უკან

უახლესი ამბები

დღის კალენდარი

ანონსები

არქივი

ეკონომიკა

24 აპრილი, 2018 12:15
font-size

კობა გვენეტაძემ მსოფლიო ბანკის მიერ ორგანიზებულ აღმასრულებელ ფორუმში მიიღო მონაწილეობა

საქართველოს ეროვნული ბანკის პრეზიდენტმა, კობა გვენეტაძემ ვაშინგტონში მსოფლიო ბანკის მიერ ორგანიზებულ აღმასრულებელ ფორუმში მიიღო მონაწილეობა.

საქართველოს ეროვნული ბანკის ინფორმაციით, ფორუმი საერთაშორისო სავალუტო ფონდისა და მსოფლიო ბანკის ყოველწლიური საგაზაფხულო შეხვედრის ფარგლებში იმართება და მასში მონაწილეობენ მსოფლოს სხვადასხვა ქვეყნის ეკონომიკის, საფინანსო და მარეგულირებელი სექტორების მმართველები. ღონისძიების ასამდე მონაწილეს კობა გვენეტაძემ პრეზენტაცია წარუდგინა, თემაზე - "არაკონვენციური მონეტარული პოლიტიკიდან გამოსვლის გავლენა განვითარებადი ქვეყნების მონეტარულ პოლიტიკაზე".

საქართველოს ეროვნული ბანკის პრეზიდენტმა თავის გამოსვლაში ვრცლად ისაუბრა მაღალი დოლარიზაციის ღონისძიებების, მცურავი გაცვლითი კურსის შენარჩუნებისა და ინფლაციის თარგეთირების რეჟიმის მნიშვნელობაზე. მისი თქმით, "განვითარებული ცენტრალური ბანკების და განსაკუთრებით აშშ-ის ფედერალური სარეზერვო სისტემის გამოსვლა შერბილებული მონეტარული პოლიტიკიდან სხვადასხვა არხებით გადაეცემა განვითარებად ქვეყნებს, რასაც მაღალი დოლარიზაციის მქონე ეკონომიკებისთვის, არაერთგვაროვანი ეფექტი შეიძლება ჰქონდეს. ერთი მხრივ, აშშ დოლარის გამყარება ზრდის ამ ქვეყნების კონკურენტუნარიანობას და დადებითად მოქმედებს მათ სავაჭრო და მიმდინარე ანგარიშის ბალანსებზე, თუმცა, მეორე მხრივ, მაღალი დოლარიზაციის გამო, დოლარის გამყარება ზრდის ვალის მომსახურების ღირებულებას ამ ქვეყნებში, რითაც უარყოფით გავლენას ახდენს ერთობლივ მოთხოვნაზე".

ეროვნული ბანკის პრეზიდენტმა განსაკუთრებით გაუსვა ხაზი ასეთ დროს ცენტრალური ბანკების მიერ მცურავი გაცვლითი კურსის შენარჩუნებას და ინფლაციის თარგეთირების რეჟიმის მნიშვნელობას, რაც ამგვარ შოკებთან ბრძოლის საუკეთესო გზას წარმოადგენს მოკლევადიან პერიოდში. კობა გვენეტაძემ აღნიშნა, რომ გრძელვადიან პერიოდში დედოლარიზაციის ღონისძიებების გატარება მნიშვნელოვნად შეამცირებს განვითარებული ცენტრალური ბანკების მიერ გატარებული მონეტარული პოლიტიკის შესაძლო უარყოფით ზეგავლენას საქართველოს მსგავს ქვეყნებზე.

საერთაშორისო სავალუტო ფონდისა და მსოფლიო ბანკის მმართველთა საბჭოს ყოველწლიურ საგაზაფხულო შეხვედრაში მონაწილეობის მისაღებად საქართველოს ეროვნული ბანკის პრეზიდენტი ოფიციალურ ვიზიტად ამერიკის შეერთებულ შტატებს 18 აპრილს ეწვია. სამუშაო ვიზიტის ფარგლებში, კობა გვენეტაძემ შეხვედრები გამართა საერთაშორისო სავალუტო ფონდის მმართველი დირექტორის მოადგილესთან, ტაო ჟენგთან, სსფ-ის ახლო აღმოსავლეთისა და შუა აზიის დირექტორთან ჯიჰად აზურთან, მსოფლიო ბანკის ვიცე-პრეზიდენტთან სირილ მიულერთან. ეროვნული ბანკის პრეზიდენტმა შეხვედრები გამართა ევროკომისიის დელეგაციასთან, შეხვდა ევროკომისიის ევროპული სამეზობლო პოლიტიკისა და გაფართოების საკითხებში გენერალური დირექტორატის ხელმძღვანელის მოადგილეს, კატარინა მატერნოვას. სსფ-ის მისიის ხელმძღვანელს მერსედეს ვერა-მარტინს და მისიის სხვა წევრებს. გარდა ამისა, საქართველოს ეროვნული ბანკის პრეზიდენტმა შეხვედრები გამართა სსფ-ის ფულად-საკრედიტო და კაპიტალის ბაზრების დეპარტამენტის და აშშ-ის ხაზინის წარმომადგენლებთან, რომლებზეც ეროვნული ბანკისთვის ტექნიკური დახმარების უზრუნველყოფის ფარგლებში დაგეგმილი საკითხები განიხილეს.

საერთაშორისო სავალუტო ფონდისა და მსოფლიო ბანკის საგაზაფხულო შეხვედრები ყოველწლიურად იმართება, რომელშიც მონაწილეობენ საერთაშორისო სავალუტო ფონდისა და მსოფლიო ბანკის მმართველები და ალტერნატიული მმართველები, ასევე საფინანსო წრეების წარმომადგენლები მსოფლიოს თითქმის ყველა ქვეყნიდან. შეხვედრებისას განიხილავენ გლობალური მნიშვნელობის საკითხებს, მათ შორის მსოფლიო ეკონომიკის პერსპექტივებს, სიღარიბის დაძლევას, ეკონომიკის განვითარებასა და დახმარების ეფექტურობას.

კომერციული ბანკების მოგება აგვისტოში გაიზარდა - ვალუტის ყიდვა-გაყიდვით კი 71.8 მლნ ლარის ზარალი მიიღეს

22 სექტემბერი, 2020 , 15:00

კომერციულმა ბანკებმა 2020 წლის აგვისტო 96,363 მლნ ლარის წმინდა მოგებით დაასრულეს. ეს კი წინა თვესთან შედარებით, 32,870 მლნ ლარით მეტია, ივლისში ბანკების წმინდა მოგება 63,493 მლნ ლარს შეადგენდა. ეროვნული ბანკის ვებ-გვერდზ

2020 წლის მეორე კვარტალში საქართველოს მთლიანი შიდა პროდუქტი 12.3 პროცენტით შემცირდა

18 სექტემბერი, 2020 , 11:50

სტატისტიკის ეროვნული სამსახურის ინფორმაციით, 2020 წლის მეორე კვარტალში მთლიანი შიდა პროდუქტის მოცულობა მიმდინარე ფასებში 11 210.0 მილიონ ლარს გაუტოლდა. წინა წლის შესაბამის პერიოდთან შედარებით რეალური მთლიანი შიდა პროდუქტ

საქართველოს ბანკმა ვაჭრობის დაფინანსებისთვის Citi- სგან 50 მილიონი აშშ დოლარის მოცულობის ფინანსური რესურსი მოიზიდა

18 სექტემბერი, 2020 , 10:55

საქართველოს ბანკმა ვაჭრობის დასაფინანსებლად Citi-სგან 50 მილიონი აშშ დოლარის მოცულობის ფინანსური რესურსი მოიზიდა. აღნიშნული ტრანზაქცია საქართველოს ბანკსა და Citi-ს შორის 2011 წელს გაფორმებული შეთანხმების Continuing Agree

ივანე მაჭავარიანი - მოლოდინია, რომ მიმდინარე წელს ეკონომიკა 5 პროცენტით შემცირდება, 2021 წელს კი 5-პროცენტიანი მატება იქნება

16 სექტემბერი, 2020 , 15:25

ჩვენი მოლოდინია და ამაში სავალუტო ფონდიც გვეთანხმება, რომ მიმდინარე წელს ეკონომიკა 5 პროცენტით შემცირდება, მომდევნო წელს კი ასევე 5-პროცენტიანი მატება იქნება, – ამის შესახებ ფინანსთა მინისტრმა, ივანე მაჭავარიანმა ს

ივანე მაჭავარიანი - მოლოდინია, რომ მიმდინარე წელს ეკონომიკა 5 პროცენტით შემცირდება, 2021 წელს კი 5-პროცენტიანი მატება იქნება

16 სექტემბერი, 2020 , 14:35

ჩვენი მოლოდინია და ამაში სავალუტო ფონდიც გვეთანხმება, რომ მიმდინარე წელს ეკონომიკა 5 პროცენტით შემცირდება, მომდევნო წელს კი ასევე 5-პროცენტიანი მატება იქნება, – ამის შესახებ ფინანსთა მინისტრმა, ივანე მაჭავარიანმა ს

ეროვნულმა ბანკმა მონეტარული პოლიტიკის განაკვეთი უცვლელი დატოვა

16 სექტემბერი, 2020 , 12:45

საქართველოს ეროვნული ბანკის მონეტარული პოლიტიკის კომიტეტმა 2020 წლის 16 სექტემბრის სხდომაზე რეფინანსირების განაკვეთის უცვლელად დატოვების გადაწყვეტილება მიიღო, – ამის შესახებ ინფორმაციას საქართველოს ეროვნული ბანკი ა

პირდაპირი TV

daily calendar

ვიდეო გალერეა

მიძინება ყოვლადწმინდისა ღმრთისმშობელისა მარიამისა. მარიამობა.