სამართალი
კომისიას მივმართავთ, რომ კონსტიტუციაში ქვეყნის ევროატლანტიკური კურსი აისახოს - საერთაშორისო გამჭვირვალობა საქართველო
საკონსტიტუციო ცლვილებებზე მომუშავე კომისია ხვალ პირველ სამუშაო შეხვედრას გამართავს.
პირველად ადამიანის უფლებებისა და თავისუფლებების, სასამართლო ხელისუფლების, კონსტიტუციის პრეამბულისა და ზოგადი და გარდამავალი დებულებების საკითხთა სამუშაო ჯგუფი შეიკრიბება
შეხვედრაზე არასამთავრობო ორგანიზაციები საკუთარ წინადადებებს წარადგენენ.
არასამთავრობო ორგანიზაცია „საერთაშორისო გამჭვირვალობა საქართველო“ საკონსტიტუციო კომისიას რეკომენდაციები უკვე წარუდგინა.
არასამთავრობო ორგანიზაცია მოითხოვს, რომ საქართველოს ევროპული და ევროატლანტიკური კურსი კონსტიტუციაში აისახოს.
გარდა ამისა, ორგანიზაციაში მიიჩნევენ, რომ საჭიროა საპარლამენტო კონტროლის გაძლიერების უზრუნველყოფა, საარჩევნო სისტემის შეცვლა, და პროკურატურის რეფორმა.
„ჩვენ ვფიქრობთ, რომ პრეამბულაში უნდა ჩაიწეროს საქართველოს ევროატლანტიკური სწრაფვა, რომ მისი მიზანია გახდეს ევროკავშირის და ნატოს წევრი ქვეყანა. კიდევ ერთი მნიშვნელოვანი საკითხია, ვითხოვთ საარჩევნო სისტემის რეფორმას, კერძოდ, მიგვაჩნია, რომ დღეს არსებული მაჟორიტარული სისტემა, რომელიც ჩვენი აზრით, სრულად ვერ ასახავს საზოგადოებრივ განწყობებს, უნდა შეიცვალოს რეგიონულ-პროპორციული სისტემით. ასევე, ჩვენი ცვლილებები შეეხება საპარლამენტო კონტროლის გაძლიერებას და ამავდროულად, პროკურატურის რეფორმას, იმიტომ, რომ დღეს, კონსტიტუციის დონეზე სათანადოდ არ არის უზრუნველყოფილი პროკურატურის დამოუკიდებლობა“,-აღნიშნა საკითხის კომენტირებისას „საერთშორისო გამჭვირვალობა საქართველოს“ იურისტმა გიორგი ბერაიამ.
მონიკა დავლიანიძე