააღმდეგ ADB-ის მხარდამჭერი პაკეტის შესახებ ი

პრემიერ-მინისტრის გადაწყვეტილებით, ეკონომიკური კრიზისიდან გამოსვლის გეგმის შემუშავებაში ანალიტიკური და კვლევითი ორგანიზაციების წარმომადგენლები ჩაერთვებიან

8 აპრილი, 2020 , 18:36

საქართველოს მთავრობის ეკონომიკური გუნდი, ქვეყნის ეკონომიკური კრიზისიდან გამოსვლის გეგმაზე ანალიტიკური და კვლევითი ორგანიზაციების წარმომადგენლებთან ერთად იმუშავებს, - აღნიშნული გადაწყვეტილება პრემიერ-მინისტრმა გიორგი გახა

ეროვნული ბანკმა ანგარიშვალდებული კომპანიებისთვის 2019 წლის ანგარიშის წარდგენის ვადა გაახანგრძლივა

8 აპრილი, 2020 , 17:05

COVID-19 ვირუსის გავრცელების შედეგად ქვეყანაში შექმნილი ვითარების გათვალისწინებით, ანგარიშვალდებული კომპანიებისთვის 2019 წლის წლიური ანგარიშის წარდგენის ვადა 45 დღით გახანგრძლივდება. შესაბამისად, აღნიშნული სუბიექტები აუდ

კომპანიების საქმიანობის გაგრძელებისთვის საჭირო გადამოწმების პროცესი გეგმაზომიერად, წარმატებით მიმდინარეობს - ნათია თურნავა

8 აპრილი, 2020 , 15:50

„გეგმაზომიერად და ძალიან წარმატებით მიმდინარეობს ბიზნესის ახალ წესებთან ადაპტაციის პროცესი - 6 და 7 აპრილის განმავლობაში ეკონომიკისა და ჯანდაცვის სამინისტროს უწყებების გაერთიანებული ძალებით მთელი საქართველოს მასშტა

ჩვენ დავეხმარებით და გვერდში დავუდგებთ არა რომელიმე კომპანიას, არამედ ადგილობრივი წარმოების განვითარებას - ნათია თურნავა

8 აპრილი, 2020 , 15:50

მთავრობამ გადაწყვიტა, დაეხმაროს და გვერდში დაუდგეს არა მაინცდამაინც რომელიმე კონკრეტულ კომპანიას, არამედ შაქრის ადგილობრივ წარმოებას, - ამის შესახებ ეკონომიკისა და მდგრადი განვითარების მინისტრმა ნათია თურნავამ მთავრობის

პირდაპირი TV

daily calendar

ვიდეო გალერეა

ზაზა ოქუაშვილის პირდაპირი ჩართვა გადაცემაში `რეაქცია`