უკან

უახლესი ამბები

დღის კალენდარი

ანონსები

არქივი

საზოგადოება

27 თებერვალი, 2020 15:30
font-size

კონკურსის „საუკეთესო ერთწუთიანი ფილმი“ გამარჯვებულ სტუდენტებს ტექნიკური უნივერსიტეტი ჰელსინკიში გაამგზავრებს

ტექნიკური უნივერსიტეტის დიზაინის საერთაშორისო სკოლის სტუდენტებისთვის ჩატარებულ კონკურსში - „საუკეთესო ერთწუთიანი ფილმი“ მარიამ ფარულავამ და ფრანჩესკო ილვენტომ გაიმარჯვა. გამარჯვებულები 2020 წლის სექტემბერში, ათი დღის განმავლობაში ფინეთში, ჰელსინკის აალტოს უნივერსიტეტის დიზაინის და არქიტექტურის სკოლაში სასწავლო ვიზიტით გაემგზავრებიან.

მარიამ ფარულავა სტუ-ის დიზაინის საერთაშორისო სკოლის მეორე კურსის სტუდენტია, ფრანჩესკო ილვენტო კი, „ერაზსმუსის“ გაცვლითი პროგრამით საქართველოს ტექნიკურ უნივერსიტეტში ერთი სემესტრის განმავლობაში სწავლობდა.

ფრანჩესკო ილვენტომ და მარიამ ფარულავამ კონკურის ფარგლებში ერთობლივად იმუშავეს და მობილური ტელეფონით გადაღებული სიუჟეტით ჟიურის წევრები მოწონება დაიმსახურეს. ფილმის სცენარი მარიამ ფარულავას ეკუთვნის და მთავარი როლიც თავად შეასრულა. ფრანჩესკო ილვენტომ კი, ფილმი მხატვრულად გააფორმა და მუსიკაც თავადვე შეარჩია.

შეგახსენებთ, რომ 17-18 იანვარს, დიზაინის საერთაშორისო სკოლაში სტუდენტებისთვის ვიზუალური ამბის გადმოცემის ტექნიკის დასახვეწად, ორდღიანი ინტენსიური კურსი ჩატარდა. სასწავლო კურსს DW Akademie-ს ტრენერი, თინათინ ცისკარაძე წარუძღვა. 2-დღიანი ტრენინგის განმავლობაში სტუდენტებმა ვიდეოს წარმოებისთვის საჭირო საბაზისდო ცოდნა და ამბის თხრობასა და მონტაჟში გამოცდილება მიიღეს.

ვორქშოფი სამი მოდულისგან შედგებოდა, რაც თანმიმდევრულად იყო განაწილებული ორი დღის მანძილზე. ვორქშოფი ემსახურებოდა სოციალური მედიისთვის საბაზო ცოდნისა და უნარების გამომუშავებას.

წელს, კონკურსში ფაკულტეტის 8 სტუდენტი მონაწილეობდა. კურსის შედეგად, სტუდენტებმა მობილური ტელეფონით ერთწუთიანი ვიდეოფილმი გადაიღეს და დაამონტაჟეს. კონკურსში მონაწილე 8 სტუდენტი წყვილებში მუშაობდნენ და მათ ჟიურის წევრებს 4 ნამუშევარი წარუდგინეს.

კომპეტენტურმა ჟიურიმ კი მხოლოდ ერთი ვიდეოფილმი აირჩია, რომლის ავტორები მარიამ ფარულავა და ფრანჩესკო ილვენტო აღმოჩნდნენ.

რაც შეეხება კონკურსში მონაწილე სხვა სტუდენტებს, მათ ვორქშოფის პროცესსი ტრენერის თითქმის ყველა შენიშვნა გაითვალისწინეს. ყველა ნამუშევარი თავისთავად საინტერესო იყო, თუმცა განსაკუთრებულად გამორჩეული იყო ნინო ხითალიშვილის და ნინო გულბანის ფილმი, რომლებმაც ჟიურის წევრებს საინტერესო სცენარი და გადაღების საინტერესო ვარიანტი შესთავაზეს.

კონკურსის „საუკეთესო ერთწუთიანი ფილმი“ ჟიურის თავმჯდომარე ტექნიკური უნივერსიტეტის დიზაინის საერთაშორისო სკოლის დეკანი ნიკოლოზ შავიშვილი იყო. ვორქშოფის ტრენერს, თინათინ ცისკარაძეს გადამწყვეტი ხმის უფლება ჰქონდა, ხოლო ძირითადი შემფასებლები თავად კონკურსის მონაწილეები იყვნენ, რომლებმაც ფარული კუნჭისყრით საუკეთესო ფილმი გამოავლინეს. ამ შემთხვევაში მონაწილეებისა და ჟიურის აზრი ერთმანეთს დაემთხვა.

ცნობისათვის, დიზაინის საერთაშორისო სკოლაში სტუდენტებისთვის კონკურსი უკვე მესამედ ჩატარდა. კონკურსის მიზანია, გამოავლინოს 10 სტუდენტი, რომელიც 2020 წლის სექტემბერში, ჰელსინკიში, აალტოს უნივერსიტეტში, დიზაინისა და არქიტექტურის სკოლაში, დიზაინის საერთაშორისო სკოლის სხვა სტუდენტებთან ერთად, სასწავლო ვიზიტით გაემგზავრება.

ტექნიკური უნივერსიტეტი დიზაინის საერთაშორისო სკოლა ხშირად აცხადებს შიდა საფაკულტეტო კონკურსებს და გამარჯვებულებს საშუალება ეძლევათ, სასწავლო ვიზიტით სხვადასხვა ქვეყნის დიზაინის სკოლები და მუზეუმები მოინახულონ.

აღსანიშნავია, რომ შარშან ჩატრებული ათი კონკურსიდან, ათივე გამარჯვებული სტუდენტი გერმანიაში ბაუჰაუსის ასი წლისთავისადმი მიძღვნილ ღონისძიებას დაესწრო.

28-29 მარტს საქართველოში უმეტესად უნალექო ამინდია მოსალოდნელი

27 მარტი, 2024 , 13:00

გარემოს ეროვნული სააგენტოს ცნობით, 28-29 მარტს საქართველოში მოსალოდნელია თბილი და უმეტესად უნალექო ამინდი, ხოლო 30 მარტს გაწვიმდება. „თბილისში 28-29 მარტს თბილი და უნალექო ამინდი იქნება. 30 მარტს ხანმოკლე წვიმაა მო

საქართველო, ისრაელი, მსოფლიო ებრაელობა - 35 წელი ურთიერთობების დაწყებიდან

27 მარტი, 2024 , 12:10

საქართველოს ისრაელის პარლამენტის საქართველოსთან მეგობრობის ჯგუფის  ხელმძღვანელის და ქნესეთში ეკონომიკის კომიტეტის თავმჯდომარის დავიდ ბიტანის ხელმძღვანელობით დელეგაცია  ეწვევა. სტუმრების მასპინძელია „ისრაე

მიხეილ სააკაშვილის გათავისუფლების მოთხოვნით ხელმოწერების შეგროვება დასრულდა

25 მარტი, 2024 , 18:59

მიხეილ სააკაშვილის გათავისუფლების მოთხოვნით ხელმოწერების შეგროვება დასრულდა. „ნაციონალური მოძრაობის“ პრესსამსახურის ინფორმაციით, მიხეილ სააკაშვილის პირადმა წარმომადგენელმა სოფო ჯაფარიძემ და &bd

დღეს, როგორც არასდროს, გვმართებს ფიქრი, რა დიდი წყალობა გვებოძა ღვთისგან ავტოკეფალიის სახით და რა უნდა ვაკეთოთ ეკლესიისა და ქვეყნის უფრო განვითარებისთვის - მეუფე შიო მუჯირი

25 მარტი, 2024 , 17:35

დღეს, როგორც არასდროს, გვმართებს, ვიფიქროთ იმაზე, თუ რა დიდი წყალობა გვებოძა ღვთისგან ავტოკეფალიური ეკლესიის სახით, რა დიდი საუნჯეა ეს და დავფიქრდეთ, თუ რა უნდა ვაკეთოთ იმისთვის, რომ არა მხოლოდ შენარჩუნდეს ეს დ

გარემოს ეროვნული სააგენტო მოსახლეობას ამინდის მოსალოდნელი გაუარესების შესახებ აფრთხილებს

25 მარტი, 2024 , 13:51

26 მარტიდან 27 მარტის დილამდე საქართველოში მოსალოდნელია წვიმა, დასავლეთ საქართველოში ზოგან ძლიერი, დასავლეთის მიმართულების ძლიერი ქარი, მაღალ მთაში ზოგან ძლიერი თოვა და ქარბუქი. ზღვაზე შესაძლებელია 3-4 ბალიანი შტორმული ღ

საქართველოს ბანკის მხარდაჭერით ძველ თბილისში ibis Styles - ის ბრენდის ახალი სასტუმრო აშენდება

25 მარტი, 2024 , 13:44

საქართველოს ბანკი, როგორც ბიზნესის მხარდამჭერი ბანკი,  სტუმარ - მასპინძლობის სექტორის გაძლიერებას აქტიურ რეჟიმში განაგრძობს. ბანკთან პარტნიორობით, კომპანია „კალა უბანი“ ibis Styles-ის

პირდაპირი TV

daily calendar

ვიდეო გალერეა

წითელი პარასკევი - დიდი პარასკევი