კომენტარი

კოლექტიური დირექტორები „ქართული ოცნებიდან“ ტელევიზიებში?! ეს ხომ ადამიანების შეურაცხყოფაა! არ გამოუვათ! - დავით ჭიჭინაძე

კოლექტიური დირექტორები „ქართული ოცნებიდან“ ტელევიზიებში?! ეს ხომ ადამიანების შეურაცხყოფაა! მაგრამ, სულ რომ კანონში ჩაწერონ, „ოცნება“ მარადიული გახდესო, მაინც ვერ დარჩებიან,- ასე ეხმიანება პოლიტიკური მოძრაობა „ტრიბუნას“ ლიდერი, დავით ჭიჭინაძე ცვლილებებს, რომლის მიხედვითაც მარეგულირებელ კომისიას, „გარკვეული საფრთხეების დანახვის შემთხვევაში, ტელევიზიაში დროებითი მმართველი დანიშვნის უფლება ეძლევა.

დავით ჭიჭინაძის თქმით, ყველა ცვლილება, რასაც მმართველი პარტია ახორციელებს, არჩევნებისკენაა მიმართული და ასეთი ნაბიჯებით ხალხს უპირისპირდებიან.

„როგორც ჩანს, ის მონოპოლია, რომელიც „ოცნების„ ხელისუფლებას კანონთან დაკავშირებით გააჩნია, რასაც უნდა ისე რომ წერენ, ახლა ტელევიზიებთან მიმართებაში უნდათ გამოიყენონ და ტელევიზიებში მოუნდათ შეჭრა. ერთი არხი კომუნისტების დროს იყო და ახლა არ გამოუვათ, რადგან ყველა ცვლილება, რასაც „ქართული ოცნება“ ახორციელებს, არჩევნებისკენაა მიმართული და ასეთი ნაბიჯებით ხალხს უპირისპირდებიან. თუმცა რაც უნდა ის წერონ, მთავარი ხალხის მხარდაჭერაა. „ოცნება“ კი, ყოველ დღე შორდება ხალხს. ასე რომ, სულ რომ კანონში ჩაწერონ, „ოცნება“ უნდა იყოს მარადიულადო, მაინც ვერ დარჩებიან, არ გამოუვათ! ისე, ჩამოწერილ ვალებთან დაკავშირებით რას აპირებენ? თუ სამთავრობო ტელევიზიებში ვინ შევა მმართველად მნიშვნელობა არ აქვს? მოკლედ, ოპოზიციური ტელევიზიები ხალხისაა და ხალხს აქვს უფლება დაიცვას თავისი ტელევიზია! თავისი სიტყვის თავისუფლება!“ - აცხადებს დავით ჭიჭინაძე.