სამართალი
კომერციული რეკლამის განთავსების წესების დარღვევის გამო შპს „სტუდია მაესტრო“ და შპს „ტელეკომპანია პირველი“ წერილობით გაფრთხილდა
საქართველოს კომუნიკაციების ეროვნული კომისიის აპარატის აუდიო-ვიზუალური მომსახურებების რეგულირების დეპარტამენტმა მიმდინარე წლის თებერვალსა და მარტში რიგი მაუწყებლების ბადეში განთავსებული პროგრამების სპონსორობის და პროდუქტის (საქონლის/მომსახურების) განთავსების წესების დაცვის მონიტორინგი ჩაატარა.
საქართველოს კომუნიკაციების ეროვნულმა კომისიამ 2017 წლის 23 მარტის სხდომაზე შპს „სტუდია მაესტრო“ და შპს „ტელეკომპანია პირველი“ საკითხები განიხილა და ორივე ტელეკომპანია პროგრამების სპონსორობის და პროდუქტის (საქონლის/მომსახურების) განთავსების წესების დარღვევის გამო წერილობით გააფრთხილა.
ორივე ტელეკომპანიის შემთხვევაში კომისიამ მიიჩნია, რომ „მაუწყებლობის შესახებ“ და „რეკლამის შესახებ“ საქართველოს კანონები დაირღვა, რადგან, პროგრამაში პროდუქტის (საქონლის/მომსახურების) განთავსებისას, აკრძალულია პროდუქტის შეძენისაკენ პირდაპირი მოწოდება და პროდუქტისათვის გადაჭარბებული მნიშვნელობის მინიჭება, ასევე სასპონსორო ტიხრებში საქონლის/მომსახურების შეძენის, მიწოდებისა და მოხმარებისაკენ პირდაპირ მოწოდებას ჰქონდა ადგილი, რაც სპონსორზე მითითების, კომერციული რეკლამისა და პროდუქტის განთავსების წესების დარღვევაა.