სამართალი

ყოფილმა ქმარმა 32 წლის ქალი და მისი მეგობარი მამაკაცი მძიმედ დაჭრა

თბილისში, წმინდა ბარბარეს უბანში ყოფილი ქმრის მიერ დაჭრილი 32 წლის ქალის ჯანმრთელობის მდგომარეობა კრიტიკულია.

2 მცირეწლოვანი შვილის დედას ყოფილმა ქმარმა 14 ჭრილობა მიაყენა, მათგან 4 ნაკვეთი ჭრილობა საზარდულის არეში, 10 კი მუცელში.

მძიმეა ქალის მეგობარი მამაკაცის მდგომარეობა, რომელიც ასევე ბრალდებულმა დაჭრა.

დანაშაულში ბრალდებული სამართალდამცველებმა გუშინვე შემთხვევის ადგილიდან რამდენიმე კილომეტრში დააკავეს.

მომხდართან დაკავშირებით გამოძიება ოჯახური ძალადობის საფუძველზე ორი პირის მკვლელობის მცდელობის ფაქტზე მიმდინარეობს.