უკან

უახლესი ამბები

დღის კალენდარი

ანონსები

არქივი

საზოგადოება

29 მარტი, 2017 14:55
font-size

კომპაქტური, მწვანე და კარგად შეკავშირებული ქალაქი - თბილისის მიწათსარგებლობის გენგეგმის სამი ძირითადი მიმართულება

თბილისის მიწათსარგებლობის გენერალური გეგმის საპროექტო ჯგუფის – „სითი ინსტიტუტი საქართველოს“ ხელმძღვანელის, მამუკა სალუქვაძის განცხადებით, გენგეგმა ითვალისწინებს სამ ძირითად მიმართულებას: კომპაქტურ ქალაქს, მწვანე ქალაქსა და შეკავშირებულ ქალაქს.

კომპაქტური ქალაქის კონცეფცია გულისხმობს ქალაქის ტერიტორიის ოპტიმალურად და რაციონალურად გამოყენებას. სალუქვაძის განცხადებით, ახალი გეგმა ითვალიწინებს პოლიცენტრულობას, ანუ, ქალაქს ერთი კი არა, რამდენიმე ცენტრი ექნება, რაც თბილისის უბნებს განტვირთავს.

„ქალაქის პოლიცენტრულობა ამ კონტექსტში არის ძალიან საინტერესო. ესაა სრული სიახლე, იმიტომ რომ ჩვენ შეჩვეულნი ვართ, რომ გვაქვს ერთი ცენტრი და ყველა სერვისისთვის, ყველა საჭიროებისთვის ჩვენ პრაქტიკულად ამ ქალაქის ცენტრს ვტვირთვათ, განსაკუთრებით სატრანსპორტო მოძრაობითა და არ მარტო. აქედან გამომდინარე, ქალაქს უამრავი პრობლემა უჩნდება, მათ შორის ეკოლოგიურიც, საცობების სახითაც. პოლიცენტრულობა არის ერთ-ერთი მთავარი, რასაც ჩვენ ქალაქს ვთავაზობთ და, ვფიქრობთ, ქალაქის სხვადასხვა უბანში ამგვარი ცენტრების ჩამოყალიბება საშუალებას მისცემს ქალაქს, რომ განიტვირთოს ცენტრი და ის სერვისები, რომელიც სჭირდება ამა თუ იმ რაიონს, ის სერვისები იყოს მიწოდებული ადგილზე“, - განაცხადა სალუქვაძემ.

„მწვანე ქალაქი“ ითვალისწინებს მტკვრის აქტიურ ჩართვას ქალაქის ცხოვრებაში.

„აქ მარტო გამწვანებაზე არაა ლაპარაკი. იქ მდინარესა და ქალაქის ურთიერთობა წამოვწიეთ წინ, რადგან არაერთხელ მითქვამს, რომ ეს პრობლემა არსებობს ქალაქში, მდინარე თავისთვის მიედინება, ქალაქი თავისთვის ცხოვრობს. ჩვენ გვინდა, რომ სწორედ რეკრეაციული ზონების მეშვეობით ჩვენ შევძლოთ და ქალაქში გამავალ მდინარესთან გარკვეულწილად ახლოს მივიდეთ. ბუნებრივია, თავად მტკვრის პრობლემები იქნება გადასაწყვეტი. მიმდინარეობს ეს პროცესები. მერიის მიერ ხდება მტკვრის კალაპოტისა და სანაპიროების გაწმენდა“, - განაცხადა სალუქვაძემ.

სალუქვაძის განმარტებით, მტკვრის ბუნებრივ კალაპოტში არსებული ტერიტორიებს რეკრეაციული ზონის სახე უნდა მიიღონ, რათა იქ არ მოხდეს უკონტროლო განაშენიანება. მისი თქმით, გეგმის მიხედვით, ალტერნატიული მაგისტრალები უნდა აშენდეს, რომლებიც მტკვრის მარცხენა სანაპიროს გაათავისუფლებს, რის გამოც აღნიშნულ ტერიტორიაზე საპარკო ზონები გაჩნდება.

მწვანე ქალაქის კონცეფციის ფარგლებში გენგეგმაზე მომუშავე ჯგუფი აპირებს გაზარდოს რეკრეაციული ზონის მოცულობა ერთ სულ მოსახლეზე 3-4 კვადრატული მეტრიდან 10-11 კვადრატულ მეტრამდე.

სალუქვაძის თქმით, თბილისის ცენტრში ტერიტორიის მხოლოდ 5 % ეთმობა გამწვანებას.

რაც შეეხება დაკავშირებული ქალაქის კონცეფციას, სალუქვაძის თქმით, ესაა სატრანსპორტო პრობლემების გადაწყვეტა, რაც მეტ წვდომას გულისხმობს ქალაქის სხვადასხვა ნაწილს შორის.

„მესამე ნაწილი კი კარგად შეკავშირებული ქალაქია, ანუ სატრანსპორტო სახის გადაწყვეტები, რომელიც ჩვენ ქალაქს ვთავაზობთ. უპირველეს ყოვლისა, ეს იქნება იმ კავშირებზე აქცენტის გაკეთება, რომლებიც ჩვენ ვთავაზობთ, რკინიგზისგან გამოთავისუფლებულ არეალებში. მტკვრის მარჯვენა და მარცხენა სანაპიროები არათანაბრად რომაა განვითარებული, ეს ძალიან კარგად ვიცით, სწორედ ამიტომ, მტკვრის მარცხენა სანაპიროს გასავითარებლად მნიშვნელოვნად მიგვაჩნია, მიწვდომადობის გაზრდა, ე.წ. განივი კავშირების განვითარება“, - განაცხადა სალუქვაძემ.

სალუქვაძის განცხადებით, ქალაქის გენგეგმაზე მუშაობა ერთ თვეში უნდა დასრულდეს.

ანა მებურიშვილი

საპატრულო პოლიციის დეპარტამენტის დირექტორი UNDP-ის წარმომადგენლებს შეხვდა

4 აგვისტო, 2020 , 11:45

საქართველოს შინაგან საქმეთა სამინისტროს საპატრულო პოლიციის დეპარტამენტის დირექტორმა, ვაჟა სირაძემ და გაერო-ს განვითარების პროგრამის (UNDP) წარმომადგენლებმა შეხვედრა გამართეს. შსს-ს ინფორმაციით, შეხვედრაზე მხარეებმა საპატ

შინაგან საქმეთა მინისტრის მოადგილემ NDI-ის პრეზიდენტთან ონლაინშეხვედრა გამართა

4 აგვისტო, 2020 , 11:45

საქართველოს შინაგან საქმეთა მინისტრის მოადგილემ, ნინო ცაციაშვილმა ეროვნულ-დემოკრატიული ინსტიტუტის (NDI) პრეზიდენტთან, დერეკ მიტჩელთან და NDI-ის წინასაარჩევნო მონიტორინგის მისიის წარმომადგენლებთან ონლაინშეხვედრა გამართა.

საქართველოში კორონავირუსის სამი ახალი შემთხვევა გამოვლინდა, გამოჯანმრთელდა სამი პაციენტი

4 აგვისტო, 2020 , 10:40

საქართველოში კორონავირუსის სამი ახალი შემთხვევა გამოვლინდა. ამის შესახებ ინფორმაცია მთავრობის მიერ შექმნის ვებგვერზე stopcov.ge -ზე ცოტა ხნის წინ განახლდა. ამ დროისთვის საქართველოში კორონავირუსის 1182 შემთხვევაა დადასტურ

დენის დარტყმის შედეგად 4 წლის ბავშვი დაიღუპა

3 აგვისტო, 2020 , 17:40

ჭიათურის მუნიციპალიტეტის სოფელ ნავარძეთში 4 წლის ბავშვი დენის დარტყმის შედეგად გარდაიცვალა. არსებული ინფორმაციით, შემთხვევა მოხდა საცხოვრებელი სახლის ეზოში არსებულ დამხმარე სათავსოში, სადაც ბავშვს დენმა სადენებთან შეხები

მთავრობის ადმინისტრაციამ „კოვიდ-19“-ის მართვისა და პანდემიის გავლენის შესახებ კვლევის პირველი სამუშაო შეხვედრა გამართა

3 აგვისტო, 2020 , 17:40

მთავრობის ადმინისტრაციამ საერთაშორისო პარტნიორების და ექსპერტების მონაწილეობით, „კოვიდ-19“-ის მართვისა და პანდემიის გავლენის შესახებ კვლევის პირველი სამუშაო შეხვედრა გამართა. სამუშაო შეხვედრაზე მთავრობის ადმი

1 აშშ დოლარის ოფიციალური ღირებულება 3.0719 ლარი გახდა

3 აგვისტო, 2020 , 17:20

ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად აშშ დოლარის ღირებულებამ 3.0719 ლარი შეადგინა. კურსი, რომელიც დღეს მოქმედებდა, 3.0721 ლარი იყო. შესაბამისად, დოლარის ცვლილებამ ეროვნულ

პირდაპირი TV

daily calendar

ვიდეო გალერეა

ამ პარტიაში ვარ პოლიტიკური ლიდერი, ვფიქრობ პოლიტიკური ლიდერობით აქედან უფრო მივაწვდენ ხმას ყველას, ვიდრე ვყოფილიყავი დიდი გაერთიანების ერთერთი წევრი - ნატო ჩხეიძე