პოლიტიკა

ე.წ კაბელების საქმეზე ჩემი პოზიცია იცით - თინა ხიდაშელი

საქართველოს თავდაცვის მინისტრ თინათნ ხიდაშელის განცხადებით, ე.წ. კაბელების საქმეზე მისი პოზიცია ცნობილია და მას იგი არ შეუცვლია.

ამის შესახებ თავდაცვის მინისტრმა თინა ხიდაშელმა ჟურნალისტებს საკითხის შეფასებისას განუცხადა.

„ამ თემაზე შეფასებას არ გავაკეთებ. ნებისმიერი სიტყვა, რომელსაც მე ახლა ვიტყვი, იქნება ხმაურის საგანი, სასამართლო ხელისუფლების მხრიდან და სწორიც იქნება. ჩემი პოზიცია იცით და მე პოზიცია არ შემიცვლია“, - განაცხადა თინა ხიდაშელმა.

შეგახსენებთ, რომ ე.წ. კაბელების საქმეზე დაკავებული ხუთი პირი სასამართლომ დამნაშავედ ცნო და შვიდწლიანი პატიმრობა მიუსაჯა.

მონიკა დავლიანიძე