უკან

უახლესი ამბები

დღის კალენდარი

ანონსები

არქივი

ეკონომიკა

30 მარტი, 2017 18:05
font-size

კობა გვენეტაძემ ახალგაზრდა თაობასთან ერთად ფინანსური განათლების თემებზე იმსჯელა

საქართველოს ეროვნული ბანკის ორგანიზებითა და მოსწავლე ახალგაზრდობის ეროვნული სასახლის, წმ. გიორგის სახელობის ბრიტანულ-ქართული სკოლის, კომერციული ბანკების, ტექნოპარკის, სკოლებისა და უნივერსიტეტების ჩართულობით გლობალური ფულის კვირეული საქართველოში წელს უკვე მეოთხედ აღინიშნება.

საქართველოს ეროვნული ბანკის ინფორმაციით, გლობალური ფულის კვირეული მსოფლიოს მრავალ ქვეყანაში ყოველწლიურად, მარტის თვეში იმართება, და მისი მთავარი მიზანია ხელი შეუწყოს ახალგაზრდა თაობაში ფინანსური, ეკონომიკური და სამეწარმეო ცოდნის ამაღლებას. კვირეულის ფარგლებში, ბავშვები და ახალგაზრდები ერთვებიან ფინანსების, ბავშვთა უფლებებისა და მეწარმეობის საკითხების შესახებ საუბარში. წლევანდელი კვირეულის გზავნილია: "ისწავლე. დაზოგე. გამოიმუშავე."

დღეს, საქართველოს ეროვნული ბანკის პრეზიდენტმა კობა გვენეტაძემ, გლობალური ფულის კვირეულის ფარგლებში, მოსწავლე ახალგაზრდობის სასახლის და ბრიტანულ-ქართული სკოლის უფროსკლასელებს ეროვნული ბანკის საკასო ცენტრში უმასპინძლა.

ახალგაზრდებმა საკაო ცენტრის დაათვალიერეს და ეროვნული ბანკის პრეზიდენტთან ერთად ფინანსური განათლებისა და ჩართულობის საკითხებზე იმსჯელეს. ამას გარდა, მათ გადაეცათ სამახსოვრო პრიზები, მათ შორის, ეროვნული ბანკის ჩართულობით "ფინკა ბანკის" მიერ განვითარებული ბროშურა "გლობალური ფულის კვირეულის" შესახებ.

"გლობალური ფულის კვირეულის მასშტაბი ყოველწლიურად იზრდება და ამ განვითარებას საქართველოც უწყობს ფეხს. 2016 წელს, გლობალური ფულის კვირეული მსოფლიოს მასშტაბით 132 ქვეყნის 14 000–მდე ორგანიზაციამ აღნიშნა. სხვადასხვა სახის ღონისძიებაში, მთლიანობაში, შვიდ მილიონზე მეტი ბავშვი და ახალგაზრდა ჩაერთო. წელს საკმაოდ დატვირთული კვირეული გვაქვს რამდენადაც მონაწილეობას იღებს მეტი დაინტერესებული მხარე და ბავშვი.

ნებისმიერი ის შეხვედრა, რომელიც ფინანსურ განათლებასთან არის დაკავშირებული ვფიქრობ მნიშვნელოვანია. ჩვენ გუშინ გვქონდა ფინანსური განათლების კომიტეტის პირველი სხდომა, რომელზეც განვიხილეთ პრიორიტეტული მიმართულებები. კომიტეტში ჩართულნი არიან საქართველოს მთავრობის, პრეზიდენტის ადმინისტრაციის, ასევე კომერციული ბანკების, მიკროსაფინანსო ორგანიზაციების, უმაღლესი სასწავლებლების და საერთაშორისო ორგანიზაციების წარმომადგენლები. ეს არის ის ინიციატივა, რომელმაც მომავალში აუცილებლად უნდა გაზარდოს მოსახლეობის ფინანსური განათლების დონე, რაც უფრო ადრეული ასაკიდან დაიწყება ამ საკითხებზე საუბარი ვფიქრობ, ფინანსურად მით უფრო მეტად გათვითცნობიერებული მომხმარებლები იქნებიან საქართველოში და მით უფრო სწორ გადაწყვეტილებებს მიიღებენ ისინი. ეს ყველაფერი საბოლოოდ აუცილებლად აისახება ქვეყნის ფინანსურ კეთილდღეობაზე. გლობალური ფულის კვირეული საქართველოში უკვე მეოთხედ აღინიშნება, მე თავად ვარ ჩართული, რადგან დიდ მნიშვნელობას ვანიჭებ ამ ღონისძიებებს. ვფიქრობ, რომ ბავშვებსა და ახალგაზრდებში ფინანსური განათლების გავრცელებას საკვანძო მნიშვნელობა ენიჭება. ეს ფინანსური განათლების ეროვნული სტრატეგიის ფარგლებშიც ერთ-ერთ პრიორიტეტულ მიმართულებად განიხილება.

აქვე, აღსანიშნავია, რომ ფინანსური განათლების ეროვნული სტრატეგიის განვითარებისა და ახალგაზრდა თაობის ფინანსური განათლების მიმართულებით განხორციელებული პროექტების საფუძველზე, საქართველოს ეროვნული ბანკი 2017 წლის "გლობალური ფინანსური ჩართულობის დაჯილდოების" ცერემონიალზეა მიწვეული. ღონისძიება, 3 მაისს, ბერლინში გაიმართება, სადაც ეროვნული ბანკი, სხვა ფინალისტებთან ერთად, 2017 წლის "რეგიონული პროექტის" ნომინაციაზეა წარდგენილი", - განაცხადა ეროვნული ბანკის პრეზიდენტმა კობა გვენეტაძემ.

კვირეულის ფარგლებში, საქართველოს ეროვნული ბანკის, მოსწავლე–ახალგაზრდობის ეროვნული სასახლისა და წმ. გიორგის სახელობის ბრიტანულ-ქართული სკოლის ორგანიზებით, ჩატარდა ხატვის, ფოტოგრაფიისა და ესსეების კონკურსი ბავშვებისთვის საინტერესო ფინანსურ და სამეწარმეო თემებზე. ასევე, საუკეთესო ნაშრომების შედარებით მცირეწლოვან ავტორებს საქართველოს ეროვნული ბანკი 1 აპრილს ყვარელში, ფულის მუზეუმში უმასპინძლებს, სადაც მოსწავლეები მოისმენენ ლექციას ეროვნული ბანკის ისტორიისა და ფუნქციების, კომერციული ბანკების საქმიანობის, ფულის ისტორიისა და გლობალური ფულის კვირეულის შესახებ. გარდა ამისა, მოსწავლე-ახალგაზრდობის სასახლის ბავშვები ეწვევიან ტექნოპარკს, სადაც მოისმენენ ლექციას ინოვაციების, ტექნოლოგიებისა და მეწარმეობის შესახებ, და გაეცნობიან სტარტაპების საქმიანობას, საქართველოს ეროვნული ბანკი კი ეწვევა ბიზნესისა და ტექნოლოგიების უნივერსიტეტის საბავშვო კლუბს – BTU Kids - სადაც ბავშვებს ინტერაქტიული გაკვეთილი ჩაუტარდებათ ბიუჯეტირების, საბანკო ტრანზაქციების ანალიზისა და დაზოგვის შესახებ.

წლევანდელი გლობალური ფულის კვირეულის ფარგლებში, კომერციულმა ბანკებმა - "ფინკა ბანკმა", "საქართველოს ბანკმა" და "თიბისი ბანკმა" არაერთი სახალისო-შემეცნებითი პროექტი განახორციელეს, ბიზნესისა და ტექნოლოგიების უნივერსიტეტმა და ილიას სახელმწიფო უნივერსიტეტის ბიზნეს-ინკუბატორმა კი ბავშვებს სხვადასხვა საგანმანათლებლო აქტივობა შესთავაზეს.

არის თუ არა თამბაქოს კონტრაბანდის მიზეზი სააქციზო პოლიტიკა? - ინდუსტრია მთავრობას მიმართავს

6 ივნისი, 2020 , 17:44

თამბაქოს ინდუსტრია სააქციზო პოლიტიკის გადახედვის საჭიროებას აყენებს დღის წესრიგში. ბოლო პერიოდში თამბაქოზე აქციზის განაკვეთის ზრდის პარალელურად გააქტიურდა მეზობელი ქვეყნებიდან საქართველოში კონტრაბანდული გზით თამბაქოს შემ

`საინვესტიციო ფონდების შესახებ` კანონპროექტის საჯარო განხილვა გაიმართა

5 ივნისი, 2020 , 17:15

ბიზნესისა და ეკონომიკის ცენტრისა (BEC) და საქართველოს პარლამენტის საფინანსო-საბიუჯეტო კომიტეტის ორგანიზებით, საქართველოს ეკონომიკისა და მდგრადი განვითარების სამინისტროსთან და საქართველოს ეროვნულ ბანკთან თანამშრომლობით, "

საქართველო-ისრაელის ბიზნესპალატა ისრაელის უმსხვილეს ბიზნესგაერთიანებასთან თანამშრომლობას აღრმავებს

5 ივნისი, 2020 , 17:00

საქართველო-ისრაელის ბიზნესპალატა და ისრაელის უმსხვილესი ბიზნესგაერთიანება Lahav თანამშრომლობის ახალ ფორმატზე შეთანხმდნენ. საქართველო-ისრაელის ბიზნესპალატაში აცხადებენ, რომ Lahav-თან პარტნიორობა საუკეთესო პლატფორმაა ისრაე

დღეის მდგომარეობით, საფინანსო სისტემას უცხოური ვალუტის ჭარბი ლიკვიდობა აქვს, ამავე დროს, გაზრდილია მოთხოვნა ეროვნულ ვალუტაზე - კობა გვენეტაძე

4 ივნისი, 2020 , 17:00

საქართველოს ეროვნულმა ბანკმა, საკუთარი მანდატის ფარგლებში, ეკონომიკასა და ფინანსურ სექტორზე „კოვიდ-19“-ის ზეგავლენის შერბილების მიზნით, რამდენიმე მნიშვნელოვანი ღონისძიება გაატარა, – ამის შესახებ ეროვნულ

მიმდინარე პროგნოზით, საქართველოს ეკონომიკური ზრდა მინუს 4 პროცენტი იქნება, რაც ადგილობრივი და საგარეო მოთხოვნის კლების შედეგია - კობა გვენეტაძე

4 ივნისი, 2020 , 16:40

კორონავირუსის პანდემია არა მარტო საქართველოსთვის, არამედ მთლიანად მსოფლიოსთვის გლობალურ გამოწვევად იქცა. პანდემიის შედეგები ინფლაციაზე ძირითადად რამდენიმე არხით აისახება, – ამის შესახებ ეროვნული ბანკის პრეზიდენტმა,

საერთაშორისო რეზერვების ადეკვატური დონე საგარეო შოკებისადმი ქვეყნის ეკონომიკის მდგრადობის მნიშვნელოვანი მაჩვენებელია - კობა გვენეტაძე

4 ივნისი, 2020 , 15:55

სავალუტო პოლიტიკის გატარებისას, ეროვნული ბანკი საერთაშორისო რეზერვების ადეკვატურ დონეზე შენარჩუნების ამოცანასაც ითვალისწინებდა, – ამის შესახებ ეროვნული ბანკის პრეზიდენტმა, კობა გვენეტაძემ პარლამენტის საფინანსო-საბი

პირდაპირი TV

daily calendar

ვიდეო გალერეა

ქრისტე აღსდგა!