კომენტარი
კონსტანტინე კოსაჩოვთანაც გვქონდა შეხვედრა - ადა მარშანია
„პატრიოტთა ალიანსის“ წევრის, ადა მარშანის განცხადებით, მოსკოვში პარტიის წევრებს ლეონიდ კალაშნიკოვის გარდა, რუსეთის სათათბიროს საგარეო ურთიერთობათა კომიტეტის თავმჯდომარესთან კონსტანტინე კოსაჩოვთან ქონდათ შეხვედრა.
ამის შესახებ მარშანიამ ჟურნალისტებს მოსკოვიდან დაბრუნებისთანავე თბილისის საერთაშორისო აეროპორტში განუცხადა.
„ბატონი კალაშნიკოვის გარდა, იყო შეხვედრა ფედერაციის საბჭოში, დელეგაციას ხელმძღვნელობდა ბატონი კოსაჩოვი. ჩვენ ვსაუბრობთ აბსოლუტურად კოლეგიალურად“,-თქვა დეპუტატმა.
კითხვაზე, რამდენად მართებულია რუსეთში ჩასვლა და ოკუპანტ ქვეყანასთან მოლაპარაკებების გამართვა, ადა მარშანია პასუხობს, რომ იმის შიში აქვს, რომ სანამ ცოცხალია სოხუმში ვერ მოხვდება.
„იცით რისი მეშინია? მეშინია, რომ ჩემს სახლში, სოხუმში ვერ მოვხდები, სანამ ცოცხალი ვარ. ადამიანს როდესაც რაღაცა ძალიან უნდა, მითუმეტეს სახლში დაბრუნება, ის ყველაფერს მიაღწევს. ამას ყველას დახმარბეით მივაღწევთ“,-აღნიშნა ადა მარშანიამ.
„აპტრიოტთა ალიანსის“ წევრებმა ვიზიტის სხვა დეტალებზე საუბარი არ ისურვეს და აღნიშნეს, რომ პრესკონფერენციას 9 ოქტომბერს გამართავენ, რომელზეც ყველა კითხვას გასცემენ პასუხს.
მონიკა დავლიანიძე