უახლესი ამბები
- 18.01.2021 10:55ნარკოტიკული საშუალების უკანონო გასაღების მცდელობის ფაქტზე ორი პირი დააკავეს
- 18.01.2021 10:55პრემიერ-მინისტრმა ვაქცინაციის სამოქმედო გეგმის შესახებ მორიგი სამუშაო შეხვედრა გამართა
- 18.01.2021 10:55ნაქერალას უღელტეხილზე მისაბმელიანი ავტოტრანსპორტის მოძრაობა აკრძალულია
- 18.01.2021 10:38ანონსი - 18.01.21
- 18.01.2021 10:20დღის კალენდარი _ 18 იანვარი
არქივი
მსოფლიო

კობა გვენეტაძემ სსფ-ის მიერ ორგანიზებულ მმართველთა დისკუსიაში მიიღო მონაწილოება
საქართველოს ეროვნული ბანკის პრეზიდენტმა, კობა გვენეტაძემ სსფ-ის მიერ ორგანიზებულ დისკუსიაში - "მმართველთა საუბრები" მიიღო მონაწილეობა. მსგავსი დისკუსია სსფ-ს და მსოფლიო ბანკის საგაზაფხული და წლიური შეხვედრების დროს კონკრეტული ეკონომიკური მიმართულებით წარმატებული გამოცდილების გაზიარების მიზნით მსოფლიოს 5 რეგიონიდან თითო წარმომადგენელთან იმართება ხოლმე და მოდერატორები სსფ-ს რეგიონალური დეპარტამენტების დირექტორები არიან. წლევანდელ შეხვედრებზე ასეთივე დისკუსია გაიმართება ჰოლანდიის ფინანსთა მინისტრთან (ევროპული დეპარტამენტი), პარაგვაის ცენტრალური ბანკის პრეზიდენტთან (დასავლეთ ნახევარსფეროს დეპარტამენტი), ინდოეთის სარეზერვო ბანკის პრეზიდენტთან (აზიისა და წყნარი ოკეანის დეპარტამენტი), და ბენინის ეკონომიკისა და ფინასთა მინისტრთან (აფრიკის დეპარტამენტი).
წლევანდელი "მმართველთა საუბრები" კობა გვენეტაძის გამოსვლით გაიხსნა, რომლის მთავარი თემა იყო "საქართველოს გამოცდილება ინფლაციის თარგეთირების განხორციელებაში“. დისკუსიას მოდერატორობდა სსფ-ს ახლო აღმოსავლეთისა და შუა აზიის დირექტორი, ჯიჰად აზური, რომელმაც შესავალ სიტყვაში ხაზი გაუსვა საქართველოს ეროვნული ბანკის წარმატებულ პრაქტიკას და გამოცდილებას მცურავი გაცვლითი კურსის პირობებში ინფლაციის თარგეთირების რეჟიმის განხორციელებაში. ასევე, აღინიშნა შთამბეჭდავი პროგრესი ლარიზაციის ზრდის მიმართულებით, რაც ფინანსურ სექტორში მოწყვლადობის შემცირების მნიშვნელოვანი ფაქტორია.
შეხვედრაზე ეროვნული ბანკის პრეზიდენტმა საქართველოს გამოცდილებაზე დაყრდნობით ინფლაციის თარგეთირების რეჟიმის უპირატესობასა და ამ მხრივ გაცვლითი კურსის მოქნილობის აუცილებლობაზე გაამახვილა ყურადღება. მისი თქმით, "საქართველოს წარსული გამოცდილება მოწმობს, რომ მცურავი გაცვლითი კურსი შოკების შემარბილებელ ფუნქციას ასრულებს და გვეხმარება მინიმალური საზოგადოებრივი დანახარჯებით საგარეო შოკების გადალახვაში. გაცვლითი კურსის მოქნილობის შენარჩუნება აუცილებელია გრძელვადიანი ეკონომიკური ზრდისა და დასაქმების ხელშესაწყობად".
კობა გვენეტაძემ, ასევე ყურადღება გაამახვილა ერთ-ერთ მთავარ გამოწვევაზე - დოლარიზაციაზე, რომელიც, ისეთი მცირე და ღია ეკონომიკის მქონე ქვეყნისთვის, როგორიც საქართველოა, უმთავრეს პრობლემას წარმოადგენს.
"საქართველოს ეროვნული ბანკი აქტიურად ახორცილებს და მომავალშიც განაგრძობს კომპლექსური დე-დოლარიზაციის ღონისძიებების გატარებას. ამ ეტაპზე, უკვე განხორციელებულმა ღონისძიებებმა საკმაოდ კარგი შედეგები გამოიღო და დაახლოებით 9 პროცენტული პუნქტით შემცირდა როგორც სესხების, ასევე დეპოზიტების დოლარიზაცია", - აღნიშნა ეროვნული ბანკის პრეზიდენტმა.
კობა გვენეტაძემ ისაუბრა ეროვნული ბანკის მიერ განხორციელებული რეფორმების შესახებ. მისი განცხადებით, ქვეყნის ცენტრალურმა ბანკმა საფინანსო სექტორში ლიკვიდობის მართვა გააუმჯობესა. კერძოდ, ლიკვიდობის ინსტრუმენტის განვითარებამ შეამცირა მოკლევადიანი საპროცენტო განაკვეთების მერყეობა და გააძლიერა მონეტარული პოლიტიკის გადაცემა რეალურ ეკონომიკაზე.
დისკუსიის დასასრულს, კობა გვნეტაძემ ინფლაციის თარგეთირების პირობებში აქტიურ და რეგულარული კომუნიკაციის საჭიროებაზე ისაუბრა. მისი თქმით, ბოლო წლების განმავლობაში საქართველოს ეროვნული ბანკი განსაკუთრებულ ყურადღებას უთმობს გამჭვირვალობის ზრდას და საზოგადოებასთან კომუნიკაციის სხვადასხვა არხების განვითარებას. რეგულარულმა კომუნიკაციამ გააუმჯობესა ინფლაციური მოლოდინების მართვა და ხელი შეუწყო მონეტარული პოლიტიკის ეკონომიკაზე გადაცემის გაუმჯობესებას.
საქართველოს ეროვნული ბანკის პრეზიდენტი, კობა გვენეტაძე ვაშინგტონში სსფ-ის და მსოფლიო ბანკის საგაზაფხულო შეხვედრებში მონაწილეობს. ყოველწლიურ შეხვედრებში მონაწილეობენ სსფ-ის და მსოფლიო ბანკის მმართველები და ალტერნატიული მმართველები, ასევე მსოფლიოს თითქმის ყველა ქვეყნის საფინანსო სექტორის წარმომადგენლები.

დიდი ბრიტანეთი ყველა სატრანსპორტო დერეფანს კეტავს
16 იანვარი, 2021 , 13:09

საფრანგეთში საქართველოს საელჩო მოქალაქეებს ქვეყანაში მოქმედი შეზღუდვების შესახებ აფრთხილებს
15 იანვარი, 2021 , 17:20
ინდონეზიაში თვითმფრინავთან კონტაქტი აფრენიდან 4 წუთში დაიკარგა
9 იანვარი, 2021 , 16:15

Twitter-მა დონალდ ტრამპის ანგარიში სამუდამოდ გააუქმა
9 იანვარი, 2021 , 15:20

ნოვოსიბირსკის თეატრი ნინო ანანიაშვილთან კონტრაქტს აჩერებს
9 იანვარი, 2021 , 13:08

ლონდონში გამოვაცხადე საგანგებო სიტუაცია, ვირუსის გავრცელება უკონტროლო გახდა - ლონდონის მერი
9 იანვარი, 2021 , 12:29