პოლიტიკა

კონსესუსის მიღწევა მხოლოდ ჩვენზე კი არა, ოპოზიციურ ძალებზეა დამოკიდებული - სოფიო კილაძე ფედერიკა მოგერინის წერილზე

საპარლამენტო უმრავლესობის წარმომადგენელი, სოფიო კილაძე ქართული არასამთავრობო ორგანიზაციებისადმი ევროკავშირის უმაღლესი წარმომადგენლის, ფრედერიკა მოგერინის საპასუხო წერილს გამოეხმაურა. მოგერინიმ სინანული გამოთქვა, რომ საკონსტიტუციო ცვლილებებთან დაკავშირებით კონსესუსი მიღწეული არაა.

კილაძის თქმით, მმართველი გუნდის გარდა ბევრია დამოკიდებული ოპოზიციაზე.

„ყველანი ერთად დავსხდებით მოლაპარაკების მაგიდასთან და ჩვენი ქვეყნისთვის სასარგებლო და ჩვენი ქვეყნისთვის ოპტიმალურ გადაწყვეტილებას მივიღებთ. მხოლოდ ჩვენზე არ არის ეს პროცესი დამოკიდებული, დამოკიდებულია ასევე ოპოზიციურ ძალებზეც, რომლებმაც ასევე უნდა გამოიჩინონ კეთილი ნება და თავისი ვიწროპოლიტიკური ინტერესები კი არა, ქვეყნის ინტერესები გაატარონ,“ - განუცხადა კილაძემ „რუსთავი 2“-ს.

ანა მებურიშვილი