უკან

უახლესი ამბები

დღის კალენდარი

ანონსები

არქივი

საზოგადოება

13 მარტი, 2018 16:50
font-size

კომუნიკაციების ეროვნულმა კომისიამ “სილქნეტს” “ჯეოსელის“ 100%-იანი წილის შეძენაზე წინასწარი თანხმობა მისცა

საქართველოს კომუნიკაციების ეროვნულმა კომისიამ დღევანდელ სხდომაზე სს „სილქნეტს“ შპს „ჯეოსელის“ 100%-იანი წილის შეძენის თაობაზე წინასწარი თანხმობა მისცა. კომისიამ „სილქნეტის“ მიერ „ჯეოსელის“ 100%-იანი წილის შეძენასთან დაკავშირებით, 2018 წლის 6 თებერვლის გადაწყვეტილებით, საჯარო ადმინისტრაციული წარმოება დაიწყო. წარმოების ფარგლებში კომისიის შესაბამისმა სამსახურმა საკითხის ამომწურავად შესწავლის მიზნით, რამდენიმე ეტაპიანი ბაზრის კვლევა და ანალიზი ჩაატარა.

,,აღნიშნული კვლევის შედეგებზე დაყრდნობით, კომისიამ გადაწყვიტა, რომ მხარეებზე დაკისრებული ვალდებულებების გათვალისწინებით, არ არსებობს კომპანია „სილქნეტისთვის“ „ჯეოსელის“ 100 %-იანი წილის შეძენაზე წინასწარ თანხმობაზე უარის თქმის საფუძველი.

მიუხედავად იმისა, რომ ბაზრის ანალიზის შედეგების მიხედვით აღნიშნული ტრანზაქციის შემაფერხებელი გარემოება არ გამოიკვეთა, კომუნიკაციების ეროვნულმა კომისიამ მომხმარებლების, აბონენტებისა და კონკურენტი ავტორიზებული პირების ინტერესების დაცვიდან გამომდინარე, კომპანია „ჯეოსელსა“ და „სილქნეტს“ მთელი რიგი ვალდებულებები დააკისრა.

მომხმარებელთა ინტერესების დაცვის მიზნით, კომისიამ მხარეებს დავალა, რომ ნებისმიერ ცვლილებასთან დაკავშირებით, რომელიც აბონენტების პირობებს შეცვლის, მომხმარებლებს ერთი თვით ადრე და ინდივიდუალურად უნდა აცნობონ. ცვლილებების შესახებ კომპანიებმა ასევე ერთი თვით ადრე უნდა შეატყობინონ კომუნიკაციების ეროვნულ კომისიას, რათა უწყებას საკითხის შესწავლისა და რეაგირებისთვის გონივრული ვადა ჰქონდეს.

ასევე მომხმარებელთა უფლებების დაცვის გათვალისწინებით, კომისიამ კომპანიებს დააკისრა ვალდებულება, რომ აბონენტებს არ შეუზღუდონ არჩევანის თავისუფლება და მათ დაუტოვონ შესაძლებლობა სხვა სერვისებისგან დამოუკიდებლად მიიღონ მათთვის სასურველი მობილური ან ფიქსირებული ელექტრონული საკომუნიკაციო მომსახურება გონივრულ, არადისკრიმინაციულ და ხელმისაწვდომ ფასად.

რაც შეეხება საბითუმო მომსახურეობის ბაზარს, კომისიის მიერ დაწესებული სპეციფიკური ვალდებულებების გათვალისწინებით, მხარეები აღნიშნულ ბაზარზე ვერ შეზღუდავენ კონკურენტ ავტორიზებულ პირებს, კერძოდ, ვერ შეძლებენ საბითუმო მომსახურეობის ბაზარზე ფასებისა და პირობების გაუარესებას. რაც შეეხება საცალო მომსახურეობის ბაზარს „სილქნეტის“ მიერ „ჯეოსელის“ წილის შეძენის ტრანზაქცია ამ ბაზარზე არსებულ კონკურენციასთან თავსებადია.

შეგახსენებთ, რომ შპს „ჯეოსელმა“ და სს „სილქნეტმა“, შპს „ჯეოსელში“ 100%-იანი წილის გასხვისებისა და ამ წილის სს “სილქნეტის“ მიერ შეძენის თაობაზე, კომუნიკაციებს ეროვნულ კომისიას თანხმობის მიღების თხოვნით 2018 წლის 6 თებერვალს მიმართეს“, - აცხადებენ კომუნიკაციების ეროვნულ კომისიაში.

ვითარება საბავშვო ბაღებში სკოლებზე უფრო მძიმეა - ნინო ლომჯარია

19 ივლისი, 2018 , 17:10

სახალხო დამცველის, ნინო ლომჯარიას შეფასებით, საბავშვო ბაღებში მდგომარეობა საგანგაშოდ მძიმეა. შესაბამისი განცხადება ომბუდსმენმა პარლამენტის რიგგარეშე სხდომაზე ადამიანის უფლებათა დაცვის მდგომარეობის შესახებ ანგარიშის წარდგ

თბილისში, ვაჟა-ფშაველას I შესახვევში სანიაღვრე ქსელი ეწყობა

19 ივლისი, 2018 , 15:10

ვაჟა-ფშაველას I შესახვევში, N3 კორპუსის მიმდებარე ტერიტორიაზე სანიაღვრე ქსელი ეწყობა. სანიაღვრე ქსელის არარსებობის გამო, მოსახლეობას საფრთხე წლების განმავლობაში ექმნებოდა. სამუშაოების ფარგლებში, 130 გრძივი მეტრის სანიაღვ

ბარათაშვილის აღმართის კაპიტალური რეაბილიტაცია დაიწყო

19 ივლისი, 2018 , 15:10

დედაქალაქის მერიამ ნიკოლოზ ბარათაშვილის აღმართის კაპიტალური რეაბილიტაცია დაიწყო. სამუშაოებს, რომელსაც ინფრასტრუქტურის განვითარების საქალაქო სამსახური აწარმოებს, დღეს თბილისის მერი კახა კალაძე გაეცნო. მისი განცხადებით, აღ

ტყვიით ინტოქსიკაციის მხრივ ქვეყანაში საგანგაშო სიტუაცია არ არის - პედიატრი

19 ივლისი, 2018 , 13:15

ყვიის მაღალი ან დაბალი შემცველობა არ ნიშნავს იმას, რომ ბავშვს შეიძლება განუვითარდეს ტყვიით მოწამვლა,- განაცხადა პედიატრმა თემურ მიქელაძემ დღეს გამართულ პრესკონფერენციაზე. მისი თქმით, თუ ბავშვი სწორად იკვებება და მისი ორგ

თბილისში, არაგვისპირელის ქუჩაზე ახალი სკვერი მოეწყო

19 ივლისი, 2018 , 12:40

ჩუღურეთის რაიონში, არაგვისპირელის N10-ში ახალი სკვერი მოეწყო. აღნიშნულ ტერიტორიაზე ნაგავსაყრელის ნაცვლად, თანამედროვე სტანდარტებით აღჭურვილი სივრცე განთავსდა. თბილისის მერიის ცნობით, პროექტის ფარგლებში, 320 მ2 ტერიტორიაზ

ბოლო 5 წლის განმავლობაში სახელმწიფო უწყებებმა 3 მილიონი ლარი რუსული `ნივების` შესაძენად დახარჯეს - „საერთაშორისო გამჭვირვალობა-საქართველო“

19 ივლისი, 2018 , 12:15

არასამთავრობო ორგანიზაციის „საერთაშორისო გამჭვირვალობა-საქართველოს“ ინფორმაციით, ბოლო 5 წლის განმავლობაში სახელმწიფო უწყებებმა 3 მილიონი ლარი რუსული წარმოების ავტომობილების "ნივების" შესაძენად დახარჯეს. შესწა

ვიდეო გალერეა

სისხლში მოსვრილი ბიჭები ხორავას ქუჩიდან