საზოგადოება

კონკურენციის სააგენტომ ,,იანდექს ტაქსის’’ წინააღმდეგ მიღებულ საჩივრებზე მოკვლევა დაიწყო

კონკურენციის სააგენტოს ხელმძღვანელი, ნოდარ ხადური ,,იანდექს ტაქსთან’’ დაკავშირებით მიღებულ საჩივრებს გამოეხმაურა.

მისი ინფორმაციით, მოკვლევა დაწყებულია და უწყება მეზობელი ქვეყნების შესაბამის სამსახურებს უკვე დაუკავშირდა.

,,ჩვენ უკვე დავიწყეთ წინასწარი სამუშაოები. ჩვენ დავუკავშირდით ჩვენი მეზობელი ქვეყნების, მათ შორის სომხეთის შესაბამის სამსახურებს და შევისწავლეთ ჩვენი კანონმდებლობის შესაბამისად იმ ინსტრუმენტების გამოყენებით, რომელიც დღეს გააჩნია საქართველოს კონკურენციის სააგენტოს’’, - განუცხადა ჟურნალისტებს ნოდარ ხადურმა.

კომპანია ,,200 200’’-მა და ტაქსების პროფკავშირებმა ,,იანდექს ტაქსს’’ კონკურენციის სააგენტოში კონკურენციის შესახებ კანონის დარღვევისთვის უჩივლეს. მათი განმარტებით, ,,იანდექს ტაქსი’’ მომხმარებლებს საბაზრო ღირებულებაზე სამჯერ ნაკლებ ფასად ემსახურება, რაც სხვა კომპანიებს არაკონკურენტულ გარემოში აყენებს.

ნინო ექვთიმიშვილი