პოლიტიკა
კონგოში დაშავებული საქართველოს მოქალაქის ჯანმრთელობის მდგომარეობა დამაკმაყოფილებელია - ირაკლი სესიაშვილი
პარლამენტის თავდაცვისა და უშიშროების კომიტეტის თავჯდომარის, ირაკლი სესიაშვილის განცხადებით, კონგოში ვერმტფრენის ჩამოვარდნისას დაშავებული საქართველოს მოქალაქის ჯანმრთელობის მდგომარეობა დამაკმაყოფილებელია.
„ძალიან ბევრი იქნება დამოკიდებული ადგილობრივ ხელისუფლებასა და საერთაშორისო ორგანიზაციებზე. ჩვენ ყველასთან გვაქვს კავშირი. რა თქმა უნდა, ჩვენ გამოვიყენებთ ყველა საშუალებას იმისათვის, რომ ჩვენი მოქალაქე დაუბრუნდეს ჩვენს ქვეყანას და გადარჩეს მისი ჯანმრთელობა და სიცოცხლე. ბოლო ინფორმაციით, მისი ჯანმრთელობის მდგომარეობა დამაკმაყოფილებელია“, - განაცხადა სესიაშვილმა.
შეგახსენებთ, რომ დღეს საგარეო საქმეთა სამინისტრომ დაადასტურა ინფორმაცია, რომ კონგოში ვერმტფრენის ჩამოვარდნის შედეგად ადგილობრივმა დაჯგუფებამ ტყვედ აიყვანა ერთი საქართველოს მოქალაქე, ხოლო მეორე მოქალაქე დაიჭრა და მას მკურნალობას უტარებენ კონგოს ქალაქ გომაში.
გავრცელებული ინფორმაციით, კონგოში მყოფი ქარტველები ყოფილი სამხედროები არიან.
ანა მებურიშვილი